შს სამინისტრო ხონში მკვლელობის ფაქტს არ ადასტურებს

შინაგან საქმეთა სამინისტრო ხონში მკვლელობის ფაქტს არ ადასტურებს. როგორც "ინტერპრესნიუსს" შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, მკვლელობას ადგილი არ ჰქონია, თუმცა უწყებაში არ აკონკრეტებენ, თუ რა მოხდა რეალურად.

"ინტერპრესნიუსის" კორესპონდენტი ადგილიდან იუწყება, რომ ხონის რაიონის ტერიტორიაზე მკვლელობა მოხდა, რის შემდეგაც სავარაუდო დამნაშავეებმა ცხედარი მდინარე გუბისწყალში გადააგდეს. შემთხვევის ადგილზე მობილიზებულია პოლიცია და იმერეთის საგანგებო სიტუაციების სამსახურის მაშველები, რომლებიც მდინარეში ცხედარს ეძებენ.