მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია -
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართველი თეოლოგები მსოფლიოს მართლმადიდებელ ლიდერებს მიმართავენ - "გავლენა მოახდინეთ საქართველოს ეკლესიაზე, რომ ათასობით მოქალაქის ინფიცირება ავიცილოთ"
15:59 / 10-04-2020
გერმანიაში (პადერბონი) მცხოვრები, თეოლოგიის ქართველი მაგისტრანტი ზვიად ცაბაძე "ფეისბუქის" პირად გვერდზე მართლმადიდებელი ეკლესიების მეთაურებისადმი მიმართვას აქვეყნებს, რომელსაც მასთან ერთად, სხვა ქართველი თეოლოგებიც აწერენ ხელს. თეოლოგების ადრესატები არიან: მსოფლიო პატრიარქი ბართლომე კონსტანტინეპოლელი; თეოდორე ალექსანდრიელი; იოანე ანტიოქიელი; თეოფილე იერუსალიმელი; კირილე მოსკოველი; ირინეოს სერბი; დანიელ რუმინელი; ნეოფიტე ბულგარელი; ქრიზოსტომოს კვიპროსელი; იერონიმე ელადელი; ანასტასი ალბანელი; საბა პოლონელი; როსტისლავ პრეშოველი და ეპიფანე კიეველი; თეოლოგების თქმით, კათალიკოს-პატრიარქი ილია მეორე საქართველოს ეკლესიას ავტორიტარულად განაგებს, რაც პანდემიის პირობებში, საქართველოს ათასობით მოქალაქის სიცოცხლეს საფრთხის ქვეშ აყენებს. ისინი მსოფლიოს მართლმადიდებელი ეკლესიების ლიდერებს საქართველოს ეკლესიაზე გავლენის მოხდენისკენ მოუწოდებენ:
"უწმინდესნო და უნეტარესნო მეუფენო,
XXI საუკუნის ახალი მტერი - "კოვიდ 19" მომაკვდინებელი საფრთხეა კაცობრიობისთვის. ის მილიონობით ადამიანს სასოწარკვეთილებაში აგდებს და სრულიად ახალ რეალობაში ცხოვრებას გვაიძულებს. ეს არის რეალობა, რომელმაც მთელი მსოფლიო მოიცვა და უკვე მრავალი სოციალური თუ ეკონომიკური უბედურება დაგვატეხა თავს. გარდაცვლილთა რაოდენობა მრავალ ათასს ითვლის და, სამწუხაროდ, ეს მონაცემები ყოველდღიურად იზრდება.
მაშინ, როდესაც თითქმის ყველა მართლმადიდებელმა ადგილობრივმა ეკლესიამ მსოფლიო ჯანდაცვის ორგანიზაციისა და ადგილობრივ მთავრობათა რეკომენდაციები მიიღო, რომელიც ღვთისმსახურებაზე მრევლის დასწრების შეზღუდვასა და სხვა სახის პრევენციულ ქმედებებს ითვალისწინებს, საქართველოს მართლმადიდებელი ეკლესია ჯიუტად დგას თავის უცვლელ პოზიციაზე, არ მოუწოდებს მრევლს დარჩეს სახლში და უარს აცხადებს ღვთისმსახურება მრევლის გარეშე ჩაატაროს. შედეგად, სამღვდელოების წარმომადგენლები მორწმუნეებს სასიკვდილო საფრთხისაკენ მიუძღვიან. ამ მძიმე ჟამს, სამღვდელო დასის რიგი წევრები წარმოთქვამენ ქადაგებებს, რომლებიც სავსეა სიძულვილით, ფანატიზმითა და ცრუ აპოკალიპტური მოლოდინებით.
სოციალურ დისტანცირებაზე დროებით უარის თქმა, მორწმუნეების გარდა, საქართველოში მცხოვრებ სხვა ადამიანებსაც უქმნის საფრთხეს. ამის ფონზე გასაკვირი არ არის, რომ ყველა ის თეოლოგი, მღვდელი თუ ექიმი, ვინც საქართველოს ეკლესიის ოფიციალურ პოზიციას არ ეთანხმება, საქართველოს საპატრიარქოს მიერ ეკლესიის მტრადაა შერაცხული. გარდა ამისა, საქართველოს საპატრიარქო ახალისებს იმ მღვდელმთავრებს და მღვდლებს, რომლებიც იმ ადგილობრივ ეკლესიათა მეთაურებს განსჯიან და აკრიტიკებენ, რომლებაც საკუთარი ხალხის დასაცავდ შესაბამისი და ადეკვატური ზომები მიიღეს.
