მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ყოფილი ცოლის სასტიკ მკვლელობაში ბრალდებულს 16-წლიანი პატიმრობა მიესაჯა
14:19 / 11-09-2020
საქმე შეეხება ბოლო დროის ერთ-ერთ გახმაურებულ დანაშაულს - ყოფილი ცოლი, 26 წლის ბეტა ნაჭყებია 32 წლის ლევან ლომიძემ, ეჭვიანობის ნიადაგზე, საკუთარი ბებიის თვალწინ, ნაჯახით დაჩეხა. მკვლელი შემთხვევის ადგილიდან მიიმალა, ხოლო ახალგაზრდა ქალი მიღებული დაზიანებების შედეგად ადგილზე გარდაიცვალა.
ბოლო დროის ერთ-ერთი ყველაზე სასტიკი დანაშაული 2020 წლის 18 იანვარს სურამში მოხდა. მედიაში გავრცელებული ინფორმაციით, ბეტა ნაჭყებია შვილთან ერთად სენაკში ცხოვრობდა და სურამში ქმრის ბებიასთან პერიოდულად ჩადიოდა, რათა მამა-შვილს ერთმანეთი ენახათ. როდესაც შემზარავი ტრაგედია მოხდა, ცოლ-ქმარი ორი წლის გაშორებული იყო. ადგილობრივების ინფორმაციით, ლევან ლომიძეს ყოფილ მეუღლესთან შერიგება სურდა, რაზეც ცოლი უარს აცხადებდა. მკვლელის დედა კი მკვლელობის ვერსიად სხვა რამეს ასახელებდა. მარიკა ლომიძე მედიასთან ამბობდა, რომ ყოფილ მეუღლეებს შორის კონფლიქტის მიზეზი საერთო შვილი იყო. მისი თქმით, ყოფილი რძალი ბავშვის ნახვის საშუალებას არ აძლევდა. მას მხოლოდ მაშინ მიჰყავდა ბავშვი მამასთან სანახავად, როცა თავად მოისურვებდა. სამართალდამცველებმა ლევან ლომიძე მკვლელობის დღესვე, ხაშურში დააკავეს. მას ბრალდება საქართველოს სისხლის სამართლის კოდექსის 11 პრიმა 109-ე მუხლის მეორე ნაწილის „ბ“, „დ“ პრიმა და „ვ“ ქვეპუნქტებით (განზრახ მკვლელობა წინასწარი შეცნობით უმწეო მდგომარეობაში მყოფი ოჯახის წევრის მიმართ, გენდერის ნიშნით) წარედგინა. სასამართლომ ლ.ლ.-ს აღკვეთის ღონისძიების სახით პატიმრობა შეუფარდა. გორის რაიონულმა სასამართლომ ლომიძე სრულად ცნო დამნაშავედ წარდგენილ ბრალდებაში და სასჯელის სახედ და ზომად 16 წლით თავისუფლების აღკვეთა განუსაზღვრა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
