ბანგლადეშში, სადაც 19 წლის გოგო ცოცხლად დაწვეს, საქმეზე ბრალდებულ 16 ადამიანს სიკვდილით დასჯიან

სამხრეთ ბანგლადეშის სასამართლომ, 19 წლის გოგოს ცოცხლად დაწვის გამო, 16 ადამიანს სიკვდილით დასჯა მიუსაჯა.

შეგახსნებთ, 19 წლის გოგომ, ნუსრან რაფიმ ისლამური სკოლის მასწავლებელი სექსუალურ ძალადობაში დაადანაშაულა, რის შემდეგაც მას ადამიანთა ჯგუფი თავს დაესხა და ცოცხლად დაწვა.

• დირექტორმა აღიარა, რომ მოსწავლის სიკვდილი მან დაუკვეთა - გოგონას ცოცხლად დაწვის გამო, შესაძლოა, 16 ადამიანი სიკვდილით დასაჯონ
• ბანგლადეშში, სადაც 19 წლის გოგონა ცოცხლად დაწვეს, 15 პირი, მათ შორის სკოლის დირექტორიც დააკავეს

საქმის მთავარი პროკურორის თქმით, ეს სამართლიანი გადაწყვეტილებაა და ბანგლადეშში სამართლის აღსრულებას ვერავინ გაექცევა.

ნუსრან რაფის ძმა, მაჰმუდულ ჰასანი მედიასთან აცხადებს, რომ ის განაჩენით „ბედნიერია“. „მათ ყველამ მიიღეს ამ დანაშაულში მონაწილეობა. ახლა ამის შედეგს იმკიან,“ - განაცხადა ჰასანმა.

აღსანიშნავია, რომ მასწავლებელი, რომელზეც ნუსრან რაფი საუბრობდა, სიკვდილმისჯილთა შორისაა. მან უარყო მკვლელობაში მონაწილეობის მიღება, თუმცა 12 მოწმე აცხადებდა, რომ ის გოგონას დაწვის დროს იქ იმყოფებოდა.

ნუსრან რაფის მკვლელობამ ბანგლადეშში მთელი ქვეყნის მასშტაბით საპროტესტო აქციები გამოიწვია. მოგვიანებით, პრემიერმა, სეიხ ჰასინმა პირობა დადო, რომ საქმე უმოკლეს ვადებში იქნებოდა გამოძიებული.