მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"განცდა რჩება, რომ ომიანობის პერიოდში ხელისუფლება გვარდიის მობილიზაციას ახდენს" - ხუხაშვილი შოთაძის დანიშვნაზე
18:53 / 18-02-2020
განსაკუთრებული ომიანობის პერიოდში ხელისუფლება გვარდიის მობილიზაციას ახდენს, ხელისუფლება ბუნკერში ჩადის და ყველაზე სანდო და „კარგ შემსრულებელ“ კადრებს ეყრდნობა, - ასე აფასებს ექსპერტი გია ხუხაშვილი "ინტერპრესნიუსთან" გენერალურ პროკურორად ირაკლი შოთაძის დანიშვნას.
გია ხუხაშვილი სისტემის მანკიერებაზე საუბრობს და აცხადებს, რომ ასეთ ვითარებაში "შოთაძე იქნება გენერალური პროკურორი თუ ქიბროწაშვილი არანაირი მნიშვნელობა არ აქვს."
"შოთაძემ თქვა, პროცესი გამჭვირვალედ წარიმართაო, გამჭვირვალობას ნამდვილად ვერ დავუწუნებთ იმის გამო, რომ შორიდანაც კი კარგად ჩანდა, რომ მას აირჩევდნენ გენერალურ პროკურორად, ამ კუთხით თუ შევაფასებთ, ნამდვილად გამჭვირვალე იყო პროცესი.
რაც შეეხება თავად შოთაძეს, ის არავისზე უარესია და არავისზე უკეთესია. საერთოდ პრობლემა არის სისტემური. თვითონ მმართველობითი სისტემის ალგორითმია მანკიერი. პროკურატურა პოლიტიკურ დაკვეთაზე მუშაობს და ეს არის პრობლემა. შესაბამისად, ამ მანკიერ სისტემაში შოთაძე იქნება გენერალური პროკურორი თუ ქიბროწაშვილი არანაირი მნიშვნელობა არ აქვს",- განაცხადა გია ხუხაშვილმა.
მისივე თქმით, თანამდებობებზე შერჩევის კრიტერიუმები უფრო და უფრო ვიწროვდება და ხელისუფლებისთვის კადრების შერჩევის თვალსაზრისით გადამწყვეტი სანდოობა ხდება.
"რაც შეეხება საკადრო დეფიციტს, სისტემა განიცდის სტერილიზაციას, მისი კრიტერიუმები საკადრო შერჩევის უფრო და უფრო ვიწროვდება, მხოლოდ ნდობაზე და განსაკუთრებულ ანგაჟირებულობაზეა დამყარებული, თითქოს ასეთი განცდა რჩება, რომ განსაკუთრებული ომიანობის პერიოდში ხელისუფლება გვარდიის მობილიზაციას ახდენს. სრული სტერილიზაცია ხდება, ბუნკერში ჩადის ხელისუფლება და ყველაზე სანდო და „კარგ შემსრულებელ“ კადრებს ეყრდნობა, რაც ძალიან სამწუხარო საყურებელია. ისინი შეიძლება საკუთარი ძალაუფლების გადარჩენის თვალსაზრისი ლოგიკას ხედავენ, მაგრამ სახელმწიფოებრივი თვალსაზრისით ეს დამანგრეველია, როცა მმართველი სისტემა ასე იკვეთება თავის თავში და სტერილური ხდება, სახელმწიფოებრივ განვითარებაზე ლაპარაკიც ზედმეტია", - განაცხადა გია ხუხაშვილმა.
კითხვაზე, რამდენად უნდა ველოდოთ საერთაშორისო კრიტიკას ირაკლი შოთაძის დანიშვნასთან დაკავშირებით იმ ფონზე, როცა გარკვეულ საქმეებზე კითხვის ნიშნები არსებობდა, ხუხაშვილი ამბობს, რომ კონკრეტულ საკითხზე კრიტიკა გადამწყვეტი უკვე აღარ არის, რადგან საერთაშორისო საზოგადოებამ დიაგნოზი უკვე დასვა.
"შოთაძესთან დაკავშირებული კრიტიკით აღარაფერი იცვლება, რადგან მოცემულობა ასეთია, რომ დასავლეთმა დიაგნოზი უკვე დასვა. იმის ილუზია და იმედზე ყოფნა, რომ 7-8 კონგრესმენმა გამოთქვა კრიტიკული მოსაზრებები და იქ კიდევ 400 კაცი ზის კონგრესში, არის სიბრიყვე ან უტიფრობა. საბოლოო ჯამში სახელისუფლებო მანკიერება და ხელისუფლების მიმართ კრიტიკული განწყობები თუ დიდი ხნით გაგრძელდა, ეს სახელმწიფოსაც დააზიანებს",- განაცხადა გია ხუხაშვილმა.
შეგახსენებთ, დღეს პარლამენტმა ირაკლი შოთაძე გენერალური პროკურორის პოსტზე დაამტკიცა. ირაკლი შოთაძე საქართველოს მთავარი პროკურორის თანამდებობას 2015 წლის 19 ნოემბრიდან 2018 წლის 31 მაისის ჩათვლით ხელმძღვანელობდა. აღნიშნული პოსტი მან მას შემდეგ დატოვა, რაც ხორავას ქუჩაზე მოზარდებს შორის მომხდარ მკვლელობის საქმესთან დაკავშირებით სასამართლოს მიერ მიღებულ გადაწყვეტილებას ქუჩის მასშტაბური საპროტესტო აქცია მოჰყვა.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დაანებეთ ამ საცოდავი ხუხაშვილის ლანძღვა,ხომ ხედავთ ადმიანი უბერავს.
ხუხა უბერავს!