გამომშრალი და ნაწიბურებიანი კანი - რა მდგომარეობაში არიან ჩინელი მედიკოსები კორონავირუსთან უწყვეტ რეჟიმში ბრძოლის გამო

ჩინეთში მომაკვდინებელ ახალ, კორონავირუსს ებრძვიან. მედიკოსები სპეციალური სამოსითა და ხელთათმანებით აღჭურვილნი არიან და უმეტეს მათგანს 24 საათიან რეჟიმში უწევს ადამიანებისთვის დახმარების გაწევა.

სოციალურ ქსელებში ვრცელდება ფოტოები, რომლებზეც აღბეჭდილნი არიან ჩინელი ექიმები და მედდები. როგორც ფოტოებზე ჩანს, მათი ხელები და სახე ნაწიბურებიანი და გამომშრალია, როგორც აღნიშნავენ, ამის მიზეზი სპეციალური სამოსისა და ხელთათმანების ტარებაა.

ფოტოები Weibo-ზე ჩინეთის მოქალაქეებმა გაავრცელეს, ხოლო შემდეგ ის სხვა ქსელებშიც ვირუსულად გავრცელდა. მათ აზიარებენ პოპულარული ადამიანებიც, არა მხოლოდ ჩინეთის, არამედ მსოფლიოს სხვადასხვა ქვეყნების მოქალაქეებიც.

ფოტოები ვრცელდება Twitter-ზეც.

"ისინი ჩვენი დროის გმირები არიან“,

"ეს ადამიანები ყველაზე დიდ პატივისცემას იმსახურებენ.“

"ღმერთი გფარავდეთ და ძალა მოგეცეთ ადამიანების გადასარჩენად.“

"საოცარი ხალხი ხართ და ამ მძიმე პერიოდს აუცილებლად გადალახავთ."

"ეს ადამიანები ნამდვილი ანგელოზები არიან."

"ღმერთო, რა მძიმე სიტუაციაა, იმედია, ყველაფერს მალე გადალახავთ.“

"ისინი გმირები არიან, გაუფრთხილდით მათ და ილოცეთ მათთვის“, - წერენ Twitter-ზე სხვადასხვა ქვეყნების მოქალაქეები.

<blockquote class="twitter-tweet"><p lang="en" dir="ltr">Pictures of nurses&#39; hands shriveled and scarred after days of fighting the <a href="https://twitter.com/hashtag/coronavirus?src=hash&amp;ref_src=twsrc%5Etfw">#coronavirus</a> on the front lines are going viral on social media.<a href="https://twitter.com/hashtag/WeGotYourBack?src=hash&amp;ref_src=twsrc%5Etfw">#WeGotYourBack</a>&quot;💪 was launched on Weibo by Chinese netizens and involves many celebrities showing respect to these medical workers. <a href="https://t.co/ecsjBmKAoF">pic.twitter.com/ecsjBmKAoF</a></p>&mdash; CGTN (@CGTNOfficial) <a href="https://twitter.com/CGTNOfficial/status/1223893822754578432?ref_src=twsrc%5Etfw">February 2, 2020</a></blockquote> <script async src="https://platform.twitter.com/widgets.js" charset="utf-8"></script>

ახალ კორონავირუსს ბოლო მონაცემებით 305 ადამიანი ემსხვერპლა, მედიკოსებმა 348 ინფიცირებულის განკურნება შეძლეს, ხოლო 14 628 ადამიანი დაინფიცირებულია. ვირუსის ეპიცენტრი ჩინეთის ქალაქი უხანია, სადაც 23 იანვრის შემდეგ კარანტინია გამოცხადებული. 11 მილიონიანი ქალაქი ამ დრომდე ჩაკეტილია.

ხელისუფლების წარმომადგენლები ურჩევენ მოქალაქეებს, რომ სახლიდან არ გამოვიდნენ, ისინიც რეკომენდაციებს ითვალისწინებენ, სწორედ ამის გამო, უხანის ქუჩები ცარიელია, დაკეტილია მაღაზიები და სხვადასხვა დაწესებულებები.

კორონავირუსის შემთხვევები გამოვლინდა სხვადასხვა ქვეყნებში, მათ შორის, აშშ-ში, დიდ ბრიტანეთში, საფრანგეთში, გერმანიასა და იტალიაში.