მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გაძვირდება თუ არა პური და რას გეგმავს მთავრობა სურსათის ფასებთან დაკავშირებით
22:00 / 28-09-2020
გარემოს დაცვისა და სოფლის მეურნეობის მინისტრის, ლევან დავითაშვილის განცხადებით, პურის ფასის ზრდა მოსალოდნელი არაა.
როგორც მინისტრმა ტელეკომპანია „პალიტრანიუსის“ გადაცემა "დღის ნიუსრუმში", ლარის გაუფასურების გამო, სასურსათო პროდუქტების ნაწილზე ფასების გაზრდასთან დაკავშირებით განაცხადა, ქვეყანაში ხორბლის საკმარისი მარაგებია.
„ამ მომენტში ჩვენ სრულად ვაკონტოლებთ ფასს პურზე. ესაა ყველაზე მგრძნობიარე კატეგორია და მოსახლეობას სრული პასუხისმგებლობით მინდა განვუცხადო, რომ არ ველოდებით ფასების ზრდას, მიუხედავად იმისა, რომ დიდი წნეხია.
ხორბლის მარაგები გვაქვს მაქსიმალული, 100 ათას ტოანაზე მეტია ინდუსტრიული მარაგები წისქვილებში და ამას ემატება ფერმერების ადგილობრივი წარმოება, რაც საშუალებას გვაძლევს, რომ ფქვილის ფასი იყოს სტაბილური და არ ჰქონდეთ მეპურეებს პურის გაძვირების წინაპირობა. ვხვდებით ინდუსტრიის წარმომადგენლებს, ზეგაც გვექნება შეხვედრა მეპურეებთან და მეორბლეებთან“, - აღნიშნა მინისტრმა.
რაც შეეხება 9 სასურსათო პროდუქტის ფასის სავალუტო კურსის გავლენით ზრდისგან დაზღვევის პროგრამას, მინისტრის განცხადებით, პროექტისთვის გამოყოფილი 10 მილიონი სრულად არ დაიხარჯა და დაზოგილი თანხა სხვა პროექტების დასაფინანსებლად მიიმართა.
„რა თქმა უნდა, შორს ვართ აზრისგან, რომ ყველა ფასი პანდემიამდე ნიშნულზე დავიჭირეთ. ეს შეუძლებელია და ამას მთელი საბიუჯეტო რესურსი არ ეყოფოდა.
მთლიან შიდა პროდუქტთან მიმართებაში, რომელიც საქართველოს აქვს სოციალური და ეკონომიკური დახმარების ნაწილში პაკეტი იყო უპრეცენდენტოდ მაღალი. ეს ნიშნავს, რომ საქართველოს პასუხისმგებლიანი ხელისუფლება ჰყავს. ამან შესაძლებლობა მოგვცა, რომ შევინარჩუნეთ დარგები, სექტორები“, - აღნიშნა მინისტრმა.
გარემოს დაცვისა და სოფლის მეურნეობის მინისტრი, ლევან დავითაშვილი არ გამორიცხავს, რომ საჭიროების შემთხვევაში მთავრობამ სასურსათო პროდუქტების ფასის ზრდა კვლავ დააზღვიოს.
როგორც მინისტრმა სასურსათო პროდუქტებზე ფასების ზრდის ტენდენციაზე საუბრისას განაცხადა, მიმდინარეობს სიტუაციის მონიტორინგი და კრიტიკული საჭიროების შემთხვევაში შესაძლოა, მთავრობას საბაზრო პროცესის დაბალანსება მოუხდეს.
„ვაკეთებთ ზუსტ შეფასებას სიტუაციის, მონიტორინგს ყოველდღიურ რეჟიმში, რომ საჭიროებიდან გამომდინარე რეაგირება მოვახდინოთ. საიდანღაც ფული უნდა გამოინახოს, რესურსი ისევ გადასახადის გადამხდელების მიერ აკუმულირებული თანხების ამ მიმართულებით დახარჯვას გულისხმობს და მთავრობის პასუხისმგებლობა ძალიან დიდია. თუ დავინახავთ კრიტიკულ საჭიროებას, შესაძლოა, ისეთი ინტერვენცია მოგვიწიოს, რომელიც ამ საბაზრო პროცესებს დააბალანსებს. ამიტომ მნიშვნელოვანია სწორი ნაბიჯების და სწორ დროს გადადგმა. ვნახოთ ლარის კურსიც როგორ წარიმართება, ძალიან დიდია საგარეო ფაქტორი, რომელიც უკავშირდება არა მხოლოდ ეკონომიკურ, არამედ პოლიტიკურ ფაქტორებსაც. სიტუაციიდან გამომდინარე მოგვიწევს მოქმედება. ვფიქრობ, სახელმწიფო სრული პასუხისმგებლობით გააკეთებს რეაგირებას მოსახლეობის ინტერესების დასაცავად. შესაძლებლობიდან გამომდინარე რა თქმა უნდა, მაქსიმუმს გავაკეთებთ“, - აღნიშნა მინისტრმა.
ცნობისთვის, მთავრობის გადაწყვეტილებით, გაზაფხულზე, პანდემიის პირველი ეტაპის დროს, 9 სასურსათო პროდუქტზე ფასების ზრდის დაზღვევისთვის სახელმწიფო ბიუჯეტიდან 10 მილიონი ლარი გამოიყო. პროგრამა ითვალისწინებდა იმპორტიორი კომპანიებისთვის 2020 წლის 15 მარტიდან 15 მაისის ჩათვლით, პროდუქტების იმპორტის მიზნით, უცხოურ ვალუტაში (აშშ დოლარი და ევრო) გაწეული ხარჯის სავალუტო კურსით გამოწვეული ცვლილების სუბსიდირებას ისეთ პროდუქტებზე, როგორებიცაა: ბრინჯი, მაკარონის ნაწარმი, წიწიბურა, მზესუმზირის ზეთი, შაქარი, ხორბალი, ხორბლის ფქვილი, რძის ფხვნილი და ლობიო.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რას გადაეკიდეთ ამ პურს, სხვას არაფერს არ ჭამთ?
არ გაძვირდება ფასი იგივე იქნება ოღონდ დაპატარავდება პური.