ლატვიაში კორონავირუსით საქართველოს მოქალაქე გარდაიცვალა

ლატვიაში covid 19 დიაგნოზით საქართველოს 53 წლის მოქალაქე გარდაიცვალა. ამის შესახებ „ინტერპრესნიუსს“ საგარეო საქმეთა სამინისტროში განუცხადეს.

მათივე ინფორმაციით,გარდაცვლილი მკურნალობის კურსს გადიოდა ლატვიის ინფექტოლოგიის ცენტრის საუნივერსიტეტო კლინიკაში. აღსანიშნავია, რომ გარდაცვლილს გულის ქრონიკული დაავადება ჰქონდა.

„ლატვიაში საქართველოს საელჩო მუდმივ კონტაქტზეა გარდაცვლილის ოჯახის წევრებთან და მიმდინარეობს გადმოსვენების პროცედურაზე მუშაობა“,-აცხადებენ უწყებაში.