#ლიტერატურულიგაჩერება თელავსა და ყვარელში  დასრულდა

გამომცემლობა პალიტრა L-ის #ლიტერატურულიგაჩერება ყვარელსა და თელავს ესტუმრა. იყო წიგნების გამოფენა-გაყიდვა და 50%-მდე ფასდაკლება მოქმედებდა, მკითხველს დახვდა სხვადასხვა ჟანრის ლიტერატურა: საბავშვო, მხატვრული, შემეცნებითი, ბიზნეს ლიტერატურა ლურჯი ოკეანის სერიიდან, ქართველი თანამედროვე ავტორების ახალი წიგნები.

ასევე, ყვარელი და თელავი პროექტ „მაკულიტერატურას“ მასპინძლობდა. მომხმარებელს საშუალება ჰქონდა, 1 კგ მაკულატურა 1 ლარის ღირებულების წიგნზე გადაეცვალა. თაბახის ფურცლების, ძველი წიგნების, ჟურნალ-გაზეთების სანაცვლოდ მათ ადგილზე ახალი და საინტერესო ლიტერატურის დიდი არჩევანი დახვდათ.

25 ივლისს, საღამოს 19:00 საათზე კი თელავის "ბიბლუსი გალერეა“ ქართველ მწერლებს მასპინძლობდა: ტორესა მოსი, თეა ინასარიძე, ელის დოჯსონი, ნიკოლას მაჩაბელი თელაველ მკითხველს შეხვდნენ. მათ ინტერაქციულ წიგნი "ფენიქსი" წარადგინეს. ეს სხვანაირი წიგნია, რომლის ანალოგი საქართველოში არ არსებობს და ერთგვარი ლიტერატურული ექსპერიმენტია.

"ძალიან საინტერესო აქტივობებით იყო “პალიტრა L” თელავში ჩამოსული. ეს გამომცელობა ყოველთვის გამორჩეულია და ცდილობს სულ შემოიტანოს კრეატივი. მინდა ვთქვა, რომ თელავის თეატრის წინ 2 დღე ხალხმრავლობა იყო , მოდიოდნენ ოჯახები და ცვლიდნენ ახალ ლიტერატურაზე მაკულატურას. ყიდულობდნენ ახალ წიგნებს ფასდაკლებით. მნიშვნელოვანი პროექტია და იმედია, რომ მუდმივად ჩატარდება", - ფიქრია ყურშიტაშვილი.

"3 დღის განმავლობაში კახეთში აქტივობამ ყველანაირ მოლოდინს გადააჭარბა. გვიხარია, რომ საზოგადოებას აინტერესებს ლიტერატურა, გველოდებოდა და ვფიქრობთ , მოლოდინებიც გავუმართლეთ. ვფიქრობთ, ტრადიციული სახე მივცეთ ჩვენს ამ ტურს და ყოველ წელს ჩავიდეთ კახეთში და დავიმატოთ სხვა ქალაქებიც, რადგან ყველა ითხოვდა გამეორებით ტურს და ჩვენ მათ დავპირდით.

ჩვენი შემდეგი გაჩერება საჩხერე, რაჭა, ზუგდიდი და მესტიაა. იმედია იქაც ასე გველოდება ჩვენი ერთგული მკითხველი“. - მარკეტინგის ხელძღვანელი, ანანო თავხელიძე.

თუ გიყვარს ლიტერატურა, გინდა აღმოაჩინო ახალი წიგნები და შეიძინო დიდი ფასდაკლებით, იმოგზაურო და დაესწრო საინტერესო ლიტერატურულ ღონისძიებებს, გაცვალო უსარგებლო მაკულატურა ახალ წიგნებში და მოუფრთხილდე გარემოს, მაშინ გამომცემლობა "პალიტრა L-ის" ლიტერატურული გაჩერება მოდის შენთან!

დამატებითი ინფორმაციისთვის ეწვიეთ ბმულს.