მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ისეთი შთაბეჭდილება დაგვრჩა, რომ გასასვლელს ეძებდა" - რას ჰყვება იმ სოფლის მკვიდრი, სადაც გარდაცვლილი გოგონა უკანასკნელად ნახეს?
13:56 / 22-07-2020
5 დღის წინ გაუჩინარებული გოგონა, თამუნა ბაჩალიაშვილი თეთრიწყაროს მუნიციპალიტეტის ტერიტორიაზე, ტყეში, თავისივე მანქანაში გარდაცვლილი იპოვეს. გოგონა სახლიდან შაბათ დილას, 11:00 საათზე ვერცხლისფერი "ჰიუნდაით" გავიდა და მას შემდეგ ოჯახს მის შესახებ არაფერი სმენია. იმავე დღის 12:00 საათზე სათვალთვალო კამერებმა მისი ავტომანქანა მარნეულში დააფიქსირეს, შემდეგ თეთრიწყაროს მუნიციპალიტეტის სოფელ ხაიშში, ბოლოს კი, გოგონა ვერცხლისფერი "ჰიუნდაით" სოფელ გოლთეთში ნახეს, საიდანაც მისი კვალი დაიკარგა.
ambebi.ge-ს ესაუბრება იმ სოფლის მკვიდრი, სადაც გოგონა უკანასკნელად ნახეს:
"ბევრმა ვნახეთ, როგორ მოძრაობდა მანქანით გოგონა ჩვენს სოფელში. იმ დღეს სოფელ გოლთეთში 2 უცხო ავტომანქანა შემოვიდა, სხვა არავინ გვინახავს. ერთში - "ჰიუნდაიში" ის მარტო იჯდა, მეორეში კი ორი გოგონა შენიშნეს. "ჰიუნდაის" მძღოლი არავის გამოლაპარაკებია, ისეთი შთაბეჭდილება დაგვრჩა, რომ გასასვლელს ეძებდა სოფლიდან, მაგრამ ჩიხში შევიდა, არც არავის გამოლაპარაკებია, არაფერი უკითხავს, მანქანა მოაბრუნა და წავიდა.
ერთმა მეზობელმა ისიც თქვა, რომ მანქანის ბორბალი ჩაუვარდა თხრილში, დავინახე და დასახმარებლად გავემართე, მაგრამ რომ მივუახლოვდი, ამოქოქა და სწრაფად წავიდაო. სხვამაც თქვა, უცხო მანქანას ვინმე თუ მიუახლოვდებოდა, გოგონა სიჩქარეს უმატებდა, თითქოს გაქცევას ცდილობდაო. ჩვენი სოფლიდან ტყეში ვერაფრით მოხვდები, იქედან ცენტრალურ გზაზე უნდა გახვიდე, ისე ტყეში ვერ შეხვალ.
პოლიციელებმა ვიდეოკამერები გახსნეს, მაგრამ მათში გოლთეთის მერე არსად ჩანდა მანქანა. გოგონა, სავარაუდოდ, კამერების ავლით გავიდა ტყეში. ჩემი აზრით, ის თუ ჩვენი სოფლიდან პირდაპირ იმ ტყისკენ წავიდა, სავარაუდოდ, ასეთი მარშრუტი გაიარა: ჩვენს სოფლამდე არის სოფელი ხაიში, რომლის კამერასაც ჰყავს დაფიქსირებული გოგონა. შემდეგ ავტომანქანა ნახეს გოლთეთის შემოსასვლელში.
გოლთეთიდან ისეა გასული, არც ერთ კამერას არ ჰყავს დაფიქსირებული. საქმე ისაა, რომ სოფელს სამი გასასვლელი აქვს, ერთი მათგანი ოღროჩოღროა, იქ არც კამერაა და სავარაუდოდ, გოგონა იქიდან გავიდა, მერე გაიარა ფარცხისი და ცენტრალურ გზაზე რომ გადიხარ, ორივე მხარეს სოფელია და ორივე მხარეს არის ტყე, იქ არის ერთ-ერთ მხარეს ნაპოვნი.
იქედან კამერები შორსაა. ერთი კამერა დგას თეთრიწყაროს შესასვლელში, მეორე კი კოდის მიმართულებით და ამბობენ, აქედან გადაუხვიაო. უბრალოდ, ის მიკვირს, რომ იმ ტერიტორიაზე ამ დღეებში ეძებდნენ, წარმოუდგენელია, მანქანა თუ იქ იყო, ვერ ეპოვათ", - ამბობს სოფლის ერთ-ერთი მკვიდრი.
ნანა ფიცხელაური
მკითხველის კომენტარები /
47 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ გოგოს ოჯახისგან პრეტენზიები ჩემთვის გაუგებარია. ისეთი როგორი დამოკიდებულება უნდა გქონდეს მშობლებთან, რომ შე გასაჭირს ვერ ეუბნებოდე. გამოძიების დონე კი საქართველოში ძალიან დაბალია.
გამოძიების დონე საქართველოში მართლაც რომ ძალიან დაბალია,ამას გულგრილი დამოკიდებულებაც ემატება. მართლა ძალიან მიკვირს რატომ აქვთ ამათ მაღალი ხელფასები? არაფერს აკეთებენ. ვინც საქმეს გულიანას აკეთებს იმათ კი დაბალი? ეჰჰ