მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დიდი პაუზის შემდეგ „წიგნების თარო“ ახალი ვირტუალური თამაშით წინასაეთეროდ გვამზადებს!
13:42 / 26-05-2020
რამდენიმე დღეა, ონლაინ სივრცეში ახალი თავსატეხი, ვებ-ლაბირინთი, გამოჩნდა. თამაშში ათასობით ადამიანი ჩაერთო და ისინი გამარჯვებისთვის თავდაუზოგადავად იბრძვიან. მოგებისთვის კი მხოლოდ ორი რამ არის საჭირო - „წიგნების თაროს“ ვებ-პლატფორმებზე ძრომიალი და ფიქრი ჩარჩოებს მიღმა.
მაგრამ სინამდვილეში რას ემსახურება ეს თამაში, როგორ ვითამაშოთ და ვინ არიან მისი შემქმნელები?
როგორც იქნა, ამხელა მოლოდინის შემდეგ, საქართველოს პირველი არხის გადაცემა „წიგნების თარო“ 29 მაისს 20:00 საათზე მე-4 სტუდენტური სეზონით ეთერში ბრუნდება. გადაცემისა და არხის გულშემატკივრებს წინ ცხელი ზაფხული ელოდებათ, ვინაიდან, „წიგნების თაროს“ შემქმნელების თქმით, გუნდი სრულ სამუშაო მზადყოფნაშია და მალე მე-8 სასკოლო სეზონითაც დაუბრუნდებიან ეთერს.
„განათლება ყოველთვის იყო ჩვენთვის ყველაზე დიდი ღირებულება, განათლების სახალისო გზით გავრცელება კი, უკვე განუყოფელ მიზნად იქცა. ახლა, ამ რთულ პერიოდში, ჩვენთვის კიდევ უფრო მკაფიოა ამ ღირებულებაზე ზრუნვის მნიშვნელობა, ამიტომ მთელი გუნდი შეუფერხებლად, თავდაუზოგავად ვმუშაობთ, რომ ნებისმიერი ჩვენი პროექტი თუ აქტივობა განათლების სამსახურში იდგეს. ამასთან ერთად ძალიან დიდი ხელშეწყობაა ის, რომ გადაცემა გადის არხზე, რომელიც ამ ღირებულებებს იზიარებს და ბოლომდე მხარს გვიჭერს. მიუხედავად იმისა, რომ „წიგნების თარო“ 5 თვეა, კომპანია გახდა, ჩვენ ყოველთვის პირველარხელები ვიქნებით, ვინაიდან ამ არხზე იწყება და გრძელდება ჩვენი წარმატების ისტორია.“ – „წიგნების თაროს“ გუნდი.
„ვებ-ლაბირინთიც“ სწორედ წინასაეთერო კამპანიის ფარგლებში შეიქმნა. თქვენ ახლავე შეგიძლიათ ჩაერთოთ თამაშში მისამართზე labirinti.wignebistaro.ge, სანამ ლაბირინთის კარი 29 მაისს 20:00 საათზე, პირველი გადაცემის დაწყებამდე, არ დაიკეტება. გადაცემის დასრულების შემდეგ კი გამარჯვებულებიც გამოვლინდებიან. არ იდარდოთ თუ ახლა ვერ მოასწრებთ ჩართვას, ვებ-ლაბირინთის კარი კიდევ ბევრჯერ გაიღება, მანამდე კი კარგად გავერკვიოთ თამაშის არსში.
ვებ-ლაბირინთი ონლაინ-ქვესტ-თამაშია, რომელშიც ჩართვა ნებისმიერი ასაკის მსურველს ნებისმიერი ადგილიდან უფასოდ შეუძლია. თამაშის წესები მარტივია - საიტზე დარეგისტრირებისთანავე იღებ პირველ მინიშნებას, რომლის გამოცნობის შემთხვევაშიც გადადიხარ შემდეგ ეტაპზე და ასე უსასრულოდ მანამ, სანამ ლაბირინთის კარი დაიხურება. გამარჯვებული იქნება ის, ვისაც ამ დროისთვის ყველაზე მეტი ეტაპი ექნება გადალახული.
