18
მაისიდღის ზოგადი ასტროლოგიური პროგნოზი
გამყოფ ხაზთან მდებარე სოფელ კირბალის განაპირას, საოკუპაციო ძალების მიერ დაკავებული არასრულწლოვანი ცხინვალის მილიციაშია გადაყვანილი, ამის შესახებ "ინტერპრესნიუსთან“ დაკავებული მოზარდის ახლობლებმა განაცხადეს.
კირბალის მაცხოვრებელი, 17 წლის ალიკა შიუკაშვილი თანასოფლელებთან ერთად სოფლის სიახლოვეს მდებარე ტყიან ფართობში იმყოფებოდა შეშის შესაგროვებლად, რა დროსაც შეიარაღებული ფორმიანი პირები გამოჩნდნენ.
შიუკაშვილის თანმხლებმა პირებმა გამოქცევა შეძლეს, არასრულწლოვანი კი ე.წ. მესაზღვრეებმა დააკავეს და დე ფაქტო რეჟიმის მიერ კონტროლირებადი ტერიტორიის მიმართულებით წაიყვანეს.
ალიკა შიუკაშვილის ოჯახი სოფლის განაპირას, გამყოფი ხაზის სიახლოვეს ცხოვრობს. ე.წ. საზღვრის უკანონოდ გადაკვეთის ბრალდებით, საოკუპაციო ძალების წარმომადგენლების მხრიდან რამდენჯერმე იყო დაკავებული 17 წლის მოზარდის მამაც.
აღარ დამთავრდა ეს ველური გატაცებები!! წარმომიდგენია, რას გრძნობს ამ ბავშვის მშობლები. ნუთუ რუსებთან, რომლებიც ასე გვექცევიან, შესაძლებელია მეგობრობაზე საუბარი?!
ამ ოკუპანტებს და ოს სეპარატისტებს, სხვა გართობა არა აქვთ, როგორც ვხედავ. ფუ ამათი. მთელს ევროპაში ხსნიან საზღვრებს ცივილიზებული ხალხი, ესენი კიდევ ჯერ არ გამოსულან შუასაუკუნის აზროვნებიდან.