მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ ეხმაურებიან რუსები და რუსული მედია ზუგდიდში ბანკის ძარცვის საქმეს - "ბატონო ტერორისტო, იქნებ დაგვეხმაროთ პუტინისგან გათავისუფლებაშიც, ვალში არ დაგრჩებით!"
18:34 / 24-10-2020
ზუგდიდში, "საქართველოს ბანკში" მომხდარ სკანდალურ ძარცვას დასავლური მედიის გარდა, რუსული გამოცემებიც ეხმაურებიან. 21 ოქტომბრის ყაჩაღობის სხვადსხვა ეპიზოდებს აქტიურად განიხილავენ რუსულ სოციალურ ქსელებშიც.
"როგორ წაიღო მძარცველმა ბანკიდან 500 000 ათასი დოლარი, მძევლების გათავისუფლების სანაცვლოდ" - ამ სათაურით აქვეყნებს სტატიას interfax.ru, რომლის ცნობითაც, მძარცველი, რომელსაც სამხედრო ფორმა ეცვა და ავტომატითა და ხელყუმბარით იყო შეიარაღებული, მისი მოქმედებებიდან გამომდინარე, სავარაუდოდ, შეიარაღებული ძალების ან ძალოვანი უწყებების ყოფილი წარმომადგენელი იყო.
"პოლიციამ მას თავად გადასცა ნახევარი მილიონი დოლარი, მძევლების გათავისუფლების სანაცვლოდ", - წერს echo.msk.ru, რომლის ცნობითაც, საგამოძიებო და ძებნითი ღონისძიებები დღემდე გრძელდება.
"ქართული პოლიცია ბანკზე თავდასხმელზე ძებნას განაგრძობს", - წერს vesti.ru. გამოცემის ინფორმაციითაც, თავდამსხმელს თანხა პოლიციის ადგილობრივმა მაღალჩინოსანმა მიუტანა, რომელმაც მას სხვა მძევლების გათავისუფლების სანაცვლოდ, უსაფრთხოდ წასვლის საშუალება მისცა. ინტერნეტმომხარებლების დიდი ნაწილი ირონიული იუმორით აღნიშნავდა, რომ რამდენიმესაათიან სპეცოპერაციას ინტერესით უყურეს, თუმცა სიმძაფრე დააკლდათ.
"მაგალითად, რუსეთში მსგავსი შემთხვევა, აუცილებლად ФСБ-ს ალყით, თავდამსხმელის მიმართ ულტიმატუმითა და, საბოლოოდ, შტურმით დასრულდებოდა, რომელსაც მოჰყვებოდა მსხვერპლი, შემდეგ კი, პუტინის სამძიმრის შემცველი, თუმცა, გამარჯვებულის ტონალობაში წარმოთქმული სიტყვები, რომ "ძალიან წუხს დაღუპულების გამო, უსამძიმრებს მათ ოჯახებს, მაგრამ რუსეთი არასდროს წაახალისებს ტერორიზმსა და მძარცველებს".
ამას მოჰყვებოდა, პროსახელისუფლებო მედიის გადაცემები პათოსით, რომ გარე ძალების კიდევ ერთი შეტევა წარმატებით მოვიგერიეთ და მოსკოვი ტერორიზმს არასდროს შეეგუება, თუნდაც მსხვერპლის ფასად, რათა პრეცენდენტად არ იქცეს! მიუხედავად იმისა, რომ ეს პრეცენდენტები მაინც ხდება, თან საკმაოდ ხშირად... ეს ყველაფერი იქნებოდა, ცენტრალურ მოედანზე მიხაკებისა და სანთლების ფონზე... ჩვენ ასეთ ცხოვრებას შევეჩვიეთ. ქართველებო, რა ყველაფერში უცნაურები ხართ, როგორ ცხოვრობდით თქვენ საბჭოთა სივრცეში?!", - წერენ რუსები.
მსგავსი შინაარსის კომენატრები აქვს Youtube.com-ზე დადებულ ვიდეოს, რომელშიც მძარცველის მოქმედებებია ასახული.
"თუ აქამდე გვსმენია ძარცვა იტალიურად, ფრანგულად, ან ამერიკულად, ახლა მოვისმინეთ, ძარცვა ქართულად", - წერს "სერგეი შუტკო".
"რა უცნაურია, კავკასიაში უფროსების მიმართ განსგტერებიც კი შემწნყარებლები არიან... თუმცა, ქართველები მართლაც გამოირჩეოდნენ განსხვავებული ჰუმანიზმით, უფროსი თაობის მიმართ", - წერს კიდევ ერთი ინტერნეტმომხმარებელი, ელენა ნისტორი.
"ბატონო ტერორისტო, იქნებ დაგვეხმაროთ პუტინისგან გათავისუფლებაშიც, ვალში არ დაგრჩებით!" - წერს მაქსიმ პონომარენკო.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კარგად ვიხალისე სტატიის წაკითხვისას :)
"ბატონო ტერორისტო, იქნებ დაგვეხმაროთ პუტინისგან გათავისუფლებაშიც, ვალში არ დაგრჩებით!" - მაგი რომ შეეძლოს.................