რას საქმიანობს ავსტრიული კომპანია SpryFlash, სადაც ასევე მუშაობდა თამარ ბაჩალიაშვილი და რას ჰყვებიან გარდაცვლილ გოგოზე

შპს ZAG-ის გარდა, სოციალურ ქსელში მითითებული ინფორმაციით, თამარ ბაჩალიაშვილი საინფორმაციო ტექნოლოგიების ავსტრიულ კომპანია SpryFlash-შიც მუშაობდა. ავსტრიული კომპანია იუწყება, რომ გოგონამ ეს კომპანია თებერვალში დატოვა.

"ჩვენი საქმიანობა IT კომპანიის სპეციალიზაცია ბიზნესებისთვის ვებ-საიტებისა და აპლიკაციების შექმნაა. თამარ ბაჩალიაშვილი აქ მუშაობდა, არა როგორც თანამშრომელი, არამედ როგორც ქვეკონტრაქტორი. ის დავიქირავეთ "სპრაი ფაიერის" გაფართოების შესაქმნელად, რომელიც IRF პროგრამაა, კომპანიებში მიმდინარე პროცესების გასაკონტროლებლად და ავტომატიზაციისთვის.

გაზეთ Georgia Today-ის სტატიაში თამარ ბაჩალიაშვილი მოხსენიებულია კიბერუსაფრთხოების სპეციალისტად. ამ ინფორმაციას ჩვენ ვერ დავადასტურებთ. ის ჩვენთან უმცროს პროგრამისტად მუშაობდა. მას ევალებოდა პროგრამირების სამომხმარებლო ინტერფეისის შექმნა Fhb-ის პროგრამირების ენის გამოყენებით.

ჩვენი თანამშრომლობა გრძელდებოდა 2019 წლის ოქტომბრიდან 2020 წლის 21 თებერვლამდე და შემოიფარგლებოდა მხოლოდ პროფესიული ასპექტებით. მას პირადად არასდროს შევხვედრივართ. თანამშრომლობა მთლიანად ხორციელდებოდა ციფრულად. კონტაქტი პროექტის დასრულების შემდეგ არ გვქონია” - აღნიშნავენ კომპანიაში.

SpryFlash - ეს არის იმ კომპანიებიდან ერთი, სადაც დაღუპული თამარ ბაჩალიაშვილი მუშაობდა. როგორც მისი პროფილიდან ირკვევა, 23 წლის ახალგაზრდა ქალი დეველოპერად 2019 წლის ოქტომბრიდან მუშაობდა.

SpryFlash ავსტრიული კომპანიაა და ის, ბაჩალიაშვილის მეორე სამსახურის, ZAG-ის მსგავსად, პროგრამულ უზრუნველყოფაზე (IT) მუშაობს. კომპანიის მთავარი სერვისი კოდებით შექმნილი კომპიუტერული პროგრამებია.

კომპანიის LInkedIn-ის პროფილიდან კი ირკვევა, რომ ორგანიზაცია 2010 წელს დაფუძნდა და იქ 50 ადამიანამდეა დასაქმებული. Spry Flash-ის ოფისი ავსტრიაში, ქალაქ ჰალაინში მდებარეობს. მათი წარმომადგენლობა თბილისში ოფიციალურად არსად იძებნება.

ეს კომპანია საქართველოში არ ფიქსირდება, თუმცა ოფისი აქვს რუსეთშიც. კომპანია SpryFlash–ის მფლობელი გახლავთ ანდრეა კამპიტელი. SpryFlash გთავაზობთ უახლეს პროგრამულ გადაწყვეტილებებს.

"ანდრეა კამპიტელლი და მისი გუნდი - ყველა პროგრამული უზრუნველყოფის შემქმნელი, ინდუსტრიული გამოცდილების მქონე მრავალწლიანი გამოცდილებით და ცნობილი პროდუქტებით, მოგცემთ საუკეთესო შესაძლებლობებს: ტექნიკური კომპეტენცია, რომელიც დაკავშირებულია ნამდვილ მარკეტინგულ წიგნიერებასთან. ანდრეა კამპიტელლის მიზანია მის მომხმარებლებს მიაწოდოს ოპტიმალური შესრულება მსოფლიო ქსელში" - ვკითხულობთ მის ოფიციალურ ბიზნესსაიტზე.

როგორც სპეციალისტები ამბობენ, მსგავს კომპანიებს წვდომის დიდი მასშტაბები აქვთ. არც იმას გამორიცხავენ, რომ ისინი ჩვენთან, ან რომელიმე ქვეყანაში კიბერშეტევებსაც ახორციელებდნენ. სავარაუდოდ, ასეთი კომპანიების კონტროლი ვერ ხერხდება.

ავტორი: ნანა ფიცხელაური