16
მაისიდღის ზოგადი ასტროლოგიური პროგნოზი
ზუგდიდელი მღვდელი, მამა ლაზარე (ჯიქია) სმენადაქვეითებულ ადამიანებთან კომუნიკაციის დასამყარებლად ჟესტების ენას სწავლობს. სწავლა ნახევარი წლის წინ დაიწყო და ამ ეტაპზე "მამაო ჩვენო" იცის. გვიყვება, რომ ჟესტების ენის დაუფლება რთულია, მაგრამ საქმისადმი სიყვარული ამ პროცესს უადვილებს. ამბობს, რომ სოფელ დავითიანში, სადაც თავად მსახურობს სმენადაქვეითებული ადამიანები ცხოვრობენ, რომლებიც ღვთისმსახურებას მოკლებულნი არიან.
"წლების წინ გადავწყვიტე შემესწავლა ჟესტების ენა, მაგრამ მაშინ ეს წამოუდგენლად მეჩვენებოდა. ეს პროცესი დააჩქარა იმ ფაქტმაც, რომ სოფელში ცხოვრობენ სმენადაქვეითებული პირები. ისინი ჯერ არ არიან ჩვენი მრევლი, მაგრამ უნდათ, რომ გახდნენ. მოკლებული არიან მადლს, არ იციან რა არის მსახურება, ახსარების ჩაბარება და ზიარება. ახლა სწავლის პროცესში ვარ და საბოლოოდ ღვთისმსახურებას მათთვის ჟესტების ენაზე ჩავატარებ", - ამბობს მამა ლაზარე.
მღვდელს ჟესტების ენის შესწავლაში მამა გიორგი კალანდია ეხმარება.
"თბილისში, სამების კარიბჭის ტაძარში მამა გიორგი კალანდიას წირვას დავესწარი და პირველად იქ ვნახე ჟესტების ენაზე მსახურება. ჟესტების ენაზე მსახურება და საუბარი ძალიან განსხვავდება ერთმანეთისგან და იმისთვის, რომ ღვითისმსახურება აღვავლინო მამა გიორგი მეხმარება. მიგზავნის ვიდეოებს და იმის მიხედვით ვსწავლობ. რა თქმა უნდა რთულია ასე სწავლა, თუმცა იმედი მაქვს რომ მალე შევძლებ ღვთისმსახურებას ჟესტების ენაზე. სწავლა მეუფე გერასიმეს კურთხევით დავიწყე", - გვიყვება მამა ლაზარე.
წირვაზე დასასწრებად და მამა ლაზარესთან სასაუბროდ ზუგდიდიდან სოფელ დავითიანში სმენადაქვეითებულები თითქმის ყოველ კვირა დღეს დადიან. მამა ლაზარე (ჯიქია) ზუგდიდის სოფელ დავითიანის მთავარანგელოზთა სახელობის ტაძარში ორ წელზე მეტია წირავს.
როგორც იქნა კარგი დაწერეთ ეკლესიაზე..გაიხარეთ მამაო..უფალო, გვიმრავლე ესეთი სამღვდელოება
მამაომ სმენადაქვეითებულის ენა კი არ უნდა ისწავლოს სმენადაქვეითებული უნდა განკურნოს