მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ დაასახლეს თბილისის ზოოპარკში დათვები და მგლები ერთად - ადმინისტრაცია განმარტებას აკეთებს
21:46 / 19-05-2020
თბილისის ზოოპარკში დათვები და მგლები ერთად დაასახლეს. ამის შესახებ ზოოპარკის ადმინისტრაციის მიერ გავრცელებულ ინფორმაციაშია ნათქვამი.
"თუ ჩვენს გვერდს აქტიურად ადევნებთ თვალს ალბათ შეამჩნევდით, რომ ახალ ზოოპარკში დათვები და მგლები ერთად გვყავს დასახლებული. ეს ამბავი ხშირად მავანთა შეშფოთებას იწვევს. პერიოდულად შეშფოთება აღშფოთებაში გადაიზრდება-ხოლმე და მერე გვიწევს ვრცელი ახსნა-განმარტებების წერა. ამიტომ, ერთ პოსტს ამ სახეობების თანაცხოვრებას მივუძღვნით.
* დათვები და მგლები ბუნებაშიც მეზობლები არიან. ვერ გეტყვით, რომ დიდი გადაპატიჟება-გადმოპატიჟება და სტუმრიანობა აქვთ გაჩაღებული, მაგრამ, ფაქტია, რომ ხშირად გადაეყრებიან-ხოლმე ერთმანეთს ტყის ბილიკებზე და ბუნებრივად იყოფენ საარსებო არეალს.
* არა, ჩვენი დათვები და მგლები არ ჩხუბობენ! კი, ხანდახან კინკლაობენ, თუ დათვებს მგლების ხორცზე წაუცდებათ თათები, ან მგლები ვერ გაუძლებენ დათვების ვაშლების ცდუნებას, მაგრამ ხომ გაგიგიათ ძველი ზოოპარკული ანდაზა - დათვისა და მგლის ჩხუბი დამთვალიერებელს მართალი ეგონაო, ჰოდა, ასეა აქაც.
* დიახ, ეს ცხოველები ერთმანეთთან თამაშობენ-კიდეც. თანაც როგორ?! შეიტან ვოლიერში რაიმე დათვურს, მაგალითად თაფლიან მორს, მწვანე ბალახს, ჩირს და მიესევიან მგლები, თითქოს რამის მჭამელები იყვნენ იქიდან. ბუზღუნებენ დათვები და არის ერთი გაწევ-გამოწევა. ბოლოს მაინც დათვები მიირთმევენ, რა თქმა უნდა. აბა, მგელს რა ჯანდაბად უნდა თაფლი და ტკბილეული? სამაგიეროდ, ამ ორომტრიალში დათვები ზედმეტ ქონებს წვავენ და კი არიან მერე ალპინისტებივით - მათთვის ხის დაულაშქრავი კენწერო არ არსებობს!
* და ბოლოს, იმგვარი ცხოველების საერთო ვოლიერში მოთავსება, რომლებიც ერთმანეთს არ ვნებენ, ცუდი არ არის. პირიქით, კარგია. ეს სოციალური ცხოველების სოციალიზაციისთვისაა საჭირო. ერთად დასახლებული სხვადასხვა სახეობის ცხოველები მუდმივად ტონუსში არიან, თამაშობენ, დარბიან... კი, ხანდახან შეუღრენენ-კიდეც ერთმანეთს, მაგრამ სამაგიეროდ მოწყენის დრო აღარ რჩებათ და სიახლეების აღმოჩენის შესაძლებლობაც ეძლევათ.
* მოკლედ, როცა ჩვენს ზოოპარკში გადაღებულ დათვებისა და მგლების ერთობლივ ფოტოს გადააწყდებით, ასჯერ დაფიქრდით და შემდეგ აჯაჯღანდით. საერთოდაც, მარტო ჩვენს შემთხვევაში კი არა, ყოველთვის ასე თუ მოვიქცევით, აჯობებს " - ნათქვამია ინფორმაციაში.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნორმალური მთავრობა რომ მოვა ნაცები და ქოცები ერთ კამერაში უნდა ჩასვა.
isedac ar akliat kohabitacia