სვანეთში დაკარგული 13 წლის ილია ფილფანის საძიებო სამუშაოებში ვერტმფრენი ჩაერთო

სვანეთში, სოფელ ლენჯერში დაკარგული 13 წლის ილია ფილფანის საძიებო სამუშაოებში ვერტმფრენი ჩაერთო.

როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, გადაუდებელი დახმარების ოპერატიულ მართვის ცენტრ 112-ში არასრულწლოვნის დაკარგვის შესახებ ინფორმაცია 19 ივლისს შემოვიდა. მოზარდი სახლიდან გავიდა და უკან აღარ დაბრუნებულა.

„ადგილზე მეორე დღეა მუშაობენ საგანგებო სიტუაციების მართვის სამსახურის სახანძრო-სამაშველო ძალების დეპარტამენტის თანამშრომლები. პროცესში ჩართულია 45 მეხანძრე-მაშველი. ტერიტორიის მონიტორინგი დრონების საშუალებით მიმდინარეობს.

მოზარდის დაკარგვის შესახებ ინფორმაცია გუშინ ოჯახმა გაავრცელა და საზოგადოებას დახმარების თხოვნით მიმართა:

"მეგობრებო გვჭირდება თქვენი დახმარება. მესტიის რაიონის სოფელ ლენჯერში, გუშინ 18 ივლისს, 11 საათზე სახლიდან გამოვიდა 13 წლის ილია ფილფანი. ოჯახი და ახლობლები შუადღის შემდეგ ვეძებთ. იყო ველოსიპედით, ეხურა კეპი და ეცვა მუქი ტანსაცმელი. ბოლოს ნახეს ლენჯერში. იმ შემთხვევაში, თუ ფოტოზე გამოსახული ბავშვის შესახებ რაიმე ინფორმაცია გაქვთ, გთხოვთ, დაგვიკავშირდით.

591542653 - ირაკლი

595409484 - ანანო", - აღნიშნული იყო ოჯახის განცხადებაში.