მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"შემოწმების მომენტში ვირუსისთვის დამახასიათებელი სიმპტომები არ აღენიშნა" - რა ინფორმაციას ავრცელებს "ევექსი" კორონავირუსით ინფიცირებულ პაციენტზე
18:55 / 08-03-2020
მასობრივი ინფორმაციის საშუალებებით ხშირად ვრცელდება დაუზუსტებელი ინფორმაცია, რასაც საზოგადოება შეცდომაში შეყავს,- ამის შესახებ განცხადებაშია ნათქვამი, რომელსაც "ევექსი ჰოსპიტლები“ ავრცელებს.
"ჩვენს სათაო ოფისის შენობაში, სადაც საქართველოს ჯანდაცვის ჯგუფის რამდენიმე კომპანია: ევექსი ჰოსპიტლები, ევექსი კლინიკები და გეფაა განთავსებული, 5 მარტს გეფას ერთ თანამშრომელში დაფიქსირდა კორონავირუსით დაინფიცირების შემთხვევა. აღნიშნული პირი პირადი ვიზიტით იმყოფებოდა იტალიაში. საქართველოს საზღვრის გადმოკვეთის შემდეგ, მან გაიარა პროტოკოლით გაწერილი პროცედურა სასაზღვრო-გამშვებ პუნქტზე და შემოწმების მომენტში ვირუსისთვის დამახასიათებელი სიმპტომები არ აღენიშნა. საქართველოში დაბრუნების მეორე დღეს, 2 მარტს, აღნიშნული პიროვნება გამოცხადდა სამსახურში და თანამშრომლების გარკვეულ წრესთან (15 ადამიანი) ჩაატარა საქმიანი შეხვედრები, იმ დროისთვის მას ვირუსისთვის დამახასიათებელი კლინიკური სიმპტომები არ აღენიშნებოდა. დაინფიცირებული პირი ოფისში იმყოფებოდა მხოლოდ 2 მარტს. 3 მარტიდან კი, მას შემდეგ, რაც მის მეგობარს, რომელთანაც იტალიაში იმყოფებოდა, ტემპერატურის მატება აღენიშნა, ის ოფისში აღარ მოსულა.
მასთან შემხებლობაში მყოფი ყველა პირი იდენტიფიცირებულია, იმყოფება თვითიზოლაციაში და არის დაავადებათა კონტროლის ცენტის დაკვირვების ქვეშ. ევექსი ჰოსპიტლებიდან აღნიშნულ პიროვნებასთან კონტაქტი ჰქონდა მხოლოდ 2 პირს, რომლებიც ასევე დაუყოვნებლივ მოექცნენ თვითიზოლაციაში. არცერთ მათგანში, ამ ეტაპისთვის, ვირუსი გამოვლენილი არ არის, რასაც ევექსი ჰოსპიტლების თანამშრომლებში ვირუსით დაინფიცირების რისკი ფაქტობრივად 0-მდე დაყავს.
ამ შემთხვევის შემდეგ ერთადერთი დაინფიცირებული პირი, რომელიც ევექსი ჰოსპიტლების სახელთანაა კავშირში, საქართველოს ჯანდაცვის ჯგუფის დირექტორი და ევექსი ჰოსპიტლების სამეთვალყურეო საბჭოს თავმჯდომარე ნიკოლოზ გამყრელიძეა, რომელმაც საკუთარი სტატუსი გუშინ თავადვე საჯარო გახადა. ასევე, იდენტიფიცირებულია ნიკოლოზ გამყრელიძესთან შემხებლობაში მყოფი ყველა კონტაქტი და ისინი თვითიზოლაციაში იმყოფებიან“,-ნათქვამია განცხადებაში.
განცხადებაში ასევე ნათქვამია, რომ პირები, რომლენიც აქტიურად აშუქებენ კორონავირუთან დაკავშირებულ მოვლენებს, თავი შეიკავონ დაუზუსტებელი და ცრუ ინფორმაციის გავრცელებისგან.
"გვინდა, გამოვეხმაუროთ ყველა იმ დაინტერესებულ პირს, რომელიც აქტიურად აშუქებდა კორონავირუსთან დაკავშირებულ მოვლენებს და ვთხოვოთ, თავი შეიკავონ დაუზუსტებელი და ცრუ ინფორმაციის გავრცელებისგან. ევექსი ჰოსპიტლების არცერთი თანამშრომელი ინფიცირებული არ არის. გამომდინარე იქიდან, რომ კომპანიის კუთვნილი სამედიცინო დაწესებულებები ევექსი ჰოსპიტლების სახელის ქვეშ ოპერირებენ, მოსახლეობას ექმნება მცდარი ინტერპრეტაცია, თითქოს ვირუსი სამკურნალო დაწესებულებებშია გავრცელებული, რაც მღელვარების საფუძველს ქმნის.
დაუზუსტებელი ინფორმაციის გავრცელება ნეგატიურად მოქმედებს როგორც საზოგადოებაზე, ასევე - კომპანიებში დასაქმებულ თანამშრომლებზე“,-ნათქვამია განცხადებაში.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ორი ანდაზა ამ სიტუაციაზე - ერთი - ფიცი მწამს, ბოლო მაკვირვებსო - შემხებლობაში მყოფი გამყრელიძე კორონავირუსით დააინფიცირა იმ თქვენმა თანამშრომელმა - სავარაუდოდ, უსინდისომ, ვინაიდან ვინ-ვინ და სამედიცინო დაწესებულებაში მომუშავეს არ უნდა ეკადრა თვითიზოლაციის რეჟიმის დარღვევა - მინდა გითხრათ, სამწუხაროდ, არ მეცოდება თვითონ ის, და მეორე - კიდევ ხალხს ამუნათებთ ამის შემდეგ რომ მცდარ ინფორმაციას ავრცელებენ??? სინდისიც კარგი საქონელია, რა...
რაღაც მეეჭვება გამყრელიძის დავირუსების ამბავი - საინკუბაციო პერიოდი არ სჭირდებოდა ვირუსს, მეორე დღესვე აღმოაჩნდა.
პიარკამპანიაა!
ანუ ვირუსმა არ იცის ამის შვილი, იმის შვილი ...
ამის მერე: ნახეთ რა ეფექტური ანტივირუსული კამპანია გვაქვს თვით ისრაელს, საფრანგეთს და გერმანიას არ დაესიზმრებათ!
საქართველოს - ბანანის ქვეყანას ევროპაზე ეფექტური ჯანდაცვა აქვს - სასაცილოა!