#შექმენიშენიStory - პირველი ონლაინ რეალითი-შოუ, რომლის გამარჯვებულიც ევროპაში სილამაზის მასტერკლასზე გაემგზავრება

დღეს, როგორც არასდროს, საკუთარი თავის პრეზენტაცია ყველაზე მარტივად არის შესაძლებელი. შეგიძლია შენი უნარები საინტერესოდ წარმოაჩინო და თავი არა მხოლოდ გარშემომყოფებს, არამედ იმ მილიონობით ადამიანს გააცნო, რომელიც შენგან ძალიან შორს ცხოვრობს, მსოფლიოს სხვადასხვა ქვეყანაში. ამის გაკეთება კი სოციალური ქსელების მეშვეობით არის შესაძლებელი. თუმცა, მიუხედავად იმისა, რომ ჩვენი თვალსაწიერი ასე ძალიან გაფართოვდა, საკუთარი ინდივიდუალიზმის სწორად წარმოსაჩენად მაინც უამრავი რამის ცოდნაა საჭირო.

სწორედ ამიტომ, კომპანია Avon-მა გადაწყვიტა, მათ, ვისაც სოციალურ მედიაში თავის დამკვიდრება სურს, წარმოუდგენლად სასიამოვნო შანსი მისცეს. -0:00 უფრო კონკრეტულად, Avon-ის ორგანიზებით იწყება შოუ #შექმენიშენიStory, რომელშიც მონაწილეობის მიღება 18 წელს მიღწეულ ნებისმიერ ადამიანს შეუძლია. საჭიროა მხოლოდ მონდომება, სურვილი და ინტერესი სილამაზისა და მოდის ინდუსტრიის მიმართ.

„შექმენი შენი Story” გულისხმობს საინტერესო ადამიანების აღმოჩენას და მათთვის სილამაზესთან, თავის მოვლასთან, მოდის ტენდენციებთან და სოციალურ მედიაში პოზიციონირებასთან დაკავშირებული უნარების სწავლებას. შოუს ერთ გამარჯვებულს კი კომპანია Avon-ი ევროპაში ხელოვნების მასტერკლასით დააჯილდოებს.

როგორც პროექტის ხელმძღვანელი ნათია ზუბიაშვილი გვიყვება, შოუში მონაწილეობის მსურველებმა უნდა ატვირთონ 2-წუთიანი ვიდეო საკუთარ Facebook ან/და Instagram პროფილზე, რომლის მეშვეობით, ოთხ მენტორსა და საზოგადოებას საკუთარი თავს გააცნობენ და დაარწმუნებენ, რომ 15 შერჩეული მონაწილიდან ერთ-ერთი სწორედ ის უნდა იყოს (აღსანიშნავია, რომ ვიდეო ატვირთული უნდა იყოს ყველასთვის ხელმისაწვდომი Public ფორმატით).იმისთვის, რომ კონკურსში მონაწილეობა მიიღოთ, ვიდეო უნდა გააზიაროთ „ჰეშთეგით“ #ჩემიStory და დათაგოთ Avon-ის ოფიციალური Facebook და ოფიციალური Instagram გვერდი.

შოუს ცნობილი და გამოცდილი მენტორები ეყოლებიან: მარიამ გვასალია - დიზაინერი, თინა შალიკაშვილი - ვიზაჟის სპეციალისტი, თამუნა ბასილაძე - კანის მოვლის ექსპერტი და თეონა ჩიჩუა - ვიდეობლოგერი.

ოთხივე მენტორი შოუს 15-ვე მონაწილეს მასტერკლასებს ჩაუტარებს მაკიაჟის, სილამაზის, კანის მოვლის, მოდის ინდუსტრიის, სტილის, თანამედროვე „ინფლუენსინგისა“ და სხვადასხვა ფორმატის კონტენტის შექმნის შესახებ. მასტერკლასების შემდეგ კი მისცემენ დავალებას, რომლის შესრულების ხარისხზე იქნება დამოკიდებული შოუში მონაწილის დარჩენა.

როგორც შოუს მენტორები აღნიშნავენ, მსგავსი პროექტი, ონლაინ შოუ, საქართველოში ჯერ არ ყოფილა, განსაკუთრებით კი, სილამაზის ინდუსტრიაში. ამიტომ მასში მონაწილეობის მიღება კიდევ უფრო მეტად საინტერესოა.

