მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სანდრო გირგვლიანის საქმეზე ლევან ბუხაიძე დაიკითხა
12:05 / 04-06-2014
სანდრო გირგვლიანის საქმეზე საქალაქო სასამართლოში მიმდინარე პროცესზე საქმის მთავარი მოწმე ლევან ბუხაიძე დაიკითხა. დაკითხვა საათზე მეტხანს გაგრძელდა. მან სასამართლოს წინაშე გაიხსენა ის ღამე, რომლის შემდეგაც მისი მეგობარი სანდრო გირგვლიანი არ უნახავს.
როგორც ბუხაიძემ აღნიშნა, "შარდენბარში" სანდროსთან ერთად ყავის დასალევად მივიდა 27 იანვარს, ღამით. "როდასაც ბარში შევედით, მე ხელის დასაბანად შევედი, სანდრო კი - დარბაზში. შემდეგ მეც დარბაზში შევედი და დავინახე, რომ სანდრო ერთ გოგოს ესაუბრებოდა ჩაკუზულ მდგომარეობაში. მე თავისუფალ მაგიდასთან დავჯექი. ცოტა ხანში სანდროც მოვიდა. კიდევ ცოტა ხანში კი ჩვენს მაგიდასთან მოპირდაპირე მაგიდიდან ერთ-ერთი გოგონა გადმოჯდა. ეს იყო თათია, სანდროს მეგობარი. ბარში ტამტამებს უკრავდნენ და, შესაბამისად, ხმაურში ვერ გავიგე, რაზე საუბრობდნენ, თუმცა, ისინი ერთმანეთს აგრესიულად უხსნიდნენ რაღაცას. მახსოვს, რომ სანდრომ შეიგინა, თუმცა არა თათიას მიმართ. შემდეგ მოპირდაპირე მაგიდიდან კიდევ ერთი გოგონა ადგა, თათიასთან მოვიდა და ჰკითხა, ხომ მშვიდობააო, თათიამ უთხრა, მშვიდობააო", - აღნიშნა ლევან ბუხაიძემ.
მისი თქმით, მოპირდაპირე მაგიდასთან 6-7 პირი იჯდა, მათ შორის, ვანო მერაბიშვილის მეუღლე თაკო სალაყაია, დათა ახალაია, მერაბ სანოძე, ოლეგ მელნიკოვი და გურამ დონაძე.
ამასთან, ლევან ბუხაიძე იხსენებს, რომ "შარდენბარიდან" გამოსვლის შემდეგ ლესელიძის ქუჩიდან თავისუფლების მოედნის მიმართულებით, სანდროსთან ერთად მიდიოდა ტაქსის გასაჩერებლად, როდესაც ლესელიძის კუთხეში ვერცხლისფერი "ემელის" "ჯიპი" გაჩერდა. ორი ადამიანი გადმოვიდა და გირგვლიანი და ბუხაიძე მანქანაში შეაგდო. "მაშინ ჩემთვის უცნობი იყო ვინ იყვნენ ეს ადამიანები. გვითხრეს, თანამშრომლები ვართო. წაგვიყვანეს, წინააღმდეგობა არ გაგვიწევია. წინ იჯდა გია ალანია. გვითხრეს, ჯიბეში გაქვთ თუ არა რამეო. ამოგვაღებინეს მობილური ტელეფონები და საბუთები, რომელიც ალანიამ "ბარდაჩოკში" ჩაყარა. შემდეგ მივყავდით გაურკვეველი მიმართულებით, ოქროყანის მიმართულებით. სანდრომ დასვა კითხვა, რომ განყოფილება ამ მიმართულებით არ არსებობდა და სად მივყავდით, რა დროსაც მას მუცელში ხელი ჩაარტყეს. შემდეგ მე ვიკითხე. თუმცა გვეუბნებოდნენ, რომ როდესაც მივალთ, ყველაფერს გაიგებთო", - განაცხადა ბუხაიძემ.
სასამართლოსთვის მიცემულ ჩვენებაში იგი ყვება, რომ საბოლოოდ "ემელის" ტიპის ავტომობილით ისინი აიყვანეს ოქროყანის სასაფლაოსთან, სადაც ცალ-ცალკე დაუწყეს ცემა. შემდეგ კი გაიგო გასროლის ხმა და ადგილზე მყოფების საუბარი. "5-10 წუთის განმავლობაში გვცემდნენ, შემდეგ ვიღაცამ თქვა, რომ სანდრო გაიქცა. ალანიამ კი უპასუხა, რომ იმიტომ გაიქცა, რომ ს...ბი ხართო. გაქცეული სანდრო არ დამინახავს, გავიგე ხრიალის ხმა. ცოტა ხანი იყო პაუზა, შემდეგ კი იქ მყოფებმა ტანსაცმელი გამხადეს, საცვლების ამარა დამტოვეს და მითხრეს, მიხვდებით, ეს რატომაც დაგემართათო", - განაცხადა ლევან ბუხაიძემ.
მისი თქმით, დაინახა, რომ იმ პირებმა, ვინც ის და გირგვლიანი გაიტაცეს, ორი ავტომობილით დატოვეს ოქროყანის ტერიტორია. ლევან ბუხაიძე ამბობს, რომ ამის შემდეგ შეძლო გადაადგილება და ერთ-ერთ ბენზინგასამართ სადგურზე შევიდა, სადაც დილამდე იმყოფებოდა. მხოლოდ დილით მოახერხა პოლიციაში დარეკვა. ამის შემდეგ ბუხაიძე იხსენებს, რომ როდესაც საქმის გამოძიება დაიწყო, მასზე არაერთხელ განხორციელდა მუქარა. კერძოდ, გამოძიება ამბობდა, რომ 4 პირი დააკავეს მათი გატაცების საქმეზე. "დამიკავშირდა გამომძიებელი, მთხოვა მისვლა. მივედი და მითხრეს, რომ 4 პირია დაკავებული და უნდა ამოიცნოო. ამოცნობის პროცედურა პროკურატურაში ხდებოდა. ამოვიცანი ალანია, ღაჭავა და აფციაური. ხოლო ბიბილურიძის ამოცნობა ვერ მოვახერხე. ორი დღის შემდეგ ისევ დამიკავშირდნენ, როცა ყველაფერი უკვე გარკვეული იყო და მითხრეს, რომ კიდევ ერთი ამოცნობა იყო საჭირო. საუბარია მელნიკოვზე, მივედი და გამაფრთხილეს, რომ მელნიკოვი ამ საქმეში არ ფიგურირებდა და თუკი მაინც ამოვიცნობდი, ჩემს მიმართ აღიძვრებოდა სისხლის სამართლის საქმე. ეს იყო მუქარა", - განაცხადა ლევან ბუხაიძემ. მისი თქმით, ამ პროცესებში დააკავეს კიდეც დანაშაულის დამალვის ბრალდებით. თუმცა მტკიცებულებების არარსებობის გამო მალევე გაათავისუფლეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
