მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსეთიდან გაქცეულმა პუტინის ძველმა მეგობარმა, პრეზიდენტის ქალიშვილების უცნობი ფოტოები გამოაქვეყნა
11:44 / 24-06-2020
ბანკირმა სერგეი პუგაჩოვმა, რომელიც შევიწროების გამო წლების წინ გაიქცა რუსეთიდან, საკუთარ საიტზე რუსეთის პრეზიდენტის ქალიშვილების ბავშვობის ფოტოები გამოაქვეყნა.
ფოტოებზე პუტინის გოგონები და პუგაჩოვის ვაჟები არიან ასახულნი, რომლებიც ერთ დროს მშობლების მსგავსად მეგობრობდნენ. ფოტოების ნაწილი პუგაჩოვების სახლში, ნაწილი კი კრემლშია გადაღებული.
"ბავშვური მეგობრობა - მარადიულია! ალექსანდრ და ვიქტორ პუგაჩოვები, კატერინა და მარია პუტინები, 2000-იანი წლები" - წერს ფოტოებზე ბიზნესმენი.
პუტინის შვილების შესახებ ინფორმაცია რუსეთში მკაცრად გასაიდუმლოებულია, სხვადასხვა წყაროების თანახმად, ისინი შეცვლილი გვარებით ცხოვრობენ - კატერინა ტიხონოვა და მარია ვორონცოვა.
მინიმუმ 15 წლის წინანდელ ფოტოებზე ასახული თინეიჯერები, ნამდვილად გვანან იმ ახალგაზრდა ქალებს, რომლებსაც დღეს რუსული მედია პუტინის ქალიშვილებად მოიხსენიებს. მედიის ცნობით, ტიხონოვა და ვორონცოვა რუსეთის პირველი პირისა და მისი ყოფილი ცოლის, ლუდმილა პუტინას ქალიშვილები არიან, თუმცა, თავად პრეზიდენტი ყველა კითხვის საპასუხოდ უარყოფს მათთან ყველანაირ კავშირს.
ვლადიმერ პუტინს შეკითხვა ქალიშვილების შესახებ ცოტა ხნის წინ BBC-ის ჟურნალისტმა დაუსვა. ჟურნალისტის თქმით, კომპანია "ინოპრაქტიკამ", რომლის დირექტორი კატერინა ტიხონოვია, გასულ წელს ნახევარი მილიარდი დოლარი გამოიმუშავა, მარია ვორონცოვას კომპანია კი აშენებს ერთ-ერთ ყველაზე დიდ კლინიკას სანკტ-პეტერბურგში, რაშიც მათ რუსეთის სახელმწიფო კომპანიები ეხმარებიან.
"მათ ტელევიზიით სულ უფრო ხშირად აჩვენებენ, მათი სახელები, გარეგნობა ყველასთვის ნაცნობია. როდის აღიარებთ რომ ისინი თქვენი შვილები არიან?“ - მიმართა პუტინს ჟურნალისტმა.
"თქვენ ახსენეთ ერთი, მეორე ქალბატონი. ახსენეთ გარკვეული წილები, ბიზნესები. თქვენ უბრალოდ ფაქტი დააფიქსირეთ. ეს საკმარისი არ არის. როცა მსგავს რაღაცეებში ერევი, უნდა გაარკვიოთ, რა ბიზნესია თუ მართლა არის, ვის ეკუთვნის, ვინ ეხმარება" - ორაზროვნად უპასუხა პუტინმა შეკითხვას.
რაც შეეხება სერგეი პუგაჩოვს, ის წარსულში პუტინის ახლო მეგობარი იყო. ბიზნესმენი ამტკიცებს, რომ 90-იანი წლების დასაწყისიდან მეგობრობდა რუსეთის პრეზიდენტთან და ერთ-ერთი იყო, ვინც დაეხმარა კიდეც პუტინს ხელისუფლებაში მოსვლაში.
2001-2011 წლებში პუგაჩოვი რუსეთის ფედერაციის საბჭოს წევრი იყო, ფლობდა აქციებს "მეჟპრომბანკში", რომელსაც 2010 წელს ლიცენზია ჩამოართვეს.
ერთი წლის შემდეგ, პუგაჩოვი იძულებული გახდა რუსეთიდან წასულიყო. ის ძებნაშია ბანკის გაკოტრების საქმის გამო. თავის მხრივ, პუგაჩოვმა რუსეთის სახელმწიფოს უჩივლა მისი აქტივების მითვისების გამო და კომპენსაციის სახით 14 მილიარდი დოლარი მოითხოვა, თუმცა ჰააგის სასამართლომ მისი სარჩელის განხილვაზე უარი თქვა.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აუუუ რა სენსაციააა პუტინის შვილები ადამიანები ყოფილან...
RA PONTSHI GAMOAQVEYNE, AR GESHINIA QARTVELEBMA AQCIA ROM MOGICYON? :DDDD