მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ხალხმა არასწორად გაიგო, რომ ვინც ბავშვობაშია აცრილი, მას იცავს" - რეალურად, მუშაობს თუ არა ბცჟ ვაქცინა კორონავირუსის წინააღმდეგ?
12:41 / 30-03-2020
იცავს თუ არა კორონავირუსისგან 100 წლის წინ, ტუბერკულოზის საწინააღმდეგოდ შექმნილი ვაქცინა ე.წ ბეცეჟე? ამ საკითხზე ევროპელ მედიკოსებში ჯერ მხოლოდ მოსაზრებები არსებობს და მასზე ჰოლანდიელმა მკვლევარებმა მუშაობა უკვე დაიწყეს.
გავლენიანი გამოცემა Bloomberg წერს, რომ შესაძლოა, ვაქცინა სახელად bacillus Calmette-Guerin, იგივე BCG, ადამიანს COVID-19-ის წინააღმდეგ იმუნიტეტს უმუშავებს. რადგან აღნიშნული აცრა საქართველოში თითქმის ყველას აქვს გაკეთებული და ის დღემდეა აცრების ეროვნულ კალენდარში, მასთან დაკავშირებით AMBEBI.GE-მ აზრი ქართველ სპეციალისტებს ჰკითხა.
იმუნოლოგი ბიძინა კულუმბეგოვი ჩვენთან საუბარში განმარტავს, BCG ვაქცინამ დადასტურებულად აჩვენა, რომ იგი სხვა ინფექციური დაავადებების რისკს გარკვეულწილად ამცირებს, თუმცა იმუშავებს თუ არა COVID-19-ის წინააღმდეგ, ამის წინასწარ პროგნოზირება შეუძლებელია.
- BCG-თან მიმართებაში ის საფუძველი არსებობს, რომ შესაძლებელია, მან სხვა ინფექციური დაავდებების რისკი 30%-ით შეამციროს. ეს არის ისტორიულად ცნობილი. მაგრამ COVID-19-თან მიმართებაში გაამართლებს თუ არა, ეს გამოჩნდება მას შემდეგ, რაც კვლევის პასუხები გახდება ცნობილი.
ჰოლანდიელმა მვლევარებმა დაიწყეს 1000 ადამიანზე კვლევა და ველოდებით ამ შედეგს. შეიძლება დასჭირდეს თვეები და ერთი წელიც კი ამ კვლევის შედეგს. მანამდე ეს არის ვარაუდი, ჰიპოთეზა. მოსაზრება წამოვიდა ალბათ იქედან, რომ რაღაც ინფექციები დადასტურებულად შეაჩერა BCG-მ. მაგალითად, ბავშვთა სიკვდილიანობა აფრიკაში და იმ ქვეყნებში სადაც ის კეთდება" - უთხრა AMBEBI.GE-ს იმუნოლოგმა.
ეპიდემიოლოგი მაია ბუწაშვილი კი მიიჩნევს, რომ ზემოთაღნიშნულ მოსაზრებასთან მიმართებაში, აშკარა წინააღმდეგობები არსებობს, თუმცა რადგან კვლევა დაიწყო, სრულიად უსაფუძვლოდ არ შეიძლება ჩაითვალოს.
- უფრო მეტი ალბათობით ეს ადრე, ამდენი წლის წინ გაკეთებული აცრების ეფექტი, ნაკლებად სავარაუდოა დღემდე მოყვებოდეს. აქ საუბარი უფრო იმაზეა, რომ ამ ტიპის ვაქცინა დაამზადონ და ახალგაკეთებულმა იმოქმედოს. როგორც იცით, BCG ვაქცინა ტუბერკულიოზის წინააღმდეგ არის შემუშავებული, თუმცა გაჩნდა მოსაზრება, რომ მას შეუძლია ანტისხეულები გამოიმუშაოს არამხოლოდ ტუბერკულიოზის წინააღმდეგ, არამედ სხვა ზოგადი ანტისხეულებიც, რომელმაც შესაძლოა, დაიცვან ორგანიზმი კორონავირუსისგან.
ლოგიკა არსებობს ამასთან მიმართებაში, თუმცა წინააღმდეგობრივი სიტუაციებიც არის. მაგალითად ის, რომ ზოგიერთ ქვეყანაში, სადაც ეს აცრები კეთდებოდა, ხანდაზმულები, რომელთა დიდი ნაწილი მაღალი ალბათობით აცრილი უნდა იყოს, იღუპებიან. ამიტომ აქ შეუსაბამობაა.
მგონი, ხალხმა არასწორად გაიგო, რომ ვინც ბავშვობაშია აცრილი იმას იცავს. აქ უფრო საუბარია იმაზე, ახლა რომ აწი შეიქმნება ახალი BCG-ს ტიპის ვაქცინა და ის დაიცავს
ესეც მოსაზრებაა, თუმცა, არსებობს ჰაერზე მოტანილი მოსაზრებებიც და არსებობს ისეთი მოსაზრებები, რომლებსაც იმდენად მნიშვნელოვნად ჩათვლიან, რომ მასზე კვლევის ჩატარებას იწყებენ. რადგან დაიწყეს კვლევა ამ ვერსიაზე, როგორც ჩანს, საფუძველი არსებობს. მსგავსი მოსაზრება გაჩნდა წითელას ვაქცინაზეც.
თუმცა, მარტო პოსტსაბჭოთა სივრცეზე არ არის კითხვის ნიშნები. არის ქვეყნები, სადაც აუხსნელად არის შეკავებული ახალი კორონავირუსი. მაგალითად ტაილანდი, სადაც 12 იანვარს დაიწყო ინფექციის გავრცელება და სულ 1500 შემთხვევაა. იგივე შემიძლია ვთქვა ავსტრალიაზეც, ძალიან დაბალია სიკვდილობა და ინფიცირების მაჩვენებელიც. ავსტრალიის შემთხვევა შეიძლება აიხსნას ინფექციის კარგი კონტროლით, მაგრამ ტაილანდზე ამას ვერ ვიტყვით. ასე რომ, ბევრი პასუხგაუცემელი კითხვაა, რომელსაც სჭირდება კვლევებით დადასტურება" - ამბობს AMBEBI.GE-სთან მაია ბუწაშვილი.
ინფექციონისტი მაია ზალდასტანიშვილი, კორონვირუსის წინააღმდეგ ბცჟ ვაქცინის ეფექტურობის მიმართ, სკეპტიკურად არის განწყობილი.
„ზღაპარია ეს! მხოლოდ ჰიპოთეზაა და ამის მტკიცება წარმოუდგენელია. BCG-თი არის აცრილი ჩვენი მოსახლეობის ალბათ, 80% და რა გითხრათ აბა?! ახლაც მუდმივად კეთდება ეს აცრა. თუ დაიდება კვლევის შედეგები, შემდეგ ვირწმუნებ" - ამბობს ექიმი.
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ბუგულოვი როდის მერე გახდა კვალიფიციური ექიმი?
რამდენ რამეს აკეთებს ქართული ოცნება, ამაზეც ილაპარაკეთ ექიმებო. ნახევარი მილიარდი ლარი რომ ჩარიცხა კორონასთან ბრძოლაში, ილაპარაკეთ ამაზე, თქვენიიი