ახალი ბაღი და ბარ-რესტორანი ”აზურა” თბილისის ცენტრში

ზაფხული, მზე, აუზი, დასვენება, განტვირთვა... ღია ცის ქვეშ, სუფთა და სასიამოვნო ჰაერზე გასვლის მოთხოვნილება ზაფხულის მოახლოებასთან ერთად უფრო და უფრო მატულობს. ადამიანები ეძებენ ადგილებს, სადაც რთული და დამღლელი სამუშაო დღის შემდეგ დაისვენებენ და დროს სასიამოვნოდ გაატარებენ. 1 მაისიდან ამის შესაძლებლობას ბაღი და ბარ-რესტორანი ”აზურა” გთავაზობთ. „აზურა“ სასტუმრო ”ბილტმორ თბილისში” მდებარეობს და თბილისელებისთვის უკვე კარგად ცნობილი ბილტმორის აუზის მიმდებარედაა განთავსებული.

გამწვანების იდეა 2017 წელს გაჩნდა და მალევე დაიწყო მასზე მუშაობა. აუზის მიმდებარე ტერიტორიაზე გახსნიდანვე არსებობდა ღია სივრცე, სადაც თბილ ამინდში შეზლონგები, ჰამაკები და შადრევნები იყო განლაგებული. 2017 წელს კი სასტუმროს მენეჯმენტმა სტუმრებისთვის ქალაქის ცენტრში ვიზუალურად სასიამოვნო და ამასთანავე, ჯანსაღი გარემოს შექმნა გადაწყვიტა. იდეის მთავარი მიზანი იყო ისეთი სივრცის მოწყობა, სადაც სტუმარი ქალაქის ცენტრში თავს ქალაქიდან მოშორებით იგრძნობდა. გადაწყდა აუზის გამწვანებით შემოფარგვლა, რაც სტუმარს ხმაურიანი ქუჩიდან მოწყვეტდა. აღსანიშნავია, რომ მსგავსი გამწვანება და ლანდშაფტის დიზაინი თბილისში არც ერთ სასტუმროს არ აქვს.

ლანდშაფტის დიზაინი საკმაოდ დიდხანს იგეგმებოდა. ის სასტუმროს და ქალაქის სპეციფიკასა და ასევე ლანდშაფტის დიზაინის უახლეს ტრენდებს ითვალისწინებს. ბაღში განლაგებულია შადრევნები და „ბილტმორ თბილისის“ ახალი ბარ-რესტორანი „აზურა“, რომელიც სტუმრებს ბურგერების, პიცისა და სალათების დიდ არჩევანს სთავაზობს.

რაც შეეხება, „ბილტმორ თბილისის“ აუზს, ის თბილისელებისთვის გახსნის დღიდანვე საინტერესო გახდა. ცენტრალური ადგილმდებარეობა, ლუქს კლასის მომსახურება და ინტერიერი, აკვა აერობიკის გაკვეთილები და რაც მთავარია, ასეთი მაღალი დონის სპა ცენტრისთვის მისაღები ფასები - სწორედ ესაა აუზის წარმატების რამდენიმე კონკრეტული მიზეზი. მისი კიდევ ერთი უპირატესობა ინტერიერის სეზონურობაა. აუზი ნებისმიერ ამინდში კომფორტული და ხელმისაწვდომია, რადგან ზაფხულის პერიოდში ღიაა, ხოლო ზამთრის სეზონზე გადახურული. მთავარი ხიბლი კი ისაა, რომ აუზის კედლები და ჭერი შუშისაა. გამჭვირვალე ჭერის გამო სტუმარი ზამთარშიც კი ვერ გრძნობს, რომ აუზი გადახურულია.

ახალი ბაღი, ბარ-რესტორანი ”აზურა” და სპა ერთიანი კომპლექსია, რაც მაქსიმალური კომფორტულობის გარანტიაა. ყველაფერი ერთმანეთთანაა დაკავშირებული და მარტივად ხელმისაწვდომია. სპას საწევროს მფლობელთათვის კი „აზურაში“, ისევე როგორც სასტუმროს ყველა ბარ-რესტორანში, 15%-იანი ფასდაკლება მოქმედებს.

R