რუსი ტურისტი ტაილანდელმა "გამოქვაბულის კაცმა" მოხიბლა

ტაილანდელი მამაკაცი ჩატუფუმ ლოსირი, რომელიც ზღვის სანაპიროზე, გამოქვაბულში ცხოვრობს, დასავლელი ქალების გულს ხშირად იპყრობს და რომანტიკულ თავგადასავლებს სოციალურ ქსელებში აზიარებს. „დეილი მეილი“ წერს, რომ „გამოქვაბულის კაცმა“ ამჯერად რუსი გოგონა მოხიბლა. ფოტოები ლოსირიმ „ფეისბუქზე“ თავად გამოაქვეყნა.

48 წლის „ქალების გულთამპყრობელი“ სოციალურ ქსელში რუს ტურისტთან შეხვედრას დეტალურად აღწერს.

„დღეს მოტოციკლით მივდიოდი გამოქვაბულში, უცებ - დავინახე ქალი, ლამაზი, მომხიბვლელი მზერით, გზას მოპირდაპირე მხრიდან მოუყვებოდა. გავაჩერე მოტოციკლი და ვუთხარი, რომ სახლში მივდიოდი, თუმცა მისმა სილამაზემ გზის გაგრძელების საშუალება არ მომცა. ვუთხარი, რომ უნდა დავლაპარაკებოდი და გამეგო, თუ შინაგანადაც ასეთივე ლამაზია,“ - წერს ლოსირი.

ტაილანდელი მამაკაცისა და ტურისტის ურთიერთობა გამოქვაბულში გაგრძელდა, თუმცა ლოსირი ამტკიცებს, რომ გოგონასთვის არც კი უკოცნია.

პოსტი ატვირთვის შემდეგ 9 ათასზე მეტმა ადამიანმა გააზიარა და ათასობით კომენტარი დაწერეს. „ფეისბუქის“ მომხმარებლების ნაწილი „გამოქვაბულის კაცს“ რომანტიკოსს უწოდებს, ნაწილი კი ფიქრობს, რომ გოგონების მიმართ მისი დამოკიდებულება საშიშია.

რუსი ტურისტის ამბის გაზიარებიდან რამდენიმე დღის შემდეგ ლოსირიმ ატვირთა შიშველი ქალის ფოტო, რომელიც მის გამოქვაბულშია გადაღებული. ის ამტკიცებს, რომ სურათზე რუსი ტურისტი არ არის და ქალი მისი „ერთ-ერთი საყვარელია“.