10
მაისიდღის ზოგადი ასტროლოგიური პროგნოზი
ახლადრეაბილიტირებულ ჭავჭავაძის გამზირზე დღეიდან მუნიციპალურმა ტრანსპორტმა ახალი სქემის მიხედვით მოძრაობა დაიწყო. ავტობუსები მგზავრთა გადაყვანას სამანქანო მოძრაობის საპირისპიროდ, სპეციალურად მათთვის გამოყოფილ ზოლში ახორციელებენ.
თბილისის მერის ინიციატივით, ორი დღის წინ მძღოლები ახალი სქემით მოძრაობაშიც ამეცადინეს.
როგორც აღმოჩნდა, შეცვლილი მოძრაობის გამო დილიდან ვაკეში საცობებია. ადგილზე გადაღებულ ფოტო და ვიდეოკადრებს მოქალაქეები სოციალურ ქსელში ავრცელებენ.
გადატვირთული მოძრაობით შეწუხებული თბილისელები წერენ, რომ დედაქალაქის მერიის ინიციატივა შეცვლილ მოძრაობასთან დაკავშირებით, არ ამართლებს. მათი თქმით, ვითარება გაუარესდება სექტემბრიდან, როდესაც თბილისში ავტომობილები მოემატება და ჭავჭავაძის გამზირზე გადაადგილება შეუძლებელი გახდება.
ირაკლი ოქრუაშვილი: ისევ ჭავჭავაძის გამზირის შესახებ. მსოფლიოში ყველგან, ავტობუსის ხაზით სარგებლობს სასწრაფოს, პოლიციის, სახანძროს და ტაქსის ავტომანქანაც. აქ როგორ უნდა იარონ ავტობუსის ხაზში ან ერთმა ან მეორემ ან მესამემ? მგონი ის დროა ბინა ნახალოვკაში გადავცვალო.
გივი თარგამაძე: არლეკინკახიკარლო, გესმის ხმა? ეს ბედისწერის ხმაა. გარდაუვალობის. პირდაპირ ანალებში დაფიქსირდი. დაგიმახსოვრებენ. ხომ გინდოდა და აი ასე დაგიმახსოვრებენ, ამ სიტყვებით.აგვისტოა, დილა და უკვე რამდენჯერ გახსენეს. სექტემბრიდან პიკის საათებში როგორ დაიტევ ამდენ ხსენებას, არ ვიცი. სულ რომ ქალაქის მთელი ფული შეითხლიშო, რეაბილიტაციაზე არ გეყოფა აშკარად.წვრთნები დასრულდა, იმედია, შენც ივარჯიშე, ახლა კი მოდუნდი და მიიღე მისაღები, არლეკინ.
გია ხუხაშვილი: როდესაც მაფიას იტალიაში პრესტიჟულ უბანში უძრავ ქონებაზე ფასის დაგდება უნდა, დაახლოებით ისეთ რაღაცას იგონებს, რაც ახლა ვაკეში ხდება.
რომან გოცირიძე: რაც ჭავჭავაძეზე ახლა ხდება, მსგავსი მდგომარეობაა მთელი ქვეყნის ეკონომიკაში.გამოსავალი არის ერთადერთი: უნდა დაინგრეს რაც ”აშენდა” და სწორად უნდა გაკეთდეს ხელახლა.დაიკარგა დრო, ფული, დაზიანდა მომიჯნავე ადგილები( სფეროები).ჭავჭავაძის კოლაფსი გახდება ოცნების უნაყოფო რვაწლიანი მმართველობის ”ცოცხალი” სიმბოლო.
ნინო კობახიძე: წყნეთიდან ვაკის პარკამდე 1,5 საათი -საზოგადოებრივი ტრანსპორტ ავტობუსით. მანქანით 2 საათი ალბათ... იმედია პირველი დღეა და ეს დრო 30 წთ ით მოიკლებს
მოქალაქეების ნაწილი შექმნილმა საცობებმა ხუმრობის ხასიათზეც დააყენა:
ვატო შაქარიშვილი: გამაგებინე თბილისო ერთი, რატომ გვიწყრება ამდენ ხანს ღმერთი?! შენი ქმედება ყოველთვის ასეთ შედეგს მოიტანს, როცა არ შეისმენ, როცა გადაწყვეტილებას მეტიჩრობა მიგაღებინებს და არა საჭიროება!
ლევან ალაფიშვილი: თბილისის უბანს გადაერქვა სახელიო, ცინცხალი გადაწყვეტილებააო, ხვდებით უბანს? თუ გაამართლებს მერე მთლიანად თბილისს გადაარქმევენო
ოთარ კობახიძე: გილოცავთ ყველას დღევანდელ თბილისის კოლაპს!!!
ერთი იმ ცათამბჯენების მშენებლობა დასრულდეს და შესახლდეს ხალხი, მერე ნახავთ.
ჯერ შეცდომა დაუშვეს, მერე იჯიუტეს და არ აღიარეს! ეს თბილისია, ამსტერდამი კი არ არის სადაც მოსახლეობის უმეტესობა ველოსიპედით ანდა სულაც ფეხით დადის. დღეს ვინც ვაკეში გადაადგილდებოდა და ვინც იქ ცხოვრობს დამეთანხმება.