"გუკამ ბაკურიანში შვილებთან ერთად დაისვენა, მათთან ერთად იყო ლელას და გიგის ბიჭი" - შეურიგდა თუ არა ლელა კილაძე საპატიმროდან გამოსულ ქმარს?

"ცენტრ პოინტის" დამფუძნებელი და კინოპროდიუსერი გუკა რჩეულიშვილი რამდენიმე თვის წინ სკანდალში გაეხვა. 12 მარტს ცოლის, ლელა კილაძის მიმართ განხორციელებული ფსიქოლოგიური ძალადობის ფაქტზე გაცემული შემაკავებელი ორდერით გათვალისწინებული მოთხოვნებისა და ვალდებულებების შეუსრულებლობის ბრალდებით საკუთარ სახლთან დააკავეს.

მაშინ რჩეულიშვილს სასამართლომ 6 თვიანი პატიმრობა შეუფარდა, თუმცა როგორც დღეს "ინტერპრესნიუსისთვის" გახდა ცნობილი რჩეულიშვილს აღკვეთის ღონისძიების სახით შეფარდებული პატიმრობა თბილისის საქალაქო სასამართლომ 10 000-ლარიანი გირაოს სანაცვლოდ დაახლოებით 2 თვის წინ შეუცვალა.

მართალია საპატიმრო უკვე თითქმის ორი თვეა დატოვა, მაგრამ გუკა რჩეულიშვილი სოციალურ ქსელს რამდენიმე საათის წინ დაუბრუნდა და დაწერა:

"i am back bannys #ltfr next bang started wolf gang მაგრად მომენატრეთ ვიღაცეები, დანარჩენი უბრალოდ ხომ ხართ ჯიგრულად. მე დავწერ, ოთხი სხვადასხვა დაკეტილი სისიტემა შემოვიარე 5 თვეში, კარგი არაფერი პატიმრების 40% ტყუილად ზის, ხოდა მეც გამოვედი.

ამათ კანონები უნდა შევაცვლევინოთ წასვლამდე ან მეორედ ვირტუალურ მოსვლამდე! საქმე ბევრია ყველაფერი კარგად არის. რაც მთავარია ცენტრ-პოინტს უნდა დავუსვა წერტილი,რასაც აუცილებლად ვიზამ! fall to learn to fly!! we shall never surrender...inshallah“ - წერს გუკა.

AMBEBI.GE-ს ინფორმაციით ლელა კილაძე და გუკა რჩეულიშვილი არ შერიგებულან. როგორც ჩვენი წყარო გვიყვება, ბაკურიანში ცოტა ხნის წინ რჩეულიშვილმა შვილებთან - კატოსთან და თრინითისთან ერთად დაისვენა. თრინითი გუკას და ლელა კილაძის საერთო შვილია, ხოლო კატო მას პირველი ქორწინებიდან ჰყავს.

ბავშვები ბაკურიანში ძიძასთან ერთად იყვნენ, რა დროსაც მათ გუკამ ჩააკითხა. მათთან ერთად ისვენებდნენ ასევე ლელა კილაძისა და გიგი უგულავას საერთო შვილი ალექსანდრე უგულავა და ლელას კილაძის მეორე ვაჟი პირველი ქორწინებიდან.