კორონავირუსის წინააღმდეგ მსოფლიოში 70 ვაქცინაზე მუშაობენ - სამი მათგანი უკვე ადამიანზეც გამოსცადეს
მსოფლიოს ფარმაკოლოგიური კომპანიები, კორონავირუსის ახალი შტამის, COVID-19-ის საწინააღმდეგო 70 სხვადასხვა ვაქცინაზე მუშაობენ, რომელთა შორისაც, სამი ვაქცინა უკვე გამოსცადეს ადამიანზე.
ამის შესახებ ინფორმაციას ჯანდაცვის მსოფლიო ორგანიზაცია ავრცელებს. ვაქცინის შედეგი და ის, თუ რამდენად წარმატებული აღმოჩნდა პირველი სატესტო ვარიანტი, ჯერ უცნობია.
როგორც გამოცემა Bloomberg.com წერს, იმ ვაქცინებს შორის, რომელიც ადამიანებზე გამოსცადეს, კლინიკური ვარიანტის შექმნა ყველაზე ადრე ჰონგ-კონგში, კომპანია CanSino Biologics-მა დაიწყო. მუშაობის პროცესში ჩართული იყო პეკინის ბიოტექნოლოგიური ინსტიტუტი, ვაქცინა ახლა განვითარების მეორე ფაზაშია.
რაც შეეხება კიდევ ორ ვაქცინას, რომლებიც ადამიანზე გამოსცადეს, შემუშავდა კომპანია Moderna-სა და Inovio-ს მიერ.
სპეციალისტები ვაქცინის შექმნაზე უპრეცედენტოდ სწრაფად მუშაობენ. წამლის ინდუსტრიის ექსპერტები იმედოვნებენ, რომ ის ბაზარზე მომდევნო წელს იქნება, მაშინ, როცა ჩვეულებრივ, ახალი ვაქცინის შექმნას 10-15 წელი სჭირდება.
ჯანდაცვის მსოფლიო ორგანიზაციის ცნობით, ისეთ ფარმაცევტულ გიგანტებს, როგორებიცაა Pfizer და Sanofi, კორონავირუსის საწინააღმდეგო ვაქცინა შექმნილი აქვთ, თუმცა ჯერჯერობით პრეკლინიკურ ეტაპზე არიან.
"თუ არ დავრჩებით სახლში, გვექნება უდიდესი მსხვერპლი... ვეღარ დავითვლით კუბოებს, ეს გინდათ?" - იმნაძე
"თქვენ მაძლევთ გარანტიას, რომ არ გჭირთ კორონავირუსი და მე არ მაავადებთ?" - დეკანოზი ანდრია ჯაღმაიძე ჟურნალისტს
