მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ არის წლევანდელი ზამთარი უჩვეულოდ თბილი - "შეიძლება იანვარ-თებერვალში, დასავლეთში ტემპერატურამ 20 გრადუსსაც გადააჭარბოს"
12:19 / 26-12-2019
წელს საკმაოდ თბილი და უნალექო ზამთარი გვაქვს, რამაც საქართველოს მოსახლეობა ცოტათი შეაწუხა და შეაშფოთა კიდეც. არადა, ახალი წელი კარს მოგვადგა, რომელსაც ოდნავ სიცივე და თოვლიც უხდება.
განსაკუთრებით თბილა დასავლეთ საქართველოში, მაგალითად, ბათუმში ძალიან მაღალი ტემპერატურა - 23-25 გრადუსი ფიქსირდება. ადგილობრივები ამბობენ, რომ უკვე ხეები გაიკვირტა.
"დეკემბერი სრულად უნდა გავიდეს, რომ შევაფასოთ, როგორი იყო ის კლიმატურად" - ამბობს AMBEBI.GE-სთან ინტერვიუში გარემოს ეროვნული სააგენტოს ჰიდრომეტეოროლოგიური პროგნოზების სამმართველოს უფროსი სვეტლანა ნიორაძე.
მისივე თქმით, დეკემბრის საბოლოო შედეგები როდესაც დაჯამდება, სავარაუდოდ, საშუალო მრავალწლიურ კლიმატურ ნორმასთან შედარებით ტემპერატურის დიდი ცვლილება დაფიქსირდება.
სვეტლანა ნიორაძე გვეუბნება, რომ 2010 წელს, ბათუმში +28 გრადუსი დაფიქსირდა და მსგავსი მანამდეც დაფიქსირებულა. დეკემბრისთვის ყველაზე უჩვეულო კი ის არის, რომ წელს ზამთრის ეს თვე ძალიან მშრალია.
"ყოველთვის, ნოემბრის ბოლოს მაღალმთიან რეგიოებში თოვლი დევს. შარშანაც ამ დროს მაღალმთიან რეგიონებში უკვე გახსნილი იყო საკურორტო სეზონი. წინა წლებშიც ასევე იყო. წელს რაც ხდება, ეს მართლა იშვიათობაა - თოვლის საფარი მაღალმთიან რეგიონებში არსად ფიქსირდება.
ეს ბევრი ფაქტორით არის განპირობებული. ჯერ ერთი - გლობალური დათბობით, რაც მხოლოდ ჩვენზე არ მოქმედებს, ასეა ევროპის რიგი ქვეყნები, სადაც წვიმს. წვიმს მოსკოვშიც, ახალი წლის წინ ასეთი ტემპერატურა იქ არ ახსოვთ. მოკლედ, ჩვენც ჩართულები ვართ ამ გლობალურ ქსელში, მაგრამ ასეთი გამონაკლისები ხდება და ვიმეორებ, მთლად უჩვეულო არ არის".
- რა იწვევს ამ მოვლენებს?
- ნომბერ-დეკემბერში ე.წ. ციმბირის ანტიციკლონი (მაღალი წნევის არე), რომელიც ზამთრის პერიოდში მის ცენტრში გამყარდება, იწვევს ძალიან მშრალ და ცივ ამინდს, ხოლო მის პერიფერიაზე არც ისე ცივა, რაც ჩვენზე მოქმედებს. კავკასიის მთლიანი რეგიონი უკვე მეორე თვეა, მაღალი წნევის არეში მდებარეობს. ახლა ცოტა კი შესუსტდა ამ მაღალი წნევის მოქმედება, ჩრდილოეთ-აღმოსავლეთით გადაინაცვლა და უახლოეს დღეებში ამინდის ცვლილებას დასავლეთში ველოდებით, რადგან იქ, როგორც უკვე აღვნიშნე, საკმაოდ დათბა.
დათბა აღმოსავლეთ საქართველოშიც - 17 გრადუსამდე მოიმატა ტემპერატურამ აღმოსავლეთ საქართველოს ბარში, თბილა მთაში, მაღალ მთაში, მიუხედავად იმისა, რომ ღამით შედარებით დაბალი ტემპერატურაა.
მოკლედ, 27 დეკემბრიდან დასავლეთ საქართველოში ტემპერატურის დაკლებას ველოდებით, მაგრამ ისე არა, რომ მოთოვოს. იქ უმეტესად წვიმაა მოსალოდნელი, აღმოსავლეთ საქართველოშიც იწვიმებს, ხოლო ბარში და მაღალ მთაში მოთოვს.
- 31 დეკემბერს როგორი ამინდია მოსალოდნელი?
- სავარაუდოდ, უნალექო ამინდი იქნება ახალი წლის ღამეს, დღევანდელი მონაცემებით, რასაც ვუყურებთ, არც დასავლეთში და არც აღმოსავლთში ნალექი არ უნდა იყოს, მაგრამ ცოტა დრო კიდევ არის და შეიძლება პროგნოზი შეიცვალოს. თუმცა, ტემპერატურა 27 დეკემბრის შემდეგ ცოტ-ცოტა ორივეგან (დასავლეთი, აღმოსავლეთი) დაიკლებს.
- რაც შეეხება იანვარს, რას უნდა ველოდოთ?
- თვის პროგნოზითაც და სეზონის პროგნოზით გამოგვივიდა ერთი გრადუსით მაღალი, სეზონის პროგნოზით უკვე მერამდენე წელია, საშუალო კლიმატურ ნორმაზე გადახრაა, ერთი გრადუსით მაღალია (აქ საუბარია თვის საშუალო ტემპერატურაზე).
შეიძლება თვის ცალკეულ დღეებში, იანვარ-თებერვალში, განსაკუთრებით დასავლეთ საქართველოში 20 გრადუსსაც გადააჭარბოს. იმ პერიოდში, რა თქმა უნდა, ყინვებიც მოსალოდნელია, როგორც დასავლეთში, ისე - აღმოსავლეთში.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რატომ და დიდი დათბობაა. ამას გაყვირის მთელი მსოფლიო.
ახალ წელს კი არ უხდება, ნათესებს უხდება და ხეხილს. მთელი ნათესები ჭიამ და თაგვმა გადაძოვა, ახლა ხეებიც გაიკვირტება, მერე ყინვა დაარტყამს და მომავალ წელს დავრჩებით პირში ჩალაგამოვლებული. რომ გვმოძღვრავენ ნაკვეთები არ გადაწვათო, ეს გასაგებია მაგრამ გადაუწვავ ნაკვეთებში რომ მილიარდობით ჭიის კვერცხი და თაგვის ბუდე დარჩა, იმას რა ვუწამლოთ? დარჩება გლეხი უხორბლოდ და უსაქონლოდ, ნაკვეთები ისეა გადაყვითლებული, ბალახის ნასახი არ არის და საქონელი მშიერია. რა უნდა ვჭამოთ? ხორცი 30-40 ლარი გახდება მალე კილოგრამი. რას ქვია თოვლი ახალი წელს და უხდება? მომავალი ახალ წელს აღარ გვინდა რომ მოვესწროთ? სოფლის მეურნეობას შველა უნდა. 1 ლიტრი ჭიის წამალი რომ იყიდო 120 ლარზე ნაკლები არ ღირს. რა გვეშველება?