ჩვენდა სამწუხაროდ, უნდა ითქვას ისიც, რომ საქართველოს უძველეს ეკლესიას კათალიკოს-პატრიარქი ილია მეორე ავტორიტარულად განაგებს. წლების მანძილზე ჩამოყალიბებული მმართველობის ეს სისტემა სრულიად უგულვებელყოფს ეკლესიის მართვის კოლეგიურ პრინციპს, წმინდა სინოდის სახით. და ყოველივე ეს წმინდა სინოდის თითოეული წევრის დუმილისა და კონფორმიზმის გამო ხდება. ეს კონფორმიზმი ძირს უთხრის კოლეგიურ პრინციპს, რომელიც საუკუნეთა განმავლობაში საეკლესიო მმართველობის საფუძველს წარმოადგენდა.
გარდა ამისა, საქართველოს საპატრიარქო, ფანატიკურად განწყობილი რელიგიური ჯგუფების დახმარებით, პირდაპირ თუ ირიბად აშანტაჟებს საქართველოს მთავრობას და საშუალებას არ აძლევს მას, საზოგადოების ჯანმრთელობის დასაცავად, შესაბამისი ღონისძიებანი გაატაროს.
უწმინდესნო მამანო, საქართველოს ეკლესიის ოფიციალურ პირთა უმოქმედობისა და უპასუხისმგებლობის გამო, მოგმართავთ თხოვნით, გავლენა მოახდინოთ საქართველოს ეკლესიაზე, რათა ოფიციალურმა იერარქიამ მიიღოს ყველა აუცილებელი გონივრული ზომა, რათა საქართველოს ათასობით მოქალაქის ინფიცირება და სიკვდილი თავიდან ავიცილოთ.
პატივისცემით,
ზვიად ცაბაძე - თეოლოგიის მაგისტრანტი, პადერბონი, გერმანია
გიორგი ტიგინაშვილი - თეოლოგიის ბაკალავრი, თბილისი, საქართველო
შოთა მათითაშვილი - ისტორიის დოქტორი, საქართველოს ეკლესიის ისტორიის მკვლევარი
კახა უსუფაშვილი - თეოლოგიის ბაკალავრი, ათენი, საბერძნეთი
ლადო წითლიძე - თეოლოგიის მაგისტრანტი, ჟენევა, შვეიცარია
თეოლოგების და სხვა კომპეტენტური ხლხის გასაგონად: ვისაც სურვილი გაქვთ, შემოგვიერთდით.
ტექსტის ინგლისური ვერსიაც მალე იქნება და ყველა ეკლესიას ოფიციალურ ელექტრონულ მისამართზე გაეგზავნება.
გვესმის, რომ ეს რადიკალური ნაბიჯია, მაგრამ საქართველოს საპატრიარქო ვერ აცნობიერებს კარს მომდგარ საფრთხეს და ადამიანების ჯანმრთელობასა და სიცოცხლეს რისკის ქვეშ აყენებს".
მკითხველის კომენტარები /
61 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დიდება უფალს და მადლობა რომ კეთილგონიერი და ღრმადმორწმუნე პატრიარქი გვყავს და არაფრის გამო არ დაგვათმობინა სარწმუნოება. თქვე საწყალო თეოლოგებო და ისინი ვინც უერთდებით ამ მოთხოვნას, ქრისტეს და ქვეყნის მოღალატეები ხართ. 100 000 მოწამის ქვეყანას ვერც კოვიდი შეგვაშინებს და ვერც გარდაუვალი სიკვდილი საქართველო ყოველთვის იქნება ქრისტეს ერთგული. დიდება უფალს!
2022 წელი. 2 წელი პანდემიის შემდეგ. თურმე გრძელდება სიცოცხლე აცრის გარეშეც. ისე რწმენის გარეშე სიცოცხლეს ფასი არააქვს.