მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მოვუწოდებ ქართულ ოპოზიციას, მიხეილ სააკაშვილის დაბომბვას თავი დაანებონ" - გუბაზ სანიკიძე
13:58 / 21-09-2020
როდესაც მიხეილ სააკაშვილი ამბობს, რომ უმრავლესობით მოდის ხელისუფლებაში, ეს უკვე სერიოზული განცხადება და სერიოზული შესაძლებლობაა, - ამის შესახებ ყოფილმა დეპუტატმა გუბაზ სანიკიძემ ტელეკომპანია "პალიტრანიუსში“ გადაცემა "ნიუსრუმში“ განაცხადა.
მისივე თქმით, სააკაშვილის განცხადება ხელისუფლებაში უმრავლესობით მოსვლაზე არ აზიანებს კოალიციური მთავრობის იდეას, რადგან თავად იყო ოპოზიციის ერთიანი სიის და ერთობის ინიციატორი, რომელზეც ყველამ უარი თქვა.
როგორც სანიკიძემ აღნიშნა, ქრესტომათიული ჭეშმარიტებაა, რომ პოლიტიკური პარტიები იქმნებიან იმისთვის, რომ მოიგონ არჩევნები, მოვიდნენ უმრავლესობით და პარტია, რომელიც ამისთვის არ იბრძვის, "პარაზიტული პარტიაა“, რომელსაც სხვა მიზნები და ამოცანები ამოძრავებს პოლიტიკაში.
"მიხეილ სააკაშვილის მიერ გაკეთებულ განცხადებებში არანაირი წინააღმდეგობა არ არის. ის ამბობს, რომ ფართო საზოგადოება უნდა ჩაერთოს ქვეყნის საქმეში და ფართო საზოგადოებაში პოლიტიკური პარტიებიც იგულისხმება. როდესაც საუბარია, თითქოს სააკაშვილი შლის ერთობას, ებრძვის ერთობას, ეს არ შეესაბამება სიმართლეს, იმიტომ, რომ სააკაშვილი იყო ინიციატორი იმისა, რომ დიდი ერთობა შემდგარიყო“, - განაცხადა გუბაზ სანიკიძემ.
მან ოპოზიციონერ პოლიტიკოსებს მოუწოდა, დაასრულონ კინკლაობა, რადგან მთავარი სამიზნე "ქართული ოცნება“ ძალიან კომფორტულად გრძნობს თავს.
"მმართველობის ორპოლუსიანობას თუ მრავალპოლუსიანობას 31 ოქტომბრის არჩევნებში ქართველი ხალხი გადაწყვეტს. მოვუწოდებ ქართულ ოპოზიციას, რომ თუ ორპოლუსიანობის ეშინიათ, დაანებონ მიხეილ სააკაშვილის დაბომბვას თავი იმიტომ, რომ ამით არაფერი გამოდის და უკუპროცესს ღებულობენ. დღეს მოსწონს ვინმეს თუ არ მოსწონს პოლიტიკური ინიციატივა მიხეილ სააკაშვილის ხელშია იმიტომ, რომ მთელი პოლიტიკური სპექტრი, ხელისუფლებაც და ოპოზიციაც, უკვე რეაგირებს სააკაშვილის განცხადებებზე. საჭადრაკო ტერმინოლოგიით რომ ვთქვათ, აქამდე თუ სააკაშვილი შავებით თამაშობდა, ახლა თეთრებით თამაშობს და ცოტა გამოფხიზლდეს ოპოზიცია“, - განაცხადა გუბაზ სანიკიძემ.
გუბაზ სანიკიძემ განმარტა, რომ თავად პარტიული ცხოვრება დაასრულა, თუმცა პოლიტიკურ ცხოვრებას აგრძელებს.
"დასამალი არ არის, რომ მე "ნაციონალურ მოძრაობასთან“ მაქვს ინტენსიური კონსულტაციები. ჩემს სტატუს არ განსაზღვრავს სიაში ყოფნა-არ ყოფნა, ერთი რამე ვიცი, რომ მე ვიქნები ფრონტის წინა ხაზზე“, - განაცხადა სანიკიძემ.
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა სერიოზულად უჭირს ამ კაცს!!! ოჯახში ვინმე ღვთისნიერი არ ჰყავს, რომ უშველოს??? ვფიცავ, მართლა გულით მეცოდება
ი.ჭავჭავაძის ნაწარმოებია ერთი ერთში!! იმენა ამაზეა "კაცია ადამიანი?!"