მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორია პოლიტიკოსების რეიტინგი, ვინ ლიდერობს და ვის აქვს ყველაზე ნაკლები მხარდაჭერა - NDI-ს გამოკითხვის შედეგები
11:43 / 16-01-2020
NDI-ის კვლევის თანახმად, გამოკითხულთა 34-34%-ს პოლიტიკოსებიდან დადებითი დამოკიდებულება დავით ბაქრაძის და კახა კალაძის მიმართ აქვთ. უარყოფითი დამოკიდებულება კახა კალაძის მიმართ გამოკითხულთა 22-მა პროცენტმა გამოხატა, დავით ბაქრაძის მიმართ კი, 21%-მა. კახა კალაძის შემთხვევაში 36% ამბობს, რომ მის მიმართ არც დადებითი და არც უარყოფითი დამოკიდებულება არ აქვს, 4% აღნიშნავს, რომ არ სმენია მის შესახებ, 5% ამბობს, რომ არ იცის დადებითი დამოკიდებულება აქვს მის მიმართ თუ უარყოფითი. კვლევის თანახმად, დავით ბაქრაძის მიმართ 35%-ს არ აქვს არც დადებითი და არც უარყოფითი დამოკიდებულება, 5% ამბობს, რომ არ სმენია მის შესახებ, 5% ასევე აღნიშნავს, რომ არ იცის დადებითი დამოკიდებულება აქვს თუ უარყოფითი.
ამავე კვლევის თანახმად, ბიძინა ივანიშვილს დადებითად 17% აფასებს, მის მიმართ უარყოფით დამოკიდებულებას კი გამოკითხულთა 49% გამოხატავს. 29% ამბობს, რომ ბიძინა ივანიშვილის მიმართ არც დადებითი და არც უარყოფითი დამოკიდებულება არ გააჩნია, 1% აღნიშნავს, რომ არ სმენია მის შესახებ, 4% კითხვაზე დადებითი დამოკიდებულება აქვს მის მიმართ თუ უარყოფითი, ამბობს, რომ არ იცის;
კვლევის თანახმად, პრემიერ-მინისტრის, გიორგი გახარიას მიმართ დადებითი დამოკიდებულება გამოკითხულთა 27%-ს აქვს, მას უარყოფითად 34% აფასებს. 30% ამბობს, რომ არც დადებითი და არც უარყოფითი დამოკიდებულება არ გააჩნია, 5% აღნიშნავს, რომ არ სმენია მის შესახებ, 4% კი კითხვაზე დადებითი დამოკიდებულება აქვთ მის მიმართ თუ უარყოფითი პასუხობს, რომ არ იცის.
კვლევის მიხედვით, მიხეილ სააკაშვილს გამოკითხულთა 26% დადებითად აფასებს, 39% მის მიმართ უარყოფით დამოკიდებულებას გამოხატავს, 29 %-ს მის მიმართ არც დადებითი და არც უარყოფითი დამოკიდებულება არ აქვს, 1% ამბობს, რომ არ სმენია მის შესახებ. 4% კი კითხვაზე დადებითი დამოკიდებულება აქვს მის მიმართ თუ უარყოფითი, პასუხობს, რომ არ იცის.
სალომე ზურაბიშვილის მიმართ დადებით დამოკიდებულებას გამოკითხულთა 13% გამოხატავს, უარყოფითი დამოკიდებულება 49%-ს აქვს, 33 % ამბობს, რომ არც დადებითი და არც უარყოფითი დამოკიდებულება არ აქვს მის მიმართ.
გამოკითხვის თანახმად, შალვა ნათელაშვილს დადებითად გამოკითხულთა 29% აფასებს, უარყოფითად - 25%, 36% ამბობს, რომ მის მიმართ არც დადებითი და არც უარყოფითი დამოკიდებულება არ გააჩნია, 5% ამბობს, რომ არ სმენია მის შესახებ, 5% პასუხად კითხვაზე ამბობს, რომ არ იცის როგორი დამოკიდებულება აქვს.
