მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მამუკა ხაზარაძე - "სოსიეტე ჟენერალი" ბაზრიდან არ გადის
12:48 / 12-09-2016
"სოსიეტე ჟენერალი" ბაზრიდან არ გადის, ის "თიბისი ბანკის" აქციების 5.4%-ის მფლობელი ხდება, - ამის შესახებ დღეს გამართულ პრესკონფერენციაზე "თიბისი ბანკის" სამეთვალყურეო საბჭოს თავმჯდომარემ მამუკა ხაზარაძემ განაცხადა.
როგორც ხაზარაძემ განაცხადა, აღნიშნულ გარიგებაზე ბანკის მენეჯმენტი წელიწადნახევრის განმავლობაში მუშაობდა. საკმაოდ რთული და ხანგრძლივი მოლაპარაკებების შედეგად გარიგება წარმატებით დასრულდა და "თიბისი ბანკი" "ბანკ რესპუბლიკას" აქციებს ყიდულობს.
"სოსიეტე ჟენერალი" დარჩა "თიბისი ბანკის" აქციონერად. ის ხდება "თიბისი ბანკის" აქციების დაახლოებით, 5.4%-ის მფლობელი. ამით მოხდა საკმაოდ სერიოზული ორი ბანკის - "თიბისი ბანკისა" და "ბანკ რესპუბლიკას" კონსოლიდირება. ჩვენ მივაღწიეთ შეთანხმებას, რომ ვიქნებით "სოსიეტე ჟენერალის" ოფიციალური წარმომადგენლები და პარტიორები საქართველოში. ეს არის ყველაზე დიდი გარიგება ქართულ საბანკო ისტორიაში და ამით "თიბისი ბანკი" უახლოეს ხანში გადავა 250 ყველაზე მსხვილი კომპანიის რიცხვში ლონდონის ბირჟაზე", - განაცხადა მამუკა ხაზარაძემ.
თავის მხრივ, "თიბისი ბანკის" გენერალურმა დირექტორმა ვახტანგ ბუცხრიკიძემ აღნიშნა, რომ ის პროფესიონალები, ვინც "ბანკ რესპუბლიკაში" მუშაობენ, "თიბისი ბანკის" გუნდს კიდევ უფრო გააძლიერებენ.
მისივე თქმით, აღნიშნული ტრანზაქციის შედეგად "თიბისი ბანკი" ბაზარზე დეპოზიტებისა და სესხების მიხედვით ნომერ პირველი ბანკი ხდება. "ეს მოგვცემს საშუალებას გავზრდოთ ჩვენი მასშტაბები, ეფექტურობა და ჩვენს კლიენტებს უფრო უკეთესი მომსახურება და დაბალი საპროცენტო განაკვეთი შევთავაზოთ", - განაცხადა ბუცხრიკიძემ.
გარდა ამისა, "თიბისი ბანკის" სამეთვალყურეო საბჭოს თავმჯდომარის მოადგილემ ბადრი ჯაფარიძემ აღნიშნა, რომ ამ გარიგების შედეგად არ მცირდება კონკურენტული გარემო. მისივე თქმით, "თიბისი ბანკს" "ბანკ რესპუბლიკის" შეძენით გაუიაფდება რესურსი და აღნიშნული გარიგება გამოიწვევს ცვლილებებს მხოლოდ პოზიტიური კუთხით.
დღევანდელ პრესკონფერენციაზე ცნობილი გახდა, რომ "თიბისი ბანკმა" შეიძინა "პროგრესბანკის" აქტივების (108 მილიონი ლარი) და პასივების (108 მილიონი ლარი) შერჩეული ნაწილი. გარდა ამისა, მიმდინარეობს მოლაპარაკებები ერთ-ერთი ქართული ბანკიდან შესაბამისი პორტფელების შეძენაზე, თუმცა რომელი ბანკია ეს, ამ ეტაპზე "თიბისი ბანკში" არ აკონკრეტებენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
