როგორი იქნება ახალი წლის პირველი თვე მორიელებისთვის - იანვრის ასტროლოგიური პროგნოზი

თვის დასაწყისში მზე თქვენს მესამე სახლში იქნება და 19 იანვრის შემდეგ გადავა მეოთხეში. თვის დასაწყისში მეტი ყურადღება უნდა მიაქციოთ ინფორმაციებს; გახშირდება კონტაქტები განსხვავებული პროფესიის ადამიანებთან. მიმოსვლები ახლო მანძილზე. უნდა ჩამოყალიბდეთ, რა არის თქვენთვის უმთავრესი და რას საერთოდ არა აქვს მნიშვნელობა. ნუ გაეხვევით ჭორებსა და ინტრიგებში. ზოგიერთმა საკუთარ თავში შეიძლება ახლი - მწერლობის ნიჭი აღმოაჩინოთ. ზოგმა კი უცხო ენის შესწავლა გადაწყვიტოთ. გაიჩენთ ახალ მეგობრებს, რომლებიც მნიშვნელოვან როლს ითამაშებენ თქვენს ცხოვრებაში. 19 იანვრიდან უნდა დაუთმოთ მეტი ყურადღება საოჯახო საქმეებს, დამოკიდებულებას მშობლებთან. შეასრულეთ საყოფაცხოვრებო ვალდებულებები. მოაგვარეთ ძრავ ქონებასთან დაკავშირებული საკითხები.

• სწავლა, ბიზნესი, კონტაქტები

გონების მმართველი პლანეტა მერკური თქვენს მესამე სახლშია. ეს მოგიტანთ სწავლის, განვითარების სურვილს. ზოგიერთი შეიძლება სასწავლო კურსებზეც კი ჩაეწეროთ. გარშემო მყოფების მოსაზრეები გახდება თქვენთვის მნიშვნელოვანი. თუმცა, გირჩევთ, საკუთარი იდეები და ფიქრები ჯერჯერობით თქვენთვის შეინახოთ. ზოგიერთმა შეიძლება საოჯახო ბიზნესის დაწყება გადაწყვიტოს ან ახალი საქმის დაწყებაში დახმარებისთვის ნათესავებს მიაკითხოს. განსაკუთრებულ ყურადღებას საჭიროებს ყველა დოკუმენტი, საბუთი, თუ ხელშეკრულება, რასაც იანვარში გააფორმებთ. ზოგ შემთხვევაში შეიძლება სპეციალისტის დახმარებაც კი დაგჭირდეთ.

• ფული და სიყვარული

სიყვარულისა და ფულის პლანეტა ვენერა თქვენს მესამე სახლშია და ნუ გაგიკვირდებათ, თუ საყვარელ ადამიანთან ურთიერთობა მეტად მეგობრული გახდება. მოგინდებათ მისთვის საკუთარი აზრების გაზიარება, სიყვარულზე საუბარი. გახშირდება მიმოწერა. გარშემო მყოფებთან იყავით ღიმილიანი. მარტოხელები ნუ დაფრინავთ ღრუბლებში და ახალგაცნობილებში მხოლოდ დადებითს ნუ ეძებთ.

• ჯანმრთელობა

მარსი ენერგიულობას შეგმატებთ. სურვილი გაგიჩნდებათ, გააუმჯობესოთ დამოკიდებულება სასიყვარულო და საქმიან პარტნიორთან. თუმცა, მათი მხრიდან შეიძლება მიიღოთ აგრესია, პროვოკაცია. მეტი ყურადღება გმართებთ ღვიძლისა და კუჭქვეშა ჯირკვლის მიმართ. გირჩევთ გამოიკვლიოთ მუცლის ღრუ.