თბილისის უბნები, რომელიც ძლიერმა წვიმამ დააზიანა

ქარისა და ძლიერი წვიმის გამო, თბილისის საგანგებო და გადაუდებელ სიტუაციათა სამსახურში 20-მდე გამოძახება დაფიქსირდა.

როგორც "ინტერპრესნიუსს" აღნიშნული სააგენტოდან აცნობეს, თბილისში რამდენიმე ხე წაიქცა. ასევე რამდენიმე ადგილას საჭირო გახდა წყლის ამოტუმბვა. კერძოდ, სამაშველო ბრიგადები აწყურის, ცოტნე დადიანის ქუჩებზე, მშრალ ხიდთან, კოლმეურნეობის მოედანზე, თემქაზე და სხვა ადგილებში გავიდნენ. შემთხვევების შედეგად არავინ დაშავებულა.

"ინტერპრესნიუსი"