თამაში, ერთი მხრივ, მარტივი, მაგრამ, მეორე მხრივ, კომპლექსურია თავისი შინაარსით, ამოცანათა მრავალფეროვნებითა და განვითარების პოტენციალით, ამიტომ ყველაფერში უკეთ გასარკვევად ვებ-ლაბირინთის შემქმნელებს გავესაუბრეთ.
ალექსანდრე, როგორ დაიწყო ყველაფერი?
„პანდემიიდან გამომდინარე მთელი ეს პერიოდი ფორს-მაჟორულ სიტუაციაში გვიწევდა მუშაობა. როდესაც ეთერში გასვლის თარიღი გავიგეთ, მხოლოდ ორი კვირა გვქონდა ყველაფრის გასამზადებლად. 2 დღეში დავამუშავეთ იდეა. ჩვენი დეველოპერის, ანასტასიას, წყალობით კი, ერთ კვირაში შევძელით საიტის გამართვა. იმდენად ცოტა დრო გვქონდა, რომ სცენარისტების ჯგუფი გზადაგზა ვფიქრობდით სტრუქტურაზე და ვაწვდიდით ტასოს საიტზე განსათავსებელ მასალას. თავიდან ნაკლები ჩართულობის მოლოდინი გვქონდა, მაგრამ პირველ დღეს იმხელა დატვირთვა იყო, რომ სერვერმა ვერ გაუძლო და თამაში ერთი საათით გავაჩერეთ, სანამ ტექნიკურ ხარვეზს გამოვასწორებდით. მას შემდეგ ყველაფერი შეფერხების გარეშე გრძელდება და თამაშის, როგორც კამპანიის წარმატებამ, ყველანაირ მოლოდინს გადააჭარბა. დანარჩენზე ჩვენი სცენარისტები თორნიკე კობალაძე და შაკო ბრეგაძე უკეთ მოგიყვებიან.“ - ალექსანდრე ლორთქიფანიძე.
თორნიკე, შაკო, როგორ მიმდინარეობდა ვებ-ლაბირინთის შექმნის პროცესი?
„ვინაიდან ჩვენს შემოქმედებით გუნდში ყველა ინტელექტუალური თამაშების მოყვარული ვართ, მაშინვე ახალი თამაშის შექმნაზე დავიწყეთ ფიქრი. თავიდან ე.წ. „City Quest“-ის ტიპის თამაშს განვიხილავდით, მაგრამ მალევე უარვყავით იდეა, რადგან პანდემიის გამო დაწესებული შეზღუდვებიდან გამომდინარე, ვერ შევძლებდით ქალაქში ასეთი ტიპის თამაშის გაკეთებას. შემდეგ გაგვახსენდა ბექა ადამაშვილის „პაროლინგი“ და მივხვდით, რომ ე.წ. Encounter ტიპის თამაშის გაკეთება ონლაინ სივრცეშიც შეგვეძლო. ასე დაიბადა ვებ-ლაბირინთის იდეაც.“ - თორნიკე კობალაძე.
„ვებ-ლაბირინთის სათამაშოდ არ არის აუცილებელი განსაკუთრებული ინტელექტუალური ცოდნა, აქ მინიშნებები შეიძლება იყოს, როგორც გამოცანა, ისე შიფრი, რებუსი, ანაგრამა, ვიზუალური ასოციაცია და ასე შემდეგ. მინიშნებები მიმობნეულია ჩვენი Facebook-ის გვერდზე, Youtube-ის არხზე, Instagram-ზე, Wikipedia-ზე, მოკლედ ყველგან, სადაც „წიგნების თარო“ არსებობს. პასუხების გამოსაცნობად მხოლოდ ჩარჩოს მიღმა აზროვნებაა საჭირო.“ - შაკო ბრეგაძე.
