18
მაისიდღის ზოგადი ასტროლოგიური პროგნოზი
თბილისში, მდინარე მტკვარში 6 წლის ბავშვი დაიხრჩო. შემთხვევა იმ დროს მოხდა, როდესაც დედას ორი არასრულწლოვანი შვილი სასეირნოდ ჰყავდა გამოყვანილი.
როგორც "რუსთავი 2"-თან მომხდარის თვითმხილველები ჰყვებიან, დედა შვილებს მდინარესთან არსებულ კლდეზე ფოტოებს უღებდა, რა დროსაც 6 წლის ბიჭს ქვაზე ფეხი დაუცურდა და მტკვარში ჩავარდა.
მათივე ცნობით, მოზარდის გადასარჩენად წყალში შევიდნენ დედა და მისი და, თუმცა გადარჩენა ვერ მოახერხეს.
"როგორც ვიცით ბავშვს ქვაზე დაუცურდა ფეხი, დაც გადამხტარა საშველად... დედამ რომ დაინახა ორ-ორი ბავშვი წყალში, ისიც შევიდა წყალში... ბიჭი დაიღუპა, და რეანიმაციაშია" - ამბობენ თვითმხილველები.
ცნობისთვის, უბედური შემთხვევა რამდენიმე საათის წინ მოხდა. საგანგებო სიტუაციების მართვის სამსახურის ინფორმაციით, მაშველების მისვლისას, ერთი მოზარდი გამოყვანილი იყო ნაპირზე, ერთი მცირეწლოვანი კი, მდინარის ჩქარი დინების გამო, გაუჩინარდა წყალში და ვერ ხერხდებოდა მისი ადგილსამყოფელის დადგენა. მაშველებმა მყისიერად დაიწყეს სამაშველო-საძიებო ოპერაცია როგორც წყალში, ასევე, მდინარის სანაპირო ზოლზე.
"სამაშველო ოპერაციის შედეგად, მაშველებმა წყლიდან ამოიყვანეს უგონო მდგომარეობაში მყოფი არასრულწლოვანი, რომელსაც სასწრაფო სამედიცინო დახმარების ექიმებმა და მაშველებმა ადგილზე ჩაუტარეს გულ-ფილტვის რეანიმაცია, თუმცა, სამედიცინო დახმარების მიუხედავად, ვერ მოხერხდა მოზარდის გადარჩენა და დაფიქსირდა გარდაცვალების ფაქტი“, - ნათქვამია სიტუაციების მართვის სამსახურის განცხადებაში.
სადღაც უკაცრიელ ადგილზე, კლდის ნაპირზე რო არ შეახტუნო ბავშვი იდიოტური ფოტოს გადასაღებად,შე დალოცვილო სხვა ადგილი ვერ უნდა შეარჩიო,უფრო უსაფრთხო? რამ დააშტერა ეს ხალხი?
ამ სურათების გამო სულ უნდა დაკარგო ჭკუა ადამიანმა? ეს რამხელა ტრაგედიაა, ამ ტკივილით და ამხელა შეცდომით, როგორ გინდა იცხოვრო ამ ქვეყანაზე ადამიანმა. არავის ვუსურვებ მის ადგილზე ყოფნას. ღმერთმა გადაარჩინოს მეორე ბავშვი მაინც, ვთხოვ.