„Avon-თან უკვე წლებია ვთანამშრომლობ, თუმცა კომპანიის ეს ახალი პროექტი ჩემთვის ნამდვილად უნიკალური შესაძლებლობაა, ჩემი დაგროვილი გამოცდილება გავუზიარო მონაწილეებს. რა თქმა უნდა, ჩემთვის ემოციურად ძალიან ძნელი იქნება მონაწილეებს შორის არჩევანის გაკეთება, თუმცა აუცილებლად ობიექტური ვიქნები და ვფიქრობ, რომ მათგან ყველაზე მოტივირებული, საუკეთესო და მონდომებული გაიმარჯვებს“, - აღნიშნავს ჩვენთან საუბრისას თამუნა ბასილაძე, კანის მოვლის ექპერტი.დიზაინერი მარიამ გვასალია კი გვიყვება, რომ ამ დრომდე ამგვარ პროექტში მონაწილეობა არასდროს მიუღია. ამიტომ Avon-ის შემოთავაზებაზე დათანხმება მისთვის დიდი გამოწვევა იყო.

„მიმაჩნია, რომ ძალიან საინტერესო, ლამაზი პროექტი იქნება. დღევანდელი გადმოსახედიდან, ინტერნეტსივრცე ძალიან განვითარებულია და ძალიან საინტერესო ახალგაზრდებს ბევრ შესაძლებლობას აძლევს. როცა რეალური გამომწერები გყავს, მათ იმგვარი პროდუქტი უნდა მიაწოდო, რაც მათთვის ღირებულია. ვფიქრობ, ამ პროექტის მონაწილეები რაღაც ახალს ისწავლიან, ახალს გააკეთებენ. შესაბამისად, კარგ გამოცდილებასაც მიიღებენ და მათი გვერდები სოციალურ მედიაში უფრო მეტად საინტერესო და მომგებიანი გახდება“, - განმარტავს მარიამ გვასალია.თინა შალიკაშვილიც შოუს ერთ-ერთი მენტორია. ის საუკეთესო მაგალითია იმისა, თუ როგორ შეიძლება გამოიყენო სოციალური მედია კარიერული წინსვლისა და განვითარებისათვის.

„ვფიქრობ, პირველ რიგში, თავად მივიღებ ძალიან დიდ გამოცდილებას და გავიცნობ ბევრ საინტერესო ადამიანს. ასევე, ეს შესაძლებლობაა, სხვებსაც გავაცნო საკუთარი თავი, ვისაც აქამდე ჩემ შესახებ არ სმენიათ. მონაწილეები ძალიან მოკლე დროში ჩემი დახმარებით ისწავლიან მაკიაჟის ტენდენციებს და მიიღებენ ისეთ ცოდნას, რომელიც ძალიან გამოადგებათ“, - აღნიშნა მან.შოუს სხვა მენტორების მსგავსად, თეონა ჩაჩუა, ერთ-ერთი ყველაზე პოპულარული ქართველი ვიდეობლოგერი, გვიყვება, რომ ძალიან მნიშვნელოვანია საჭირო უნარების იმ ადამიანებისთვის გაზიარება, ვინც სოციალურ მედიაში პოზიციონირებას ახლა იწყებს. Avon-მა კი მათ ეს რეალური შანსი მისცა.„მე რომ ვიწყებდი, ზუსტად ის დრო მახსენდება. ვაპირებ, კონკურსანტებს ვასწავლო, სოციალურ მედიაში როგორ შეუძლიათ თავიანთი საქმიანობა, თავიანთი გამოცდილება გაუზიარონ ხალხს.

ყველაზე მნიშვნელოვანია, რომ კონკურსანტებში თავდაჯერებულობა გავზარდო. პირველი ნაბიჯის გადადგმა ყველაზე რთულია. ამიტომ მე მინდა, დავაჯერო მონაწილეებს, რომ გამბედავი უნდა იყო და ყველაფერი შესაძლებელია“, - თქვა მან.აღსანიშნავია, რომ Avon-ის მიერ ორგანიზებულ შოუში #შექმენიშენიStory ვიდეოების მიღება უკვე დაიწყო. მათი გაზიარების ბოლო ვადა კი 20 დეკემბერი, 18:00 საათია. ასე რომ, ვისაც გსურთ გახდეთ მონაწილე, გაბედეთ, გადადგით ეს ნაბიჯი, რადგან წინ საოცარი შესაძლებლობები გელოდებათ.