მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მამაცმა დედამ გაბედა და თავისი შვილი ამხილა ამ საქციელში..." - რას ყვება იტალიის იმ ქალაქის მერი, სადაც ომის მემორიალზე ქართული წარწერა გააკეთეს
10:44 / 08-05-2020
იტალიის ქალაქ გრავინა ინ პულიაში მომხდარი ინციდენტი, რომელშიც, სავარაუდოდ, ქართველები მონაწილეობდნენ, ორი დღეა ადგილობრივების მთავარი საუბრის თემაა.
ქალაქის მერმა ალესიო ვალენტემ "ფეისბუქის" პირად გვერდზე გამოაქვეყნა ფოტო, რომელზეც ომში დაღუპულთა მემორიალზე გაკეთებული ქართული წარწერა ჩანს. "ზაოდი" - იკითხება წითელი საღებავით გაკეთებულ წარწერაზე, რაც ქუთაისის ერთ-ერთი უბნის სახელწოდებაა (ავტოქარხანა, ზაოდი).
დადასტურებით იმის თქმა, რეალურად ქართველმა გააკეთა თუ არა წარწერა, რთულია და ამის შესახებ მინიშნებას არც მერი აკეთებს მის განცხადებაში. შემთხვევა გრავინა ინ პულიაში 6 მაისს მოხდა და ქალაქის სამართალდამცველები ვანდალურ ფაქტში დამნაშავეს ეძებდნენ.
შემთხვევიდან მეორე დღეს მერმა ვალენტემ მორიგი "ფეისბუქ"-მიმართვა გააკეთა ქალაქის საზოგადოების მიმართ. ვიდეოში ის ომში დაღუპულთა მემორიალთან დგას, რომელზეც წარწერა აღარ იკითხება, თუმცა წითელი საღებავის კვალი კვლავ ჩანს.
"ერთი ცუდი და მეორე კარგი ამბავი მაქვს თქვენთვის.
ეს მონუმენტი ბევრს ნიშნავს ჩვენი თანამოქალაქეებისთვის, რადგან გვახსენებს ადამიანებს, რომლებიც დაიღუპნენ პირველი მსოფლიო ომის დროს. ეს არის ჩვენი ქალაქის ღირსება და თავისუფლება. ვიღაცამ კი მოინდომა მისი შეურაცხყოფა და ეს არ არის მარტო მონუმენტის შეურაცხყოფა, ეს არის მთელი გრავინას, ჩვენი სამშობლოს შეურაცხყოფა!
ახლა, რაც შეეხება კარგ ამბავს - მინდა გიამბოთ მამაც დედაზე, რომელმაც გაბედა და თავისი შვილი ამხილა ამ საქციელში. მხოლოდ ორჯერ შემხვდა ამ რვა წლის განმავლობაში შემთხვევა, როდესაც ოჯახმა უჩივლა შვილს და ბოდიში მოუხადა მთელს ქალაქს. ეს ჭრილობა დიდხანს დაგვრჩება, მაგრამ ნელ-ნელა შეხორცებას დაიწყებს, ასეთი საქციელების გამო. მშობლებმა უნდა ასწავლონ შვილებს სწორად მოქცევა, არ უნდა დაფარონ მათი ცუდი საქციელი.
მინდა მოვეფერო ამ ქალს და მინდა ბევრი იყოს მასსავით მამაცი" - ყვება ალესიო ვალენტე ვიდეომიმართვაში. ქალაქის მერი დასძენს, რომ წარწერა წაშალეს და მალე მემორიალი პირვანდელ სახეს დაიბრუნებს.
ვიდეოს იტალიელების დიდი გამოხმაურება მოჰყვა:
"რა კეთილშობილური ჟესტია! ამ დედისგან არამხოლოდ ბავშვებმა, მშობლებმაც უნდა აიღონ მაგალითი, რომლებიც შვილების უპასუხისმგებლო საქციელს ფარავენ. ნამდვილად დასაფასებელია ამ დედის გამბედაობა!"
"აი, ის არის დედა, რომელსაც ნამდვილად უყვარს თავისი შვილი. მისი შვილი იღბლიანი ადამიანია - ახლა შეიძლება გაბრაზდეს დედის საქციელზე, მაგრამ დროთა განმავლობაში გაიგებს, რა მნიშვნელოვანი რამ გააკეთა დედამისმა მისთვის"
"ამ დედას მისი შვილი სახლში რომ ჩაეკეტა ამ კარანტინის დროს, ეს არ მოხდებოდა და არც ბოდიშის მოხდა მოუწევდა. ბოდიშის მოხდა კარგია, მაგრამ ამ საქციელისთვის შესაბამისადაც უნდა გადაიხადონ და მთელი საზოგადოებისთვის სასარგებლო საქმე გააკეთონ"
"რა სიმამაცეზე საუბრობთ? იქნებ იმის შეეშინდათ, რომ ვიდეოკამერების ჩანაწერებს ნახავდა პოლიცია და მთელი ქალაქის წინაშე მოუწევდათ ბოდიშის მოხდა? ეს ვანდალური ფაქტი უპატიებელია!"
"დიდი აპლოდისმენტები ამ ქალს. იმედი მაქვს, ეს ბიჭი აცნობიერებს შეცდომას... რაც არ უნდა კარგად აღზარდო შვილი, ის გარეთ რას გააკეთებს, ხშირად არ იცი. ამ ქალის საქციელი მაგალითი უნდა იყოს ყველა ჩვენგანისთვის, ყველა მშობლისთვის. მისი შვილი კი აუცილებლად დაფიქრდება, სანამ მეორედ ასეთი ვანდალიზმის ჩადენას გადაწყვეტს".
მკითხველის კომენტარები /
78 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კაცო, ქვეყანამ შეგიფარა, პური გაჭამა...გახსოვთ, თუთაშხიაში: "ვისაც პური ვაჭამე, ჩავაცვი, დავახურე, სწორედ იმან გამყიდა!"
ჰა, ჰა, "ზაოდი" ყოფილა ქუთაისის უბანი, Авто ЗАВОД.