აღმაშენებლის ხეივანში წყალსადენის დაზიანების გამო, საბურთალოს დღის ბოლომდე წყალი არ მიეწოდება - GWP-ს განცხადება
თბილისში, აღმაშენებლის ხეივანში, აგრარული უნივერსიტეტის მიმდებარედ, კომპანია „ჯორჯიან უოთერ ენდ ფაუერის“ წყალსადენის 1400 მმ-იანი მაგისტრალური ქსელი ავარიულად დაზიანდა.
კომპანიაში აცხადებენ, რომ ადგილზე მობილიზებულია სამუშაო ჯგუფები და დაზიანების აღსადგენად სამუშაოები მიმდინარეობს.
"აღნიშნულთან დაკავშირებით, რამდენიმე საათის განმავლობაში, მაგისტრალური ქსელის წყლისგან დაცლაა აუცილებელი, რის გამოც დღეს, 20 იანვრის საღამოს 20:00 საათამდე, წყალმომარაგება შეზღუდული აქვს საბურთალოს რაიონში:
შანხაის დასახლებას, ვაჟა-ფშაველას და ყაზბეგის გამზირის ნაწილს, ვაჟა-ფშაველას კვარტლებს, გამრეკელის, ქავთარაძის და მიმდებარე ქუჩებს, ასევე სოფელ დიღომს.
ვაკის რაიონში: ნუცუბიძის პლატოს, მიკრო რაიონებს და კვარტლებს.
წყალმომარაგების შეზღუდვისა და აღდგენის შესახებ ინფორმაცია, „ჯორჯიან უოთერ ენდ ფაუერმა“ აბონენტებს წინასწარ, SMS-შეტყობინების სახით მიაწოდა. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - www.gwp.ge.
„ჯორჯიან უოთერ ენდ ფაუერი“ დისკომფორტისთვის ბოდიშს უხდის მომხმარებლებს და შეეცდება, სამუშაოების ჩატარება მოკლე დროში დაასრულოს“, - ნათქვამია კომპანიის მიერ გავრცელებულ ინფორმაციაში.
დაზიანების მასშტაბების გამო დღეს დილიდან საავტომობილო მოძრაობა შეფერხებულია აღმაშენებლის ხეივანში.
კორონავირუსის გამო, ჩინეთში საზოგადოებრივი ტრანსპორტი მუშაობას წყვეტს - როგორია საქართველოს ჯანდაცვის სამინისტროს სამოქმედო გეგმა
ინტელექტკლუბის მოაზროვნეს ნიკა აგლაძეს გერმანიაში ოპერაცია ჩაუტარდა - "მგონი ვიგებთ ბროლის ბუს..."