გამოკითხულთა 20% აფასებს დადებითად ალეკო ელისაშვილს და ასევე, 20% უარყოფითად.
გამოკითხულთა 19% დადებითად აფასებს ელენე ხოშტარიას, 26% - უარყოფითად; შალვა შავგულიძეს დადებითად გამოკითხულთა 15% აფასებს და 19% - უარყოფითად; თამარ ჩუგოშვილს დადებითად გამოკითხულთა 12% აფასებს, ხოლო უარყოფითად - 20%, დავით უსუფაშვილს 18% დადებითად აფასებს, 26% - უარყოფითად; გიორგი ვაშაძეს 19% დადებითად აფასებს, 30% - უარყოფითად; ლევან ხაბეიშვილს 8% აფასებს დადებითად, 19% - უარყოფითად; ხათუნა სამნიძეს 4% დადებითად აფასებს, 16% - უარყოფითად; გიგი წერეთელს 15% დადებითად აფასებს, 28% - უარყოფითად; მამუკა მდინარაძის მიმართ დადებითი დამოკიდებულება გამოკითხულთა 14%-მა პროცენტმა გამოხატა, 29%-მა კი უარყოფითი დამოკიდებულება დააფიქსირა. სალომე სამადაშვილი გამოკითხულთა 11-მა პროცენტმა შეაფასა დადებითად, 26-მა უარყოფითად. გია ვოლსკის მიმართ გამოკითხულთა 16 პროცენტი აფიქსირებს დადებით დამოკიდებულებას, ხოლო 32% უარყოფითს. 16% აფასებს არჩილ თალაკვაძეს დადებითად, 32% - უარყოფითად; ირმა ინაშვილს 18% აფასებს დადებითად, 35% უარყოფითად; ნინო ბურჯანაძეს 17% აფასებს დადებითად, 35% - უარყოფითად; გრიგოლ ვაშაძეს 20% აფასებს დადებითად, 38% - უარყოფითად; ნიკა მელიას 19% აფასებს დადებითად, 37% - უარყოფითად; გიგი უგულავას 16% აფასებს დადებითად, 38% - უარყოფითად; ზურაბ ჯაფარიძეს 8% აფასებს დადებითად, 39 - უარყოფითად; ეკა ბესელიას 10% აფასებს დადებითად, 41% კი უარყოფითად აფასებს.
კვლევის თანახმად, გამოკითხულთა უმრავლესობა მთავრობის საქმიანობას ნეგატიურად აფასებს. გამოკითხვის შედეგების მიხედვით, კითხვაზე, როგორ შეაფასებდით არსებული მთავრობის საქმიანობას, გამოკითხულთა 64% პასუხობს, რომ ცუდად, 30% პასუხობს, რომ კარგად, ხოლო 5%-მა არ იცის კითხვაზე პასუხი.
ეროვნულ დემოკრატიული ინსტიტუტის (ND) მიერ ჩატარებული კვლევის საველე სამუშაოები 2019 წლის 19 ნოემბრიდან 13 დეკემბრის ჩათვლით მიმდინარეობდა. კვლევის ფარგლებში სულ გამოკითხა 2 180 ადამიანი. საშუალო ცდომილების ზღვარი 1,9%-ია.
მკითხველის კომენტარები /
73 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დავით ბაქრაძე ვინ არის!
მე რომელიც 18 წელია მაქაური არაფერი ვიცი ვნახე ვიდეო ვანოს სჰოუ რომ წაიყვანა ვანო ბერაბისჰვილმა. აი რეიტინგი. იქ მისული სტუმარი ყველა შიშისგან კანკალებდა და საცოდავად ძალიტ როგორ იცინოდნენ? დეპუტატ კობას ვიდეო რომ აჩვენენ წნევამ ამიწია. ის ადამიანი ცხოვრებაში სულ დაშოკილი იქნება. ასეთ მტავრობას ექნება რეიტინგი. ეხლა??ყველას რეიტინგი დაცემულია. აჯაფსანდალია.