მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჩემი მონაწილეობით მსგავსი შეხვედრა არ ყოფილა - მეუფე გრიგოლი მეუფე იაკობის განცხადებაზე
19:18 / 27-10-2019
ჩემი მონაწილეობით მსგავსი შეხვედრა არ ყოფილა. მე ვერ ვიტყვი, მეუფე იაკობი სიმართლეს ამბობს თუ ნახევარ სიმართლეს. ეს მან იცის და მას უნდა ჰკითხოთ. მას უნდა ჰკითხოს ალბათ, სინოდმა, - ამის შესახებ ფოთისა და ხობის მიტროპოლიტმა გრიგოლმა განაცხადა. მისი თქმით, ეს მნიშვნელოვანი თემაა და განხილვის საგანი უნდა გახდეს.
„მას უნდა ჰკითხოს ალბათ, სინოდმა, რადგან ეს არის ძალიან მნიშვნელოვანი თემა და ბუნებრივია, როდესაც საკითხი ეხება ასეთ დანაშაულებრივ ქმედებას, რაზეც საუბარია, ალბათ, უნდა დადგეს დღის წესრიგში და იყოს განხილვის საგანი. მეუფე იაკობის განცხადებას სინოდი შეაფასებს, თუ მიიჩნევს მსჯელობის ღირსად ამ თემას“, - განაცხადა მეუფე გრიგოლმა.
რაკი მღდელმთავარმა ასეთი განცხადება გააკეთა, ალბათ, დაინტერესდება ყველა, ვისაც ეს ეხება, მაგრამ უპირველესად, უნდა დაინტერესდეს წმინდა სინოდი, - ამის შესახებ ფოთისა და ხობის მითროპოლიტმა გრიგოლმა ჟურნალისტების კითხვაზე, უნდა დაინტერესდეს თუ არა პროკურატურა მეუფე იაკობის განცხადებით, პასუხად განაცხადა.
მისი თქმით, ეკლესიასთან დაკავშირებული პრობლემები სხვა სივრცეში მსჯელობით ვერ გადაწყდება.
"რაკი მღდელმთავარმა ასეთი განცხადება გააკეთა, ალბათ, დაინტერესდება ყველა, ვისაც ეს ეხება, მაგრამ უპირველესად, უნდა დაინტერესდეს წმინდა სინოდი. ეს არის ის ადგილი ის ერთობა, ის შეკრება, ის ერთადერთი ადგილი, სადაც უნდა გადაწყდეს ნებისმიერი პრობლემა და განხილული იყოს ნებისმიერი საკითხი, რაც ეკლესიის მოწყობას, მის კეთილდღეობას თუ გარკვეული პრობლემების დაყენებას და მათზე მსჯელობას ეხება. სხვაგან - არც მედიაში, საზოგადოებრივ სივრცეში ეს საკითხები, რაც არ უნდა ბევრი იყოს მათზე მსჯელობა, არ გადაწყდება და ვერ გადაწყდება... ჩვენ ვხედავთ, როგორ იღვრება არაერთი ინფორმაცია მედიასივრციდან, ჭორ-მართალი ერთმანეთშია არეული, რაც ძალიან ცუდ გავლენას ახდენს საზოგადოებრივ ცხოვრებაზე და გარკვეულწილად ხელს უწყობს ეკლესიის ავტორიტეტის რყევას და ზიანს აყენებს მას“, - განაცხადა მეუფე გრიგოლმა.
ჟურნალისტების კითხვაზე, იყო თუ არა ხელისუფლება „ციანიდის საქმეში“ ჩართული, მეუფე გრიგოლმა განაცხადა, რომ ვერაფერს იტყვის.
„მე ამაზე ვერ გეტყვით, ადრეც მქონდა ამ საკითხთან დაკავშირებით გამოთქმული აზრი. ძალიან ძნელია იმის თქმა, ვინ იყო დაინტერესებული. ჩვენ უნდა ვკითხოთ იმ ადამიანებს, ვისაც პირდაპირი ან ირიბი შეხება ჰქონდა. ვიცით, რომ გაიმართა სასამართლო პროცესი, მაგრამ მაინცდამაინც სასამართლომ დიდი სანდოობა ვერ დაიმსახურა საზოგადოებაში და დატოვა კითხვის ნიშნები და როგორც ჩანს, ეს საკითხი კიდევ დიდხანს იქნება დღის წესრიგში. საერთოდ საკითხი, რომელიც პრობლემურია, უნდა დადგეს ეკლესიის დღის წესრიგში და ის მღდელმთავართა მსჯელობის საგანი უნდა იყოს. . ჩვენ ვხედავთ, როგორ იღვრება არაერთი ინფორმაცია მედიასივრციდან, ჭორ-მართალი ერთმანეთშია არეული, რაც ძალიან ცუდ გავლენას ახდენს საზოგადოებრივ ცხოვრებაზე და გარკვეულწილად ხელს უწყობს ეკლესიის ავტორიტეტის რყევას და ზიანს აყენებს მას,“- განაცხადა მეუფე გრიგოლმა.
ცნობისთვის, ბოდბელმა ეპისკოპოსმა, მეუფე იაკობმა განაცხადა, რომ გიორგი გახარია, გიორგი კვირიკაშვილი და ვახტანგ გომელაური სთავაზობდნენ პატრიარქის გადაყენებას. მეუფე იაკობის ინფორმაციით, მსგავსი შეხვედრები გაიმართა სხვა მეუფეებთანაც.
"პირველი მე ვიყავი მაგ შეხვედრაზე, მერე იყო მეუფე თეოდორე, მერე - მეუფე გრიგოლი და მეუფე პეტრე. მეუფე პეტრეს კვირიკაშვილი არ შეხვდა, შეხვდნენ გახარია და გომელაური", - განაცხადა მეუფე იაკობმა.
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
