მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია -
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დასაქმებულებს, კარანტინის შემდეგაც სახლიდან სურთ მუშაობა - კვლევის მოულოდნელი შედეგი
11:15 / 28-05-2020
კორონავირუსის პანდემიის საწყის ეტაპზე საზოგადოების ნაწილისთვის ერთ-ერთი მთავარი გამოწვევა ის იყო, თუ როგორ გააგრძელებდნენ მუშაობას სახლიდან, დისტანციურ რეჟიმში. ახლა კი, როცა უკვე შეზღუდვები მოიხსნა და ადამიანები ეტაპობრივად სამუშაო ადგილებს უბრუნდებიან, შესაძლოა, აღარც გხიბლავდეთ ოფისში წასვლის იდეა.
ახალ ზელანდიაში ჩატარებულმა კვლევამ სწორედ მსგავსი რამ აჩვენა. უფრო ზუსტად კი, კვლევის თანახმად, კორონავირუსის პანდემიის გამო სახლიდან მუშაობის დროს ადამიანები ისეთივე, ან უფრო პროდუქტიულები იყვნენ, როგორც ოფისში მუშაობისას, ხოლო დასაქმებულთა უმრავლესობას სამუშაო ადგილზე დაბრუნება არ სურს და დისტანციურად მუშაობის დროს თავს უფრო კომფორტულად გრძნობს. აღნიშნულის შესახებ "გარდიანი" წერს.
თუ ახალი ზელანდიის მაგალითს განვიხილავთ, იზოლაციის დროს, ისევე, როგორც მთელ მსოფლიოში, ბევრი დასაქმებულისთვის სახლიდან მუშაობა ექსპერიმენტული იყო და საქმის დისტანციურად კეთება პირველად მოუწიათ.
ოტაგოს უნივერისტეტის მკვლევარებმა ჩაატარეს კვლევა, რომელშიც 2 500 ადამიანი იყო ჩართული და აღმოჩნდა, რომ მათი უმეტესობისთვის მისაღები იყო მუშაობის დისტანციური მეთოდი.
კვლევის თანახმად, გამოკითხულთა 73% თანაბრად, ან უფრო პროდუქტიული იყო სახლიდან მუშაობის დროს, ხოლო 89 პროცენტმა თქვა, რომ სურს, კარანტინის შემდეგაც სახლიდან მუშაობის შესაძლებლობა ჰქონდეს, ნახევარ განაკვეთზე მაინც.
გამოკითხულთა 38% ამბობს, რომ სახლიდან მუშაობის გამოცდილება აქამდე არ ჰქონია, ხოლო 66%-ის თქმით, დისტანციურად მუშაობასთან ადაპტირება არ გასჭირვებია, 82% ამბობს, რომ მათ სახლში ჰქონდათ ის რესურსები, რომელიც დისტანციურად მუშაობისთვისაა საჭირო.
ახალი ზელანდიის პრემიერ-მინისტრ ჯასინდა არდერნის თქმით, კარანტინის პერიოდმა აჩვენა, რომ ბიზნესს შეუძლია იყოს მოქნილი და პროდუქტიული მაშინაც, როცა დასაქმებულები დისტანციურად მუშაობენ. ასევე, მან მოუწოდა შესაბამის პირებს, უკეთ შეესწავლათ შრომის ბაზარი და განეხილათ მუშაობის სხვადასხვა ფორმაზე გადასვლის, მათ შორის 4 დღიანი სამუშაო კვირის შემოღების შესაძლებლობაც.
- მკვლევარები წერენ, რომ ბევრ ახალ ზელანდიელს აშინებს დაუბრუნდეს სამუშაოს ტრადიციულ ფორმას, რადგანაც ეს ნიშნავს ხმაურიან გარემოში, ოფისში ყოფნას, ტრანსპორტით დამღლელ მგზავრობას, ოჯახის წევრებთან ნაკლებ კონტაქტს და უფრო მეტ სტრესს.
კვლევის ავტორები, ექსპერტები და ხელისუფლების წარმომადგენლები ურჩევენ დამსაქმებლებს, რომ კვლევის შედეგის მიხედვით იხელმძღვანელონ, გაითვალისწინონ დასაქმებულთა სურვილი და შექმნან კიდევ უფრო მოქნილი სამუშაო გარემო. ისინი თვლიან, რომ არაფერია ცუდი იმაში, თუ მუშაობასთან დაკავშირებული არსებული ნორმა, ანუ ოფისში მუშაობა, ნორმად აღარ ჩაითვლება.
ახალი ზელანდია 25 მარტის შემდეგ 7 კვირის განმავლობაში კარნატინის რეჟიმში იყო და მსოფლიოსთვის კორონავირუსთან ბრძოლის თვალსაზრისით წარმატების მაგალითი გახდა. იქ ინფიცირების 1500-ზე ნაკლები შემთხვევა გამოვლინდა, ხოლო ვირუსით 21 ადამიანი გარდაიცვალა.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პრინციპში გასაკვირი ნამდვილად არ არის.დასაქმებულთა უმეტესობა სამუშაო საათების შემდეგაც, ზოგიერთ საკითხებზე სახლში აგრძელებს მუშაობას ონლაინ რეჟიმში.
სულ გაგიჟდნენ,....