ვებ-ლაბირინთის რეიტინგი საჯაროა და ყველას შეუძლია ონლაინ რეჟიმში ადევნოს თვალი სარეიტინგო ცხრილს მისამართზე labirinti.wignebistaro.ge. შედეგები მუდმივად ცვალებადია, თუმცა რამდენიმე ადამიანი სტაბილურად იკავებს პირველ საპრიზო ადგილებს. ჩვენ მათაც დავუკავშირდით.
“წიგნების თაროს“ დიდი გულშემატკივარი ვარ და ნებისმიერ სიახლეს ველოდები ხოლმე. არც ვებ-ლაბირინთი იყო გამონაკლისი. პირველ რიგში, სასიამოვნო ინტერფეისი აქვს ვებ-გვერდს. რასაკვირველია, პრიზის არსებობაც დამატებითი მოტივაციაა. ლაბირინთის შეკითხვები არ შემოიფარგლება მხოლოდ ლიტერატურის ცოდნით, საჭიროა ზოგადი ცოდნაც, ან მისი სწორად მიგნება. თავსატეხების ამოხნისას ბევრჯერ მომიწია ახალ ინფორმაციასთან შერკინება, რამაც, თავის მხრივ, ბევრი ახალი რამ მასწავლა.“ - ლუკა ლომსაძე.
„ბოლო 4 დღეა, დღეს ლაბირინთით ვიწყებ და ლაბირინთით ვასრულებ. თითოეული კითხვა განსხვავებულ მიდგომას და მეთოდს მოითხოვს, ზოგიერთი კითხვა სხვებთან შედარებით რთულია, თუმცა ეგეთი კითხვების ამოხსნა და უჯრის გამწვანება იმდენად სასიამოვნო გრძნობაა, რომ მხოლოდ მაგისთვის ღირდა პროექტში ჩართვა. ყველაფერთან ერთად დაძაბული ლიდერბორდი თამაშის ერთ-ერთი ყველაზე დადებითი ასპექტია, არ გაძლევს მოდუნების შესაძლებლობას, თუ რამდენიმე საათის წინ 3-4 კითხვით წინ იყავი, შესაძლოა, დღის ბოლოს უკან აღმოჩნდე“ - აკაკი გოგია.
ვებ-ლაბირინთში აქტიურად ჩართულია „პაროლინგის“ ავტორი, მარკეტინგული კომპანია „ლივინგსტონის“ კრეატიული დირექტორი და მწერალი ბექა ადამაშვილიც.
„ჩემი ცხოვრების დიდი ნაწილი სხვადასხვა ტიპის გამოცანისა და თავსატეხის შედგენას დავუთმე და ყოველთვის მქონდა სურვილი, რომ ამ თავსატეხებზე თავისმტვრეველთა მხარესაც ვყოფილიყავი. ამიტომ, როგორც კი ამის შანსი გამოჩნდა, მაშინვე ჩავერთე. მომწონს პლატფორმათა განსხვავებულობა, რაც, თავის მხრივ, თამაშს ამრავალფეროვნებს. ასევე ის, რომ იშვიათად მეორდება ამოცანის ამოხსნის მეთოდი და ყოველ ჯერზე საკუთარი გასაღების მორგება გიწევს.“– ბექა ადამაშვილი.
როგორც უკვე აღვნიშნეთ, ლაბირინთის კარი კიდევ ბევრჯერ გაიღება და თავსატეხების მოყვარულებს ახალი გამოწვევების წინაშე დააყენებს. მანამდე კი ყურადღებით იყავით „წიგნების თაროს“ სიახლეებთან და თვალი ადევნეთ საქართველოს პირველი არხის პროექტს, რომელიც მომავალს ქმნის, მთელი ზაფხულის განმავლობაში, 29 მაისიდან ყოველ პარასკევსა და შაბათს 20:00 საათზე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
