მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სუს-ის ყოფილი თანამშრომელი, რომელიც, რამიშვილის მტკიცებით, ბაჩალიაშვილს "ფლეშკებს" გადასცემდა და მითითებებს აძლევდა, ამას უარყოფს - რა განაცხადა მისმა ადვოკატმა
14:40 / 24-09-2020
სუს-ის ყოფილი თანამშრომელი, რომელიც მსჯავრდებულია, აცხადებს, რომ მიხეილ რამიშვილს "ადამიანური დახმარების მიზნით" მიაწოდა ინფორმაცია იმასთან დაკავშირებით, თუ როგორ უნდა ჩატარებულიყო თამარ ბაჩალიაშვილის საქმეზე ექსპერტიზა. აღნიშნულის შესახებ "ინტერპრესნიუსს" პატიმრის ადვოკატმა დავით ხარატმა განუცხადა.
როგორც ადვოკატი განმარტავს, მსჯავრდებული უარყოფს იმ ინფორმაციას, რაც მიხეილ რამიშვილმა მისი გამოკითხვის ოქმში მიუთითა და პროკურატურას წარუდგინა.
შეგახსენებთ, მიხეილ რამიშვილმა ამ ცოტა ხნის წინ, თბილისის პროკურატურაში სუს-ის ყოფილი თანამშრომლის გამოკითხვის ოქმი მიიტანა. ადვოკატის თქმით, აღნიშნული პიროვნება დეტალურად აღწერდა, თუ როგორ უგზავნიდა თამარ ბაჩალიაშვილს "ფლეშკებს" და აძლევდა გარკვეულ მითითებებს. რამიშვილმა ასევე აღნიშნული პირის, მისი ოჯახის წევრებისა და საკუთარი ოჯახის წევრების უსაფრთხოების დასაცავად საქართველოში მყოფ ყველა ელჩს მიმართა.
ხარატის განცახდებით კი, მიხეილ რამიშვილი არაკოლეგიალურად მოიქცა და იმგვარი ინფორმაცია გაავრცელა, რაც სიმართლეს არ შეესაბამება.
"მოგახსენებთ, რომ ვიცავ იმ პირის ინტერესებს, რომელიც დღეის მდგომარეობით პატიმრობაშია. სწორედ, აღნიშნულმა პიროვნებამ მიაწოდა ადვოკატ მიხეილ რამიშვილს ინფორმაცია, თუ როგორ უნდა ჩატარებულიყო ექსპერტიზები ბაჩალიაშვილის საქმესთან დაკავშირებით, უბრალოდ ადამიანური დახმარების მიზნით. მიხეილ რამიშვილმა 2020 წლის 3 აგვისტოს გამოკითხა აღნიშნული პიროვნება, თუმცა, მათივე შეთანხმებით მისცა პირობა, რომ ამ ინფორმაციას მიიღებდა ცნობად და მის პიროვნებას არ გაახმაურებდა.
2020 წლის 20 სექტემბერს, მე ადვოკატ დავით ხარატს ტელეფონით დამიკავშირდა მიხეილ რამიშვილი და მკითხა - დაუდასტურებდა თუ არა ჩემი დაცვის ქვეშ მყოფი მას აგვისტოში მიცემულ ინფორმაციას, რაზედაც მე ვუპასუხე, რომ მსჯავრდებულის მონახულებას ვაპირებდი 22 სექტემბერს, არ ვიცოდი მათი საუბრის და შეთანმხების დეტალები, ვკითხავდი და მის (პატიმრის) პასუხს გადავცემდი. თუმცა, მიხეილ რამიშვილმა არ მოიცადა და მეტად პროვოკაციული ე.წ. გამოკითხვის ოქმი წარუდგინა პროკურატურას 21 სექტემბერს. ჩემმა დაცვის ქვეშ მყოფმა კი, 22 სექტემბერს საკმაოდ აღშფოთებულმა ყოველგვარი ინფორმაციის დადასტურებაზე უარი განაცხადა, მე მსგავსი რამ არ მითქვამს ან რატომ ვეტყოდიო, უბრალოდ მივაწოდე ინფორმაცია ექსპერტიზების დროს რისთვის უნდა მიექცია ყურადღებაო, ხოლო ხელი რაზე მომაწერინა, არ წამიკითხავსო.
შესაბამისად, მიხეილ რამიშვილი მოიქცა არაკოლეგიალურად, გაავრცელა იმგვარი ინფორმაცია, რაც სიმართლეს არ შეესაბამება, არ დაელოდა რესპოდენტის პასუხს, რომ აღარაფერი ვთქვათ ადვოკატთა ეთიკაზე. ჩემი დაცვის ქვეშ მყოფი უარყოფს მიხეილ რამიშვილისთვის მიწოდებულ ინფორმაციას, რადგან ამ უკანასკნელმა ის გამოიყენა მისი არარეალური, ყალბი და პროვოკაციული მოსაზრებების, პოზიციის გასამყარებლად და არა შეთანხმების თანახმად, მხოლოდ ექსპერტიზების მიმდინარეობაზე კონტროლის განსახორციელებლად", - აცხადებს ხარატი.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რამიშვილი სიმართლეს ამბობს,ყოფილი სუს –ის თანამშრომელი არ არსებოს.ის წაუკითხავად ოქმს ხელს არ მოაწერდა.
საქმის ასე საჯაროდ გამოძიება ვის გაუგია. გაჩუმდეს ყველა ბრალმდებელ- ბრალდებულიან-ადვოკატებიანად. ჩუმად იმუშაონ და მხოლოდ საბოლოო დასკვნა გაასაჯაროონ.