როგორ უნდა მოიქცეს იზოლაციაში ზოდიაქოს თითოეული ნიშანი და რას უნდა მიაქციოს ყურადღება - ასტროლოგის რჩევები

ქართველი ასტროლოგი დავით ბუთიკაშვილი სოციალურ ქსელში გვიზიარებს ასტროლოგიურ რჩევებს პანდემიისა და იზოლაციის პერიოდთან დაკავშირებით. რა უნდა გაითვალისწინოს ზოდიაქოს თითოეულმა ნიშანმა:

"როგორ შეიძლება გამოვიყენოთ ასტროლოგია ისეთ პასიურ მდგომარეობაში, როგორშიც ახლა ვიმყოფებით? ან შეიძლება კი გამოვიყენოთ ის? რა თქმა უნდა, შეიძლება და ძალიან პროდუქტიულადაც. ასეთ პასიურ მდგომარეობაში, როგორშიც ახლა ვიმყოფებით ჩვენი ქვეცობიერი განსაკუთრებულ მდგომარეობაშია, ყოველ შემთხვევაში, ისეთში არა, როგორც ამ პერიოდამდე იყო. როგორც მანამდე, ისე ახლაც ჩვენი ქვეცმობიერი ემორჩილება ასტრალურ ვიბრაციებს.

ამ პერიოდის განხვავება მდგომარეობს იმაში, რომ ახლა ცნობიერება იმყოფება შედარებით პასიურ მდგომარეობაში, კერძოდ ისეთ დაჩქარებულ რითმში არ უწევს მუშაობა, როგორც მანამდე იყო, ამიტომ უფრო სრულყოფილად აღიქვამს ჩვენი ცნობიერება ქვეცნობიერის იმპულსებს. ამ პერიოდში მოსალოდნელია გაგიჩნდეთ გარკვეული სურვილები (რომლებიც მანამდე არ გქონიათ ) ან გაგიჩნდეთ ინტერესები, ადრე სადღაც ამოვიკითხე ფრაზა, რომ სამყარო ჩვენ მინიშნებებით გველაპარაკება, მინიშნებები არის სამყაროს ენა. ჩვენ თუ ვაკვირდებით მინიშნებებს ჩვენს ცხოვრებაში და ვცდილობთ ავხსნათ, საბოლოოდ შევალთ დიალოგში სამყაროსთან (იქ, სადაც სამყაროს ვახსენებ ჩემთვის ღმერთია, უბრალოდ ვიცავ სტილს რა სტილშიც ეს ფრაზა წავიკითხე).

თუ როგორ ვრეაგირებთ მინიშნებებზე ამაზე მიუთითებს ჩვენი ჰოროსკოპი (ზოგადად, ზოდიაქო, რომლის ქვეშაც ვართ დაბადებული) მაგალითად, ვერძმა და მორიელმა მოსალოდნელია სულ სხვა და სხვანაირად აღიქვან ერთი და იგივე მინიშნება და ორივე სწორი იქნება, ეს შეიძლება შევადაროთ დაშიფრული ინფორმაციის წაკითხვას ინდივიდუალური გასაღების წყალობით, მოკლედ აღარ შეგაწყენთ ამ თემის ზედმეტი უტრირებით, და აღვწერ - რა გავლენას ახდენს ამ პერიოდში მოსული მინიშნებები სხვადასხვა ზოდიაქოს ნიშნით დაბადებულ ადამიანზე და მათი ცხოვრების რა კონკრეტულ სფეროზე აძლევს მათ პასუხებს. დავამატებ მხოლოდ იმას, რომ ხშირად მეკითხებიან რა აღვიქვათ მინიშნებად? ამაზე პასუხი ერთია - „ყველაფერი“. ეს შეიძლება იყოს მოსმენილი ფრაზა ფილმიდან, რომელსაც ვუყერებთ ან ნებისმიერი ფრაზა, რომელიც გვესმის, ასოციაცია, რომელიც ჩვენი ცხოვრების რაღაც კონკრეტულ ეპიზოდს გვახსენებს, სიზმრიდან გამოყოლილი ინფორმაცია და ა.შ. მაშ ასე დავიწყოთ.

ვერძი - ვერძის ზოდიაქოს ნიშნით დაბადებულ ადამიანებს ამ პერიოდის მინიშნებები, აგრეთვე იდეებიც, რომლებიც ამ პერიოდში მათ უჩნდებათ, საქმიანი ან კარიერული წინსვლის და წარმატების მიღწევაში დაეხმარება სამომავლოდ. კარგი პერიდია ბიზნესგეგმების ან კარიერული წინსვლის სტრატეგიის შემუშავებისთვის, გაძლიერებული ინტუიცია ზუსტად ამ მიმართულებით გაშიფრავს ნებისმიერ მინიშნებას, რომელიც ვერძებთან მოდის.

კურო - ამ პერიოდის მიზანი და ამოცანა კუროს ცხოვრებაში არის რწმენის და შინაგანი ფილოსფიის ფორმირება, მეტად სასარგებლო იქნება რელიგიური ან ფილოსოფიური და ეზოთერული ლიტერატურის კითხვა მოსალოდნელია მეტად სასარგებლო მინიშნებები კუროებთან ამ გზით მოვიდეს.

ტყუპები - ამ პერიოდის მინიშნებები ტყუპებს დაეხმარება ფსიქოლოგიური პრობლემების მოგვარებაში, მეტიც, მოსალოდნელია საკუთარ თავში აღმოაჩინონ ფსიქოლოგის ნიჭი და არამარტო საკუთარი ფსიქოლოგიის კორექტირება მოახდინონ, არამედ სხვებსაც დაეხმარონ ფსიქოლოგიური პრობლემების მოგვარებაში, ამ პერიოდში მოხდება ტყუპების პოზიტიური ფსიქოლოგიური ტრანსფორმაცია. მეტად სასარგებლო იქნება ფსიქოლოგიური ლიტერატურის კითხვა, მნიშვნელოვანი მინიშნებები მოსალოდნელია, ამ გზით მოვიდეს მათთან, ამ პერიოდის მნიშნებები აგრეთვე მანამდე საიდუმლოებით მოცულ და აქტუალურ გარემოებებზე აუხელს ტყუპებს თვალს.

კირჩხიბი - ამ პერიოდის მინიშნებები დაგეხმარებათ აღმოაჩინოთ ნებსიმიერ ურთიერთობაში წარმატების მიღწევის გზები (მათ შორის სასიყვერულო ან ოჯახური), თუ დაოჯახებული არ ხართ, მოსალოდნელია, მინიშნებებმა პირად ურთიერთობებში წარმატების მიღწევაში შეგიწყოთ ხელი, ხოლო თუ დაოჯახებული ხართ, ამ პერიოდის მნიშნებები ოჯახური ურთიერთობების ჰარმონიზაციაზე მოახდენს დადებით გავლენას. მეტად სასარგებლო იქნება თქვენთვის ხელოვნებასთან კონტაქტი, შეიძლება ითქვას, რომ მეტად მნიშვნელოვანი მინიშნებები ამ მხრივ მოსალოდნელია თქვენთან ამ გზით მოვიდეს. ასე რომ, იკითხეთ მხატვრული ლიტერატურა, უყურეთ ფილმებს, უსმინეთ მუსიკას. თუ თქვენ ეცდებით აღმოაჩინოთ თქვენში ხელოვნების ნიჭი, მოსალოდნელია, ამ მხრივაც წარმატებული აღმოჩნდეს ეს პერიოდი.

ლომი - მინიშნებები ამ პერიოდში გიკარნახებთ ჯანმრთელობის გაკაჟებისა და პროფესიონალიზმის ამაღლების გზებს, მოსალოდნელია, თქვენთვის ახალი პროფესიაც აღმოაჩინოთ, სადაც წარმატებას მიაღწევთ. გირჩევთ იკითხოთ სამედიცინო ლიტერატურა, ხშირად უყუროთ სამედიცინო გადაცემებს, აითვისოთ სხვადასხვა გამაჯანსაღებელი სისტემები.

ქალწული - ამ პერიოდში მეტი ყურადღება დაუთმეთ თქვენს გატაცებას (ჰობის). მეტად სასარგებლო მინიშნებები თქვენთან მოსალოდნელია, ამ გზით მოვიდეს. თუ რაიმე გატაცება არ გაქვთ, მოსალოდნელია, ამ პერიოდში აღმოაჩინოთ ის, აგრეთვე არ არის გამორიცხული თქვენი გამოცდილება, გატაცების სფეროში, მეტად აქტუალური და საინტერესო აღმოჩნდეს ბევრი ადამიანისთვის. გაუზიარეთ ეს გამოცდილება სხვებსაც, ამან მოსალოდნელია, აგიმაღლოთ ავტორიტეტი თქვენი ჰობის სფეროში და გააძლიეროს თქვენდამი სიმპათიები.

სასწორი - განსაკუთრებით სასარგებლო იქნება თქვენთვის ისტორიული ლიტერატურის კითხვა, ისტორიულ თემატიკაზე ფილმების ყურება, მნიშვნელოვანი მინიშნებები მოსალოდნელია, ამ გზით მოვიდეს თქვენთან. შეგიძლიათ დაუთმოთ დრო სახლის ინტერიერს ან ნებისმიერ საკითხს, რომელიც უძრავ ქონებას უკავშირდება. ამ პერიოდის მნიშნებები მოსალოდნელია წარმატების მომტანი აღმოჩნდეს აგრეთვე სახლთან და უძრავ ქონებასთან დაკავშირებულ სფეროში.

მორიელი - ამ პერიოდის მნიშნებები მიგითითებთ სფეროზე, სადაც საჭიროა თქვენი ცოდნის გაღრმავება, სასიკეთო წელია რაიმეს შესწავლის წამოსაწყებად, გირჩევთ იკითხოთ მეტი, დრო დაუთმოთ ინფორმაციას. მეტად სასიკეთო მინიშნებები მოსალოდნელია, მოვიდეს აგრეთვე სანათესაოს მხრიდანაც. თუ რაიმეს შესწავლას ცდილობდით ადრე და დრო არ გყოფნიდათ ეს პერიოდი საუკეთესოა ამისთვის. ნებისმიერი ფრაზა, ნებისმიერი წინადადება იმიტომ მოდის თქვენთან, რომ მიგანიშნოთ, რა მიმართულებით უნდა გაიღრმაოთ ცოდნა.

მშვილდოსანი - ყურადღებით მოეკიდეთ ამ პერიოდში სიზმრებს, ამ გზით მოვა მინიშნებები, რომლებიც ფინანსური შემოსავლის გაზრდის საუკეთესო გზებს გაპოვნინებთ. კარგი იქნება აგრეთვე რელიგიური და ფილოსოფიური ლიტერატურის კითხვა. ამ გზითაც შეიძლება მოვიდეს მინიშნებები, რომლებიც შემოსავლების გაზრდაში დაგეხმარებათ.

თხის რქა - სამყარო მიგანიშნებთ, როგორ გაიუმჯობესოთ გარეგნობა და როგორი იმიჯი იქნება თქვენთვის ყველაზე წარმატებული, როგორ გამოავლინოთ თქვენი ინდივიდუალობა საუკეთესოდ. მეტად სასარგებლო იქნება ფიტნესი, სხეულის ფორმების კორექციისათვის გამიზნული ვარჯიშები და შესაბამისი ლიტერატურის კითხვა. ექსპერიმენტები ჩაცმის სტილის შერჩევის ან ნებისმიერი სიახლისთვის, რაც გარეგნობას და იმიჯს ეხება.

მერწყული - მოსალოდნელია აღმოაჩინოთ საკუთარ თავში მაგიური და პარანორმალური თვისებები, ექსტრასენსორული ნიჭი, მნიშვნელოვანი მინიშნებები მოსალოდნელია მიიღოთ პარაფსიქოლოგიისა და ექსტრასენსორიკის შესახებ ლიტერატურიდან და ფილმებიდან. კარგი იქნება იოგა ან მედიტაციები, მინიშნებები მოსალოდნელია მოვიდეს შეგრძნებების დონეზე.

თევზები - მეტი დრო გაატარეთ ინტერნეტში, მნიშვნელოვანი მინიშნენებები მოსალოდნელია ინტერნეტით მიიღოთ. აგრეთვე მეტად მნიშვნელოვანი მინიშნებები თქვენთან მოვა მეგობრების მხრიდან, ეკონტაქტეთ მათ. ამ პერიოდის მინიშნებები დაგეხმარებათ თქვენი მიზნების, სურვილებისა და გეგმების რეალიზაციაში ან მათი განხორციელების საუკეთესო გზების აღმოჩენაში.