კახეთში Covid 19-ის 3 ახალი შემთხვევაა - ერთ-ერთი ინფიცირებული შსს-ს სასაზღვრო პოლიციის ახალსოფლის ჯგუფის უფროსია

კახეთში კორონავირუსის სამი ახალი შემთხვევა გამოვლინდა. ლაგოდეხში ინფიცირებულია შუახნის კაცი, რომელიც შინაგან საქმეთა სამინისტროს სასაზღვრო პოლიციის ახალსოფლის ჯგუფის უფროსია. შსს-ს ინფორმაციით, მას აჭარაში მოგზაურობის ისტორია აქვს და ტესტის პასუხები 12 სექტემბერს გახდა ცნობილი.

ის აჭარის რეგიონიდან სამსახურეობრივი მოვალეობის შესასრულებლად 10 სექტემბერს დაბრუნდა. სიმპტომების გამოვლენის შემდეგ, პაციენტი თავდაპირველად ლაგოდეხის ადგილობრივ კლინიკაში მოათავსეს, covid19-ის დადასტურების შემდეგ კი, დღეს დილით თბილისში სპეციალიზირებულ კლინიკაში გადაიყვანეს.

,,მესაზღვრე ბათუმიდან 10 სექტემბერს დაბრუნდა, თუმცა, კუთვნილი შვებულებით სარგებლობის გამო, არ გამოცხადებულა სამუშაო ადგილზე და შესაბამისად, სხვა თანამშრომლებთან კონტაქტი არ ჰქონია. ინფიცირებული თბილისის ინფექციურ საავადმყოფოში მკურნალობს. პიდემიოლოგები აწარმოებენ წყაროს იდენტიფიცირებას და კონტაქტების კვლევას“, - ნათქვამია ინფორმაციაში.

რაც შეეხება ახმეტის მუნიციპალიტეტს, ახმეტაში კორონავირუსის ორი ლაბორატორიულად დადასტურებული შემთხვევა, სოფელ მატანში მცხოვრები კაცის ახლო კონტაქტებია, რომელსაც 5 სექტემბერს გორში ქორწილი ჰქონდა.

დაავადებათა კონტროლის კახეთის განყოფილების უფროსის, ნელი ხიზანიშვილის თქმით, ორივე მუნიციპალიტეტში ეპიდემიოლოგები მუშაობენ და მიმდინარეობს კვლევა.