მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ცოტა ყურს ჭრის მუდმივი თავის მართლებასავით ნათქვამი - "გარდაცვლილს თანმხლები დაავადებები ჰქონდა" - რას წერს ინფექციონისტი
17:14 / 29-09-2020
ინფექციონისტი ბუწაშვილი მიიჩნევს, რომ როდესაც კორონავირუსით გარდაცვალების შემთხვევების დროს თანმხლებ დაავადებებზე საუბრობენ, კარგი იქნება უფრო მეტი განმარტების გაკეთება, თორემ "ძნელად თუ მოიძებნება იდეალურად ჯანმრთელი ადამიანი." აღნიშნულ თემაზე ინფექციონისტი "ფეისბუქის" პირად გვერდზე ვრცელ პოსტს აქვეყნებს:
"ცოტა ყურს ჭრის მუდმივი თავის მართლებასავით ნათქვამი - "გარდაცვლილს თანმხლები დაავადებები ქონდა“. ზოგჯერ ადამიანებს ისე ჩაესმით, თითქოს "რა ვქნათ, თანხმლები დაავადებები ქონდა". ჯერ ერთი, თანმხლებ დაავადებებს გააჩნია. ადამიანების ძალიან დიდ ნაწილს აქვს რაიმე თანმხლები დაავადება. მაგალითად, ჰიპერტენზია.
მეორეც, პრობლემა და სამედიცინო დახმარების საჭიროება ზუსტადაც რომ ამ ადამიანებშია, თორემ ახალგაზრდას და ჯანმრთელს საერთოდ არ ჭირდება არაფერი, ისედაც განიკურნება. აქამდეც ტყუილად ვაყურყუტებდით სტაციონარებში და ამდენი ლაპარაკის მერე, კარგია, რომ როგორც იქნა, ბინაზე მოვლის მოდელი დაგვიანებით მაინც იწყებს ამოქმედებას. ამიტომ ამიერიდან ვინც სტაციონარში იქნება, იმათ უდიდეს ნაწილს სწორედაც რომ რომელიმე თანმხლები დაავადება ექნება და მათი გადარჩენა მოუწევთ ექიმებს.
ამიტომ ამ ჯგუფის ადამიანებზე ასეთი ხელჩაქნეული დამოკიდებულება არ არის კარგი.თავიდან, როდესაც ვამბობდით, რომ ხანდაზმულები და თანმხლები დაავადებების მქონეები რისკის ჯგუფია, გვსაყვედურებდნენ, ამას ხაზს რატომ უსვამთ და აშინებთ ამ ადამიანებსო, მაგრამ რისკ-ჯგუფების აღნიშვნა მნიშვნელოვანი ნამდვილად არის იმიტომ, რომ ამ ადამიანებმა და მათი ოჯახის წევრებმა გამოიჩინონ მეტი სიფრთხილე. თუმცა უკვე გარდაცვლილზე იქვე, აუცილებლად მიყოლებამ, რომ თანმხლები დაავადებები ქონდა, რაღაც უცნაური ხასიათი მიიღო. კარგად ვერც ვაყალიბებ, რისი თქმაც მინდოდა:(
რაც შეეხება თანმხლებ დაავადებებს - მეტი განმარტებები კარგი იქნება, თორემ, კიდევ ერთხელ ვამბობ, ძნელად თუ მოიძებნება იდეალურად ჯანმრთელი ადამიანი. მაგალითად, როდესაც ჰიპერტენზიაზე ვლაპარაკობთ, დასაკონკრეტებელია, რომ რისკი განსაკუთრებით მაღალია არაკონტროლირებადი ჰიპერტენზიის დროს.
არადა, რამდენი ადამიანია საქართველოში, "წნევას რომ ატარებს“ (ეს უცნაური გამოთქმა ჯერ კიდევ ძალიან ხშირად გვესმის) და არ იღებს წამლებს, ან იღებს მხოლოდ მაშინ, "როცა წნევა აუწევს“.პანდემიის დასაწყისში ვრცელდებოდა ინფორმაცია, რომ ანტიჰიპერტენზიული მედიკამენტების ზოგიერთი ჯგუფები (ACE ინჰიბიტორები და ARBs) ასოცირებულია COVID გართულებებთან, თუმცა საპირისპირო კვლევებიც გაჩნდა, რომელთა მიხედვით ამ მედიკამენტების მიღება ამცირებს გართულებების და სიკვდილის რისკს.
ასეა თუ ისეა, ჯერ-ჯერობით რაიმე დასაყრდენი, ფართომასშტაბიანი კვლევა, რომელიც მულტივარიაციული სტატისტიკური ანალიზით მკაფიოდ აჩვენებს, არის თუ არა ჰიპერტენზია კოვიდის გართულებების დამოუკიდებელი რისკ-ფაქტორი (ასაკთან და სხვა შესაძლო რისკ-ფატორებთან შეჯერების შემდეგ), ჯერ გამოქვეყნებული არ არის. ფაქტია, რომ არაკონტროლირებადი ქრონიკული დაავადებები (მათ შორის ჰიპერტენზია და დიაბეტი), გართულებებისთვის სერიოზულ საფუძველს ქმნის. ამიტომ შფოთვას და ნერვიულობას ჯობია შესაბამისი სპეციალისტის დანიშნული მედიკამენტები მივიღოთ და წნევა იქნება ეს თუ სისხლში შაქრის კონცენტრაცია, მუდმივად კონტროლირებული გვქონდეს", - აღნიშნავს ბუწაშვილი.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დიახ. დედაჩემს შუნტირების ოპერაცია აქვს გაკეთებული და ყოველ ასეთ განცხადებაზე გული მისკდება, თან თავადაც რომ ისმენს. რა უტაქტობაა იმ უამრავი ადამიანის მიმართ, რომლებიც ქრონიკული დაავედების მქონენი არიან
ქალბატონო მაია რატომ ხართ ასე "გაბრაზებული", ამ პანდემიის დროს "მთავარ" ეპიდემიოლოგებში ადგილი არ შეგხვდათ? არ არის ლამაზი ასეთი ღვარძლის ნთხევა კოლეგებზე, რომლებიც მართლა თავგანწირვით იბრძვიან თითოეული პაციენტის გადასარჩენად.