პრინცს და ეპშტეინს ორგია 9 არასრულწლოვან გოგონასთან ერთად ჰქონდათ - სამეფო ოჯახში სკანდალი გრძელდება

პრინცმა ენდრიმ და პედოფილიაში ბრალდებულმა ჯეფრი ეპშტეინმა კარიბის ზღვაში მდებარე კუნძულზე ცხრა გოგონასთან ერთად ორგია გამართეს, ამის შესახებ Channel 4-ის დოკუმენტურ მასალაშია აღნიშნული.

ინფორმაციას ბრიტანეთის დედოფლის შვილი კატეგორიულად უარყოფს.

პრინცი ენდრიუ სკანდალში პირველად 2015 წელს გაეხვა, როდესაც ვირჯინია რობეტსმა ამერიკელი ფინანსისტის, ჯეფრი ეპშტეინის წინააღმდეგ სასამართლოში სარჩელი შეიტანა. რობერტსი ამტკიცებს, რომ ამერიკელი ფინანსისტი აიძულებდა, მის მდიდარ და ცნობილ მეგობრებთან სექსი ჰქონოდა, მათ შორის იყო პრინცი ენდრიუც.

Channel 4-ის მასალების მიხედვით, ვირჯინია ერთ-ერთი იყო იმ ცხრა გოგონას შორის, ვისთანაც პრინცს სექსი ჰქონდა. ორგიის შესახებ რობერტსი სასამართლოში წარდგენილ მასალაში ჰყვება.

„მესამედ სექსი ენდისთან ეპშტეინის კუნძულზე მქონდა, ორგიის დროს. დაახლოებით 18 წლის ვიყავი.

ეპშტეინს, ენდის და დაახლოებით ცხრა გოგოს გვქონდა სექსი ერთად. გოგონები 18 წელზე ნაკლების იყვნენ და ინგლისურად არ საუბრობდნენ,“ - აღნიშნავს ვირჯინია.

დოკუმენტური ფილმის მიხედვით, პრინცი ენდრიუ 12 წლიანი მეგობრობის განმავლობაში სულ მცირე 10-ჯერ შეხვდა ჯეფრი ეპშტეინს და მასთან რამდენიმე დღის განმავლობაში რჩებოდა ხოლმე.

ეპშტეინი საკანში გარდაცვლილი აგვისტოში იპოვეს. მან თავი მოიკლა. ამერიკელი მილიარდერის საქმეში, პრინცი ენდრიუს გარდა, უამრავი ცნობილი ადამიანი ფიგურირებს.

Town & Country წერს, რომ პრინცის კავშირებს ეპშტეინთან ახლა აშშ-ს გამოძიების ფედერალური ბიურო (FBI) სწავლობს.