მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორია ცხოვრება ქვეყანაში, სადაც კორონავირუსი ჯერ არ გამოვლენილა - "წყალიც კი არ გვაქვს ხელების დასაბანად“
12:34 / 08-04-2020
ვანუატუ იმ ქვეყნებს შორისაა, სადაც ჯერ კორონავირუსის ახალი შტამი, COVID-19 არ გამოვლენილა, მაგრამ მიუხედავად ამისა, იქ ადამიანები ისე ცხოვრობენ, თითქოს ეპიდემიაა. ვანუატუს მთავრობამ მკაცრი წესები შემოიღო, მათ შორის, ე.წ. კომენდანტის საათიც კი დააწესა. აღნიშნულის შესახებ ბრიტანული გამოცემა theguardian.com წერს.
კარანტინის რეჟიმში ამ დროისთვის 62 ადამიანი იმყოფება - ისინი, ვინც საზღვრების ჩაკეტვამდე დაბრუნდნენ. ახლა ხელისუფლებაც და მოსახლეობაც შიშით და თან იმედით ელოდება მათი 14 დღიანი საკარანტინე პერიოდის გასვლას.
ვანუატუს მოსახლეობა 300 000 ადამიანს შეადგენს, ქვეყანა წყნარ ოკეანეში 80 კუნძულზეა განთავსებული. ეკონომიკური მდგომარეობა ძალიან რთულია და არც ჯანდაცვაა სათანადოდ განვითარებული. როგორც "გარდიანი“ წერს, ქვეყნის მთავარ საავადმყოფოში მხოლოდ 20 საწოლია და მთელ ქვეყანაში მხოლოდ ორი სასუნთქი აპარატი აქვთ. ასევე ჰყავთ 60 ექიმი, რომელთა უმეტესობაც გამოუცდელი და ახალბედაა.
მკაცრი რეგულაციები და ცხოვრება ისე, თითქოს ეპიდემიაა...
ხელისუფლებამ იმ მიზნით, რომ ვანუატუში კორონავირუსის შემთხვევა არ დაფიქსირდეს, ჩაკეტა საზღვრები, შემოიღო კომენდანტის საათი, დაიკეტა სასტუმროები, რესტორნები და კვების სხვა ობიექტები.
არიტაიმაი სალმონი ქვეყნის ყველაზე დიდ სუპერმარკეტების ქსელ Au Bon Marche-ში მომხმარებლების მენეჯერად მუშაობს. სუპერმარკეტების აღნიშნული ქსელი ერთ-ერთია იმ მცირე კომპანიებს შორის, რომლებიც კორონავირუსის გავრცელების პრევენციის მიზნით შემოღებულ რეგულაციებს გადაურჩა.
როგორც სალმონი "გარდიანთან“ ამბობს, ის ბოლო რამდენიმე კვირაა არწმუნებს მოქალაქეებს, რომ ქვეყანაში საკმარისი რაოდენობით საკვებია და არ უნდა ეშინოდეთ საჭმლის გარეშე დარჩენის, მიუხედავად საზღვრების ჩაკეტვისა.
ვანუატუს მშპ-ს 40% ტურიზმზე მოდის და ახლა, როცა ტურისტების ნაკადი შეწყდა, ეს ბევრ ოჯახს და ადამიანს შეეხო. ისინი ამბობენ, რომ არ იციან როგორ გადარჩებიან ტურისტების გარეშე.
საკრუიზო გემების მუშაობა სრულად შეჩერებულია, ასევე შეჩერებული აქვს ფრენები ადგილობრივ ავიაკომპანიას, Air Vanuatu-ს და არავინ იცის, როდის განახლდება მიმოსვლა.
რესტორნებისა და სასტუმროების მეპატრონეები იძულებულნი გახდნენ, რომ დაწესებულებები დაეკეტათ. ვანუატუში საღამოს 9:00 საათიდან გამთენიის 4:00 საათამდე აკრძალულია გარეთ გასვლა და გადაადგილება.
შეზღუდვები ეხება კავას ბარებსაც. კავა ვანუატუს ტრადიციული სასმელია. ახლა ბარები ადრინდელივით ვეღარ მუშაობენ. ერთ-ერთი ასეთი ბარის მეპატრონე ამბობს, რომ იძულებულია ის მხოლოდ ორი საათით გააღოს და ძირითადად მიტანის სერვისზე გადავიდა. "პოლიცია რეგულარულად ამოწმებს, ვასრულებთ თუ არა რეკომენდაციებს", - ამბობს კავა ბარის მეპატრონე.
დაიკეტა სხვა ბიზნესებიც, ვეღარ შეაქვთ ექსპორტზე სხვადასხვა ბიზნესისთვის აუცილებელი მასალები, მაგრამ ყველა თანხმდება, რომ საზღვრების ჩაკეტვა აუცილებელი იყო.
"ვირუსი რომ აქ შემოვიდეს, ვფიქრობ, ყველა ოჯახზე მოახდენს გავლენას, განსაკუთრებით ოჯახის უფროს წევრებზე და შესაძლოა, ექიმამდეც კი ვერ მივიდეთ, ეს საშინელება იქნება“, - ამბობს ადგილობრივი ბიზნესმენი, კრისტოფ ტაჰუმფირი.
ქვეყანას აქვს წყლის პრობლემა
დედაქალაქ პორტ-ვილას მთავარ ქუჩაზე მაღაზიების, ბანკების, რესტორნების და სხვა დაწესებულებების წინ ხელის დასაბანი ონკანები მოაწყვეს. წყალი პლასტმასის კონტეინერებშია, რომელსაც ონკანი აქვს მიმაგრებული, მაგრამ ეს მხოლოდ დედაქალაქის მთავარ ქუჩაზე. ხელისუფლების ბრძანებით, ყველა ბიზნესი ვალდებულია, რომ ხელის დასაბანად ონკანი დაამონტაჟოს დაწესებულებაში მოქალაქეებისთვისაც, ასევე უზრუნველყოს ოფისი ხელის ჰიგიენის საშუალებებით. ყოველივე არც ისე მარტივად შესასრულებელია, რადგანაც ქვეყანაში წყლის დეფიციტია და ადამიანები მას შეზღუდული რაოდენობით მოიხმარენ.
"როგორც მამა და როგორც ამ ქვეყნის მოქალაქე, ძალიან ვნერვიულობ. ჩვენ არ გვაქვს ამ ვირუსის მართვის შესაძლებლობა. ჩვენ წყალიც კი არ გვაქვს ხელების დასაბანად“, - ამბობს ვანუატუს პარლამენტის ყოფილი წევრი, კალფაუ მოლი.
ხელისუფლების მთავარი სპიკერის, რასელ ტამატას თქმით, მოქმედებები აგრესიული უნდა იყოს, სხვაგვარად ვერ შეძლებენ ვირუსის ქვეყანაში შესვლის თავიდან არიდებას.
"ვიცით, როგორ ვრცელდება ვირუსი და როცა ვუყურებ ჩვენს კულტურას, იმას, თუ როგორ ვცხოვრობთ, ვფიქრობ, სწორედ ასეთი ადგილები უყვარს ამ ვირუსს. თუ ის ჩვენთან შემოვა, ეს იქნება ნამდვილი კატასტროფა. სწორედ ამიტომ დავაწესეთ უმკაცრესი შეზღუდვები საზღვრებზე. ჩვენ გვეშინია, რომ თუ ვირუსი ვანუატუში შემოვა, ის ძალიან სწრაფად გავრცელდება და უბრალოდ არ გვაქვს რესურსი მისი მართვისთვის. ერთმა პატარა შეცდომამაც კი შეიძლება ძალიან დიდი კატასტროფის წინაშე დაგვაყენოს“, - ამბობს ტამატა.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თქვენი ძმები ოსები და აბხაზები გამოგიგზავნიანთ ყველაფერს, მაგაზე არ იდარდოთ.
ეს ხალხი არის კანიბალი და ვის რაში აღელვებს კანიბალებიში გავრცელდა თუ არა ვირუსი