2020 წლის გაზაფხულის კოლექცია - ბალიშების კაბები და ტრენდი, რომელიც კარანტინმა დაამკვიდრა

იზოლაციის პერიოდმა ჩვენი ცხოვრების წესები შეცვალა. დიზაინერების მიერ შემოთავაზებულმა მოდურმა ტენდენციებმა ახლა მნიშვნელობა დაკარგა და დრომ მოდა თავისით დაამკვიდრა.

კარანტინის მოდა საკმაოდ უჩვეულო და ამავდროულად, სახალისოა. ინფლუენსერებმა, მოდის ბლოგერებმა სამოსად აქციეს საძინებლის ატრიბუტიკა. ყველაზე პოპულარული სამოსი კი ბალიშებისგან შექმნეს.

Pillow challenge - ასე ჰქვია გამოწვევას სოციალურ ქსელებში, რომელსაც ათასობით ადამიანი გამოეხმაურა. თავდაპირველად გამოწვევა გოგონებმა დაიწყეს, თუმცა მალე მათ მამაკაცებიც შეუერთდნენ. ისინი ბალიშს სხეულზე ქამრით იმაგრებენ და ორიგინალურ სამოსს ქმნიან.

გამოწვევაში ქართველი პოპულარული ადამიანებიც ჩაერთნენ. დავათვალიეროთ ფოტოები და ვნახოთ კარანტინის მოდა - გაზაფხული 2020, ის, რაც პოდიუმზე არასდროს ყოფილა.