თებერვლის ასტროლოგიური პროგნოზი მერწყულისთვის - "რომანტიკული თავგადასავალი კარდინალურად შეგცვლით"

ზედმეტი დრამატიზებით ცხოვრებას მხოლოდ გაირთულებთ. მსუბუქად შეხედეთ ზოგიერთ მოვლენას. თუ ყველაფერს წესების შესაბამისად არ აკეთებთ, ნუ განაწყენდებით, ზოგჯერ ასე უფრო საინტერესო შედეგს მიიღებთ.

პირველი დეკადის მერწყულები ონლაინ რომანს გააჩაღებენ. სასურველია, თავად გამოავლინოთ ინიციატივა. მეორე და მესამე დეკადის მერწყულებმა მეტი დრო უნდა დაუთმოთ უძრავ ქონებასთან დაკავშირებული საკითხების მოგვარებს. ახლა უნდა გააუმჯობესოთ იმ მეგობრებთან კავშირები, რომლებიც მატერიალური საკითხების მოგვარებაში დაგეხმარებიან.

თებერვალში უამრავი სიანტერესო ადამიანის გაცნობა გელით. ძირითადად, ადამიანებს მოგზაურობის ან მგზავრობის დროს გაიცნობთ. კარგი თვეა სწავლისთვის, ახალი გამოცდილების მისაღებად, ჩაეწერეთ თქვენთვის საინტერესო კურსებზე.

თვის დასაწყისში ინტუიციაზე დაყრდნობით უნდა იმოქმედოთ. მეექვსე გრძნობა დაგეხმარებათ თaვი აარიდოთ მოშურნეებს და იმ ადამიანებს, რომლებიც ცდილობენ ხელი შეგიშალონ წარმატების მიღწევაში.

თვის ბოლოს მანდილოსანი მერწყულები გადაწყვეტენ, კარდინალურად შეიცვალონ გარეგნობა. თმის შეღებვაც კი გაგიუმჯობესებთ განწყობას, გაგაახალგაზრდავებთ. ამასთანავე, მოერიდეთ სხვების აგიტირებას, რომ მათაც იგივე გააკეთონ, ის, რაც თქვენ გიხდებათ და გამოგარჩევთ მასისგან სხვისთვის შეიძლება მიუღებელი გამოდგეს.

• სიყ­ვა­რუ­ლი და ოჯა­ხი

როგორი დაღლილი არ უნდა იყოთ სამსახურში, გახსოვდეთ, რომ თქვენი პარტნიორი უფრო მნიშვნელოვანია და ეცადეთ, მასთან არ გაიფუჭოთ დამოკიდებულება. დაეხმარეთ საყვარელ ადამიანს საოჯხო საქმეების შესრულებაში. შეიძლება რაღაც მომენტში, მისთვის ფსიქოლოგად და დამხმარედაც კი იქცეთ. უნდა გამონახოთ მისთვის საჭირო სიტყვები და სწორად შერჩეული ტონით ესაუბროთ. თებერვალი კარგი თვეა უძრავ ქონებასთან დაკავშირებული საკითხების მოსაგვარებლად. საქორწინო ხელშეკრულების გასაფორმებლად.

მარტოხლებს თაყვანისმცემლებისგან საჩუქრები და ყურადღება არ მოაკლდებათ. ზოგიერთი ვნებიან რომანსაც გააჩაღებს. რომანტიკული თავგადასავალი კარდინალურად შეგცვლით. გარშემო მყოფებთან მეტად ტაქტიკური და მეგობრული უნდა იყოთ.

• სამ­სა­ხუ­რი და ფი­ნან­სე­ბი

თვის დასაწყისსა და შუაში დაგეგმეთ საქმიანი შეხვედრები, მოლაპარაკებები, სასამართლო დავები. შეძლებთ თქვენი პოზიციის დაფიქსირებას. ყველა საქმიანობაში წარმატება გელით. კარგ შედეგს მოგიტანთ კონსულტაცია პროფესიონალებთან. გამონახეთ დრო დაწყებული და მიტოვებული პროექტების დასასრულებლად. რთულ საკითხებსაც კი მარტივად მოაგვარებთ. თვის ბოლოს გამონახეთ დრო შემოქმედებითი საქმიანობისთვის.

გაგიუმჯობესდებათ მატერიალური მდგომარეობა. შეიძლება ფული საჩუქრადაც კი მიიღოთ. ან შემოსავლის ახალი წყარო გამოგიჩნდეთ. ნათესავებისა და საყვარელი ადამიანის დახმარებით შეიძლება პირადი საქმეც კი დაიწყოთ. მამაკაცი მერწყული კარგად გაართმევს თავს ბიზნესს პროექტებს.

თებერვალში საინტერესო ადამიანებთან გელით შეხვედრა. თავად კი შეიძლება ტელერეპორტაჟის თუ ინტერვიუს გამო პოპულარული გახდეთ.

მუშაობისას მეტი ყურადღება მიაქციეთ დეტალებს. ზოგიერთი მასშტაბურ პროექტშიც ჩაერთვება.

• ჯან­მრთე­ლო­ბა

თვის დასაწყისშივე მოიკრიბეთ ძალები და მოიცილეთ უსიამოვნო ფიქრები. ახლა მეტად უნდა იყოთ მორალურად ძლიერი. თუ მარტოს გიჭირთ საკუთარ თავთან გამკლავება, მიმართეთ ფსიქოლოგს. იმისათვის, რომ შუა თვეში არ გაცივდეთ, ამინდის შესაბამისად უნდა გეცვათ.

დაიწყეთ ვარჯიში, მეტი დრო გაატარეთ სუფთა ჰაერზე. მოისმინეთ დამამშვიდებელ მუსიკას. ჩაიტარეთ არომათერაპიის სეანსი. მანდილოსნებს კარგ შედეგს მოგიტანთ თმის მელირება.

თებერვლის თვის იღ­ბლი­ა­ნი რი­ცხვე­ბი: 5, 13, 29, 27.