მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
Fuckup Nights14 აგვისტოს ბათუმში ბრუნდება - გონიოს ციხეში სპიკერები მარცხის ისტორიებს მოყვებიან
17:45 / 12-08-2020
ონლაინ-შეხვედრების შემდეგ გლობალური მოძრაობა Fuckup Nights ბათუმში დაბრუნდა. მის მონაწილეებს ახლა უკვე ზღვისპირეთში, გონიოს ციხეში აქვთ შესაძლებლობა, ცნობილი და თავიანთ სფეროში წარმატებული ადამიანებისგან მარცხის ისტორიები მოისმინონ, შეხვდნენ ანტრეპრენერებს, გაცვალონ იდეები და უბრალოდ, საღამო საინტერესოდ და მხიარულად გაატარონ.
„თბილისის სტარტაპ-ბიუროს“ თანადამფუძნებელი ჰაიკ ასრიანცი აღნიშნავს, რომ საქართველოს სიდიდით მეორე ქალაქ ბათუმს ინოვაციებისა და ანტრეპრენერების ეკოსისტემის განვითარების შესანიშნავი პოტენციალი აქვს, Fuckup Nights-ს კი ამ პროცესში წვლილის შეტანა შეუძლია.
„აქ მცხოვრები ადამიანები არიან კრეატიულები, ნიჭიერები, მაგრამ წინ ბევრი შემაფერხებელი ფაქტორი ხვდებათ, განსაკუთრებით, პანდემიიდან გამომდინარე. ჩვენ გვინდა, რომ გავგზავნოთ პოზიტიური მესიჯები, ადამიანები დავაკავშიროთ ერთმანეთთან, მივცეთ მათ შთაგონება და შევქმნათ ახალი შესაძლებლობები“, - აღნიშნავს „თბილისის სტარტაპ-ბიუროს“ თანადამფუძნებელი.
მოწვეული სპიკერების გამო, Fuckup Nights-ის ღონისძიება განსხვავებული და უნიკალურია. მონაწილეები ყოველ ჯერზე ისმენენ ახალ ისტორიებს, ხვდებიან სხვადასხვა პროფესიისა და ინტერესების მქონე ხალხს და მათთან ცვლიან იდეებს. ეს პროცესი კი განსაკუთრებით სასიამოვნო და საინტერესო გახდება ზღვისპირეთში, გონიოს ულამაზეს ციხეში.
„Fuckup Nights Tbilisi იზრდება. ჩვენს ღონისძიებას ჰყავს ერთგული მონაწილეები, რომელთაც ის ძალიან უყვართ და ჩვენც გვიყვარს ისინი! პანდემიის პერიოდში ჩვეულებრივი შეხვედრებიდან ონლაინ შეხვედრებზე გადავედით და 3 ღონისძიება ჩავატარეთ, რისი მეშვეობითაც უცხოეთში მცხოვრებ სპიკერებს მასში მონაწილეობის მიღების საშუალება მიეცათ. რა თქმა უნდა, პირისპირ შეხვედრის ხიბლს ვერაფერი ჩაანაცვლებს, ამიტომ ბათუმით ვუბრუნდებით ჩვეულ ფორმატს“, - განმარტა ჰაიკ ასრიანცმა.
Fuckup Nights Batumi vol.1 ორგანიზებულია „თბილისის სტარტაპ-ბიუროსა“ და საქართველოს ინოვაციების და ტექნოლოგიების სააგენტოს მიერ.
შეხვედრის მოდერატორი საქართველოს ვენჩურული კაპიტალის ასოციაციის (GVCA) დამფუძნებელი და Alliance Group Holding-ის აღმასრულებელი დირექტორი აიეტ კუკავა იქნება, დამსწრე საზოგადოებას კი საკუთარ გამოცდილებას გაუზიარებენ:
დავით ხოსროშვილი - მისი თანადაფუძნებული კომპანიებია WiFisher.com, MaxinAl, Olmait, Hostelpro.com და Termial.com. კომპანიებში დასაქმებულია 80-ზე მეტი ადამიანი და ემსახურებიან მომხმარებლებს 10-ზე მეტ ქვეყანაში. დავით ხოსროშვილის კომპეტენციაში სტრატეგიული დაგეგმვა და მართვა შედის.
გიორგი კუვშინოვი - Boom Boom Booking Agency -ის დამფუძნებელი, ბუქერი Partymag (Turkey), The Triângûlum (Armenia), Origami, Set Fest, Colibri და მრავალი სხვა. გიორგის უმუშავია შემდეგ არტისტებთან - Stephan Bodzin, Polo & Pan, MaceoPlex, Luciano, Tale of Us, Agoria, Deborah De Luca, Joe Claussell, Oscar and the Wolf და სხვა. თანამშრომლობს რეგიონში ცნობილ სამაუწყებლო კომპანიასთან Cercle.
ტბელ აბუსერიძე - ფოტოგრაფი, თანამშრომლობდა სხვადასხვა გამოცემასთან, მათ შორის „რადიო თავისუფლებასთან“. ამჟამად რამდენიმე ფოტოჟურნალის ტურპროექტზე National Geographic Magazine საქართველოსთვის მუშაობს.
პაპუნა ტოლიაშვილი - „სინერჯი კაპიტალის“ დირექტორი და „სინერჯი ჯგუფის“ ერთ-ერთი დამფუძნებელი. კომპანიას 1999 წლიდან 400-ზე მეტი პროექტი აქვს განხორციელებული 100-ზე მეტ ორგანიზაციასთან საქართველოში სტრატეგიული და სტრუქტურული განვითარების კუთხით. 2018 წელს „სინერჯი ჯგუფმა“ შექმნა კერძო კაპიტალის ფონდი - „სინერჯი კაპიტალი“, რომელიც ამდროისთვის 10-ზემეტ კომპანიას აერთიანებს.
ღონისძიება 14 აგვისტოს 20:00 საათზე დაიწყება. აღსანიშნავია, რომ Fuckup Nights Batumi vol.1-ზე ბილეთების რაოდენობა მსოფლიოსა და საქართველოში მიმდინარე მოვლენების გამო, უსაფრთხოების დაცვის მიზნით საგრძნობლად შეზღუდულია.
ღონისძიების პარტნიორები არიან ფრიდრიხ ნაუმანის ფონდი (Friedrich Naumann Foundation for Freedom South Caucasus, Grant Thornton Georgia, Kedari Ventures • კედარი ვენჩერს, Georgian Venture Capital Association - GVCA,
Bolt,Wolt და ლუდი ქარვა • Karva.
- რა არის Fuckup Nights?
Fuckup Nights გლობალური მოძრაობა და ღონისძიებების სერიაა, რომელიც პროფესიული წარუმატებლობის ამბებს გიყვებათ. 2012 წელს მექსიკაში დაწყებულ ისტორიას, დღეს უკვე მთელი მსოფლიოს მასშტაბით 90 ქვეყანა და 320 ქალაქი უერთდება, მათ შორის საქართველო და მისი უდიდესი ქალაქები თბილისი და ბათუმი.
„თბილისის სტარტაპ-ბიურო“ Fuckup Nights-ს უკვე 2 წელია თბილისში მართავს.
დასწრების მსურველებს ბილეთების შეძენა შეუძლიათ მოცემულ ბმულზე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
