83 წლის არიადნა შენგელაიას კინო "რუსთაველის" წინ ვარსკვლავი გაუხსნეს
ქართველ მაყურებელს განსაკუთრებულად უყვარს ფილმი "შერეკილები", სადაც მთავარ როლს უმშვენიერესი მსახიობი არიადნა შენგელაია ასრულებს. საინტერესოა ის ფაქტი, რომ ფილმში ერთადერთი ქალი პერსონაჟი სწორედ მისი გმირი - მარგალიტა ამყოლაძეა.
დღეს არიადნა შენგელაია 83 წლისაა და მის ცხოვრებაში განსაკუთრებული დღეა - ქართული და საბჭოთა კინოს ვარსკვლავს, კინოთეატრ რუსთაველის წინ ვარსკვლავი გაუხსნეს.
არიადნა შენგელაიას ვარსკვლავის გახსნამდე, მის შემოქმედებით საღამოს გრიბოედოვის თეატრმა უმასპინძლა, სადაც 13 წლის შემდეგ, პირველად წარსდგა საქართველოს სახალხო არტისტი მაყურებლის წინაშე.
ბევრმა არ იცის, რომ ძველი ბერძნული სახელის მატარებელი მსახიობი - არიადნა შენგელაია ბოლო წლებია თბილისში ცხოვრობს. მაქსიმ გორკის სახელობის კინოსტუდიის მსახიობი, თბილისში მუშაობდა კინოსტუდია "ქართულ ფილმსა" და ალექსანდრე გრიბოედოვის სახელობის თეატრში.
რამდენიმე წელი თბილისის თეატრალურ უნივერსიტეტშიც, ახალგაზრდებს სამსახიობო ხელოვნებას ასწავლიდა. გრიბოედოვის თეატრის სცენაზე, აქტიურად მონაწილეობდა სპექტაკლებში: "ცეზარი და კლეოპატრა", "ანა ფრანკის დღიური", "სამი მუშკეტერი" და სხვა. ვიდრე შერეკილებში გადაიღებდნენ, მას უკვე უამრავი როლი ჰქონდა შესრულებული საბჭოთა კავშირის მასშტაბით. ის ერთ-ერთ ყველაზე ლამაზ საბჭოთა მსახიობად მიიჩნეოდა.
ვინ არის ჯეისონ სტეტჰემის ქართველი ორეული და როგორი გოგონები მოსწონს - ნახეთ ფოტოები
სუზან ბოილი: ქალი, რომელიც ერთ დღეში გააღმერთეს, ღარიბულად ცხოვრობს - რაში დახარჯა მოგებული ფული ბრიტანული "ნიჭიერის“ აღმოჩენამ
