მარიამ ხორგუაშვილი და ლაშა კალანდაძე შერიგდნენ

ორი წლის წინ ინტერენეტში მათი ქორწილის ფოტოები გავრცელდა, რამაც მათ ქვეყნის "ყველაზე ლამაზი წყვილის სტატუსი" და პოპულარობა მოუტანა. გასული წლის შემოდგომაზე ლაშა კალანდაძე და მარიამ ხორგუაშვილი ერთმანეთს დაშორდნენ. ლაშა ქობულეთის "შუქურას" ფეხბურთელი გახლდათ, მარიამი - "იმიჯ ცენტრის" მოდელი. მარიამმა სამოდელო კარიერაზე უარი ოჯახის შექმნის შემდეგ თქვა. ბავშვის დაბადებიდან ცოტა ხანში წყვილმა "ფეისბუქის" გვერდი გააუქმა და საერთო პროფილით სარგებლობდა.

დაშორების შემდეგ ლაშამ სოციალურ ქსელში ახალი ანგარიში შექმნა, სადაც მხოლოდ პატარა დემეტრეს რამდენიმე ფოტო ედო.

ამ დღეებში მარიამმა "ინსტაგრამის" პირად გვერდზე ლაშასთან ერთად გადაღებული ახალი ფოტოები განათავსა. Ambebi.ge-ს წყაროს ინფორმაციით, წყვილი შერიგდა და შეხვედრები განაახლა.

ახალმა ამბავმა სოციალური ქსელების მომხარებლები გაახარა, კომენტარების სახით უამრავი მილოცვა ვრცელდება.

იხილეთ ასევე: რას ყვება საკუთარ სიყვარულზე ულამაზესი წყვილი, რომელმაც სრულიად საქართველო აალაპარაკა