კორონავირუსით ინფიცირებული პაციენტი მარნეულიდან თბილისში გადმოჰყავთ

საგანგებო სიტუაციების კოორდინაციისა და გადაუდებელი დახმარების ცენტრის თანამშრომლებს მარნეულის მუნიციპალიტეტიდან კორონავირუსის დიაგნოზით ერთი პაციენტი თბილისში გადმოჰყავთ.

როგორც „ინტერპრენსიუსს“საგანგებო სიტუაციების კოორდინაციისა და გადაუდებელი დახმარების ცენტრში განუცხადეს, პაციენტი თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში მოთავსდება.

„გადმოგვყავს ერთი პაციენტი თბილისში. ეს არ არის ახალი შემთხვევა. აღნიშნული პირი დადასტურებულ 54 პაციენტიდან ერთ-ერთია“, - აღნიშნეს უწყებაში.

ცნობისთვის, საქართველოში კორონავირუსის დადასტურებული 54 შემთხვევაა, მათ შორის გამოჯანმრთელებული - 3, კარანტინის რეჟიმში იმყოფება 2956 ადამიანი, ხოლო სტაციონარში მეთვალყურეობის ქვეშ